خلطاتكم الحلوة وينهي ؟؟ رد المشرفات 2024.

مرحبا عرايس

شخباركم ؟؟ كلكم اوكي ؟؟

انا عندي مشكلات بسيطة اتمنى تساعدوني واي وحدة فيكم عندها مشكلة تتفضل والباقي ما بيقصرون معانا اكيد

اول شي انا عندي الرؤوس السوداء على انفي فقط ابي اتخلص منها

ويا ريت بخلطة من خلطاتكم الحلوة

ثاني شي ابي اعرف شنو افضل طريقة لازالة شعر الوجه بدون ما تطلع حبوب

انا بشتري من النوع الي يتأثر بالخيط و ويهي يمتلئ حبوب وبثور اذا استخدمت طريقة الحفاف او النتف

والشمع يطلع قليل من الحبوب بس يسوي البشرة جافة وناشفة وكانها محترقة .. تلاقينها منتفخة في بعض الاجزاء

فما ادري شنو الطريقة الاصح .. يا ليت تخبرونا بتجاربكم

الامر الثالث وهو ظهور الشعر تحت الجلد .. حتى شعر الاصابع يطلع ويطول تحت الجلد ولو انتظرته وصبرت وصبرت بعد ما يطلع يبقى تحت الجلد

ما تدرون ليش ؟؟ وشنو الحل

اما المشكلة الرابعة وهي اني لما اسوي حلاوة وانزع الشعر من رجلي اشوف شعر تحت الجلد متكور كأنه حبوب .. فاضغط عليه باستخدام ثنتين من الاصابع ( على قولتنا ابطه ) فتطلع الشعرة من شي ابض اعتقد دهون <<< ادري قرفتكم سامحوني خخخخخخخخ

المهم بعد ما اسوي هالحركة يبقى لي اثر وبقعة غاااامقة

حتى ان ريلي تشوهت كله بقع بنية داكنة .. مع انه ريلي بيضة بس شكلها مقرف صاير
وانا الحين تركت هالحركة ما اسويها .. بس ابي رجلي ترجع للونها الطبيعي خصوصاً انه خطوبتي قريبة

وهذي اهم مشكلة .. ابي ازيل كل هالبقع البنية بلييييز ساعدوني

نشكركم لحسن المتابعة والى اللقاء <<< بالصراحة احلى خخخخخخخخخ

انتظر ردودكم يا بنات .. انا قايمة ارقد بكرى عندي امتحان .. لا تبخلون بدعائكم

هههههههههههههههههههههههههه

اسلوبك مرررره يجنن

ان شاء الله بنت عذاري تساعدك لان ما عندي

اي مشكله في بشرتي

غير انها جافه وحساسه

بالعربي>>>> ما عندي فكره

ومبروووك مقدما وان شاء الله تتوفقين في الاختبار

آسفه ما فدتك بشي

تيتي تيتي مثل ما رحتي جيتي

لو اسكت احسن صح ؟؟ خخخخخخ>>>>>>(السكوت من ذهب)

حبيبتي اول شي الله يوفقج في امتحانج

وبالنسبه لمشاكل بشرتج

للرؤوس السوداء استخدمي قناع الانف من مجموعة التي تري من بودي شوب

والشعر الزائد فالوجه ممكن تستخدمين الشمع وبعدها تحطين ماسك النشأ وماي الورد او تحطين مرطب بعد الحف ومرهم مضاد للحبوب عشان مايحبب ويهج وينتفخ

او الليزر

وبالنسبه لريولج استخدمي سكراب زيت الزيتون والسكر والملح مرتين اسبوعيا او 3

وقبل الحف بيومين

وداومي عليه وان شاء الله بتختفي المشكله وبتروح البقع

والله يوفقج

..::..

‘‘ هلا حبيبتي انا عندي كل مشاكلك ههههههههههههه .. بعطيكي الحلول .. اول شي للرؤوس السوداء قبل لا تنامين وزعي على كامل وجهك زيت فيتامين e مرررره مفيد للرؤوس السوداء ولمن تصحين غسلي المنطقه الي فيها الرؤوس بغسول نتروجينا للرؤوس السوداء .. ومثل ما قالت دلوعه استخدمي قناع التي تري من بودي شوب للانف 3 مرات بالاسبوع ‘‘

‘‘ احسن شي الخيط لازالة شعر الوجه.. انتي تطلع لك حبوب يمكن لانك ما تحطين خلطات قبل وبعد النزع .. قبل النزع حطي على وجهك سكر + زيت لوز حلووو وبعد النزع استمري تحطين لمدة اسبوع نشا + موية ورد ‘‘

‘‘ ظهور الشعر تحت الجلد له حلين .. اول شي كربونات الصوديوم مثل ما قالت بنت عذاري وهي انك تجيبينهم وتحطين الكربونات بمنشفه حاره وتبدين تفركين فيهم رجولك والمكان الي فيه شعر تحت الجلد + قبل ما تحفين جيب الحجر الي يزيل الجلد الميت من الرجل وتلقينه في بودي شوب وابدائي افركي رجولك راح تلاقين الشعر الي تحت الجلد صار على السطح وتقدرين تنزعينه ومع التكرار بتلاقين المشكله انحلت وياليت تسوين تقشير قبل ازالة الشعر .. عندك في بودي شوب مقشرات للجسم حلووة او ممكن تقشرين جسمك بسكر + زيت زيتون وبالتوفيق في الاختبارات حبيبتي‘‘
..::..

تحيــاتـي

«•°¤ ..(f).. بِسْـــمِـ الـلّـــهـ الـرّحْمـــنـ الـرّحيـــمـ ..(f).. ¤°•»
*~*~* السَّـــلامـُ عَليكُـــمـ و رَحمَـــة اللّـــهـ و بَرَكاتُـــهُـ *~*~*
(f)

بالنسبه للوجه لازم تستخدمين كريم لمدة 3 ايام (( صبح و ليلل ) بعد الحف بالخيط او الشمع .. عشان مشكلة الحبوب اللي تطلع .. و انصحك بكريم (( فوسيدين )) هو مضاد .. و تلقينه بالصيدليه و هو مجرب ..

و بالنسبه للشعر اللي ينمو تحت الجلد فلازم تقشرين بشرتك مرتين في الاسبوع مع الترطيب ..

و للرؤوس السودا استخدمي لواصق الانف من بيوريه ..

و ربي يحفظك ..

(f)
×.::.*.::.× (f) مَعَــ حُبـــــِّــي (f) ×.::.*.::.×
.•°.(f).°•. بَنْتـُــــــ ™ BanTooTa ــــوتـَـهـ .•°.(f).°•.

لمشكله الشعر تحت الجلد

قبل الحف ب 3 ايام سوي حمام مغربي لازاله الجلد الميت
((الحمام المغربي)) .. علاج واسترخاء مع روح البحرين

اما عن حبوب الوجه بعد حفه

افضل حل هو الليزر

اما عن الروؤس السوده
فالبنات كفوا ووفوا

اختك
روح البحرين

sara

ههههههههههههه شكراً على المعلومات المفيدة <<<< خخخخ

حياج والله نورتي صفحتي

دلوعه قطريه

مشكورة حبيبتي ما قصرتي والله

وبالنسبه لماسك النشا اشلون نسويه ؟؟شاكل بشرتج

سكراب زيت الزيتون والسكر والملح شنو الكميات بالضبط والطريقة

مشكورة ما قصرتي طلباتي وايد تعبتج معاي:shy:

اقتباس

المشاركة الأساسية كتبها دلوعة القصيم

	..::.. ‘‘ احسن شي الخيط لازالة شعر الوجه.. انتي تطلع لك حبوب يمكن لانك ما تحطين خلطات قبل وبعد النزع .. قبل النزع حطي على وجهك سكر + زيت لوز حلووو وبعد النزع استمري تحطين لمدة اسبوع نشا + موية ورد ‘‘

دلوعة القصيم عاد تصدقين اني كنت اتمنى تردين عليي

وصج ما قصرتي حبيبتي .. الف شكر لج

بس شنو بالضبط هالخلطات كم الكميات واشلون الطريقة

اما بيكربونات الصودا شريتهم يوم يفشل سعر العلبة بس 200 فلس يعني ريالين خخخخخ

باجر بستخدمهم

ثانكس على الرد حياتو :shy:

اقتباس

المشاركة الأساسية كتبها BanTooTa

	«•°¤ ..(f).. بِسْـــمِـ الـلّـــهـ الـرّحْمـــنـ الـرّحيـــمـ ..(f).. ¤°•» *~*~* السَّـــلامـُ عَليكُـــمـ و رَحمَـــة اللّـــهـ و بَرَكاتُـــهُـ *~*~* (F) بالنسبه للشعر اللي ينمو تحت الجلد فلازم تقشرين بشرتك مرتين في الاسبوع مع الترطيب .. (f) ×.::.*.::.× (f) مَعَــ حُبـــــِّــي (f) ×.::.*.::.× .•°.(f).°•. بَنْتـُــــــ ™ BanTooTa ــــوتـَـهـ .•°.(f).°•.

عليكم السلام والرحمة يا هلا وغلا بالبنوتة

مشكورة على الرد يا حلوة .. بس ما قلتي شنو الترطيب الي تقصدينه ؟؟

روح البحرين

مشكورة يا الروح على الرد

بس تعرفين مكان زين حق الليزر ؟؟ وكم الاسعار ؟؟

واذا عندج بعد تفاصيل لا بتخلين

مشكورين يا عرايس على ردودكم الطيبة

وايد افدتوني

مــــــاشاء الله البنات مول ما قصرو

بس بزيدج من الشعر بيت:
انان اول ما اقوم من النوم افرش اسناني واغسل ويهي لين يجف(بشرتي بتتقطع من الجفاف)

بس حسيتها جفت بالمرة، احط لي خلطة خميرة وماي ورد اخليها نفس غلاظة العسل واحطها بويهي لين تجف

والله رووووووووووعة انا حاليا كل يوم اسوي هالقناع اول ما اقوم من النوم..

وطبعاغير الغسول اللي تسوينه لتنظيف الوجه وكريم الليل والنهار

[COLOR="royalblue"] ظهور الشعر تحت الجلد له حلين .. اول شي كربونات الصوديوم مثل ما قالت بنت عذاري وهي انك تجيبينهم وتحطين الكربونات بمنشفه حاره وتبدين تفركين فيهم رجولك والمكان الي فيه شعر تحت الجلد + قبل ما تحفين جيب الحجر الي يزيل الجلد الميت من الرجل وتلقينه في بودي شوب وابدائي افركي رجولك راح تلاقين الشعر الي تحت الجلد صار على السطح وتقدرين تنزعينه ومع التكرار بتلاقين المشكله انحلت وياليت تسوين تقشير قبل ازالة الشعر .. عندك في بودي شوب مقشرات للجسم حلووة او ممكن تقشرين جسمك بسكر + زيت زيتون وبالتوفيق في الاختبارات [
/COLOR]

انا مع الاخت دلوعة القصــــــــــــيم بها الكلام