بنات السعودية، مساعدتكم مرجوة 2024.

السلام عليكم جميعاً..

انا حابة اروح على السعودية و اشتري جلابيات سعرها رخيص او مقبول بس تكون من النوع المرغوب فيه. حبيت اشتري كمية صغيرة (10 قطع بالكثير) و اجي ابيعهم في البحرين بين الأهل و الأصدقاء.

فأنا طلبة منكم تساعدوني بأسامي المحلات او المناطق اللي ممكن احصل فيها على اللي ادوره.

راجية منكم المساعدة.

والشكر للجميع

ان شاء الله يساعدوك البنات عزيزتي

ان شاء البنات ما يبخلون عليك

هلا عزيزتي اذا تبين جلابيات على مستوى راقي عندك اليشمك الموجود في الخبربالراشد عندك المارينا مول في الدمام في اشياء تهبببببببببببل من الجلابيات وعندج الشاطئ مول……. واحة الجلابية بالخبر بمجمع جمعة سنتر والله يعينج على الدفع ههه تحياتي

اللةييسرلك امرك

هلاا حبيبتي بالريااض مجمع حيااة مول الدور العلوي آغلبه محلات جلابيات بس غااالية ..
اذا تبين تبيعين وتكسبين ويفصل لك ويسوي لك خصم والجلااابيات جونااان آنزل لك وصف المحل ..

جزاكم الله الف خير يا بنات.. ما قصرتون..

يعطيكم الصحة والعافية انشاءالله..

لا حبيبتي إذا انتي حابه جلابيات ناعمة مش فخمة وبسعر مناسب روحي سوق الجملة بالدمام فيه محل اسمه المنيف وجنبه محلات ثانية وشارع الملك فهد (سوق الحب) فيه جلابيات حلوة بعد وأسعار مناسبة أتمنى أكون ساعدتك ..

مرااااحب ,,, شوفي حبيبتي اذا تبين دراعات حلوه واسعارها رخيصه بس مو كشخه حيل تلاقينها بالمعيقليه بالرياض، واذا تبين ارقى شوي تلاقينها باسواق مكه بالرياض ، واذا حيل راقيه تلاقينها بكل اسواق الماركات من اليشمك وطقته…

والله يوفقج ويرزقنا وياج .. سلااااااااااااااااااام

هلا ..
فيه عندك سوق الحب يبيعون جلابيات خفيفة ورخيصة..وفيه في نفس السوق مجمع اللؤلؤة فيه محل يبيع جلابيات مرة حلوة.