ما مذى خطورة المضاد الحيوي على طفلي؟ 2024.

انا اعاني من قلق شديد على بنتي الي ما كملت الشهر
بنتي يوم احممها بعد ما رخصوني من المستشفى يعني بعد اربعة ايام من الولادة لاحظت وجود قرحة (حبة كبيرة) في راسها .
استغربت ان المستشفى طول فترة ما انا موجودة ياخدونها يسبحونها ولا جابوا لي سيرة بس بيتنا قالوا لي انه عادي بتروح بس يوم مرت اربع ايام لاحطت انها تطلع وصخ منها فقلت لا لازم اوديها الى استشاري اطفال
وديتها و قال ان تحتاج الى كريم بكتريا واستخدمه لمدة اسبوع كتب ليها (بكتروبان) كمل الاسبوع خفت اشوي الحبة بس ما راحت اتصلت ليه بتلفون فقال استمر على الاكريم اسبوع ثاني و اذا ما راحت بيطر يكتب لبنتي مضاد حيوي
انا بنتي للحين ما كملت شهر و اسمع ان المضاد الحيوي وايد تاثيرة قوي على الاطفال فشنو اسوي؟
ساعدوني

اكيد المضاد الحيوي قوي على طفلة ما كلمت الشهر، فانتي استعملي الكريم وظلي مدوامة عليه دامج تقولي انها خفت شوي..وما تشوف شر بنتج

اختي … صحيح المضاد قوي بس لا تنسي ان الطبيب اعرف بحالة الطفلة واكيد عامل حساب وزنها وعمرها وبيوصف لها مضاد مناسب لها

اذا كان الحل في المضاد فمالك الا المضاد لا تنسي انها في الراس وحرام اهمالها

ماتشوف شر

المضاد يقلل المناعه اذا حد استخدمة بكثرة
بس اوقات يكون ضروري ولا تخافين لأن الدكتور أعرف عنا
وانتبهي لشي اذا مره من المرات استخدمتي المضاد لااااااازم يكون استخدامه بانتظام لأنه مثل الكورس لازم تكملينه لين ما يخلص عشان ما يرد المرض مره ثانية:sad:
مثلا حطي موبايلج عالمنبه (t)عشان تذكرين موعد كل جرعه
ولا تنسين انه في حليب الأم مضاد حيوي طبيعي مثلا اذا التهبت عيونها حطي من حليبج في عيونها واذا فيها زكام قطري في انفها من زمان كانوا أمهاتنا يسوون جيه وحتى في الستشفى قالولي اسوي جيه

ان شاء الله بنتج ماتشوف شر وان شاء الله ما تحتاج مضاد حيوي
شكلج ام يديده مبرووووك :clap::clap::clap:
واذ عندج أي سؤال حاضــــرررررين

مشكورين خواتي على ردودكم
بكرة عندي موعد عند الطبيب وانشاء الله يقول ما تحتاج
صادقة اخت cute2000 انا ام جديدة صار لي شهر
من يصيد بنتي شي ما عندي حل الا الدموع

ان شاء الله ماتحتاجون المضاد الحيوي … وماعليكم الا السلامه وداومي عالكريم وان شاء الله تخف

تحياتي ……. ولاء علي

الحمدلله رحت اليوم لدكتور وقال انه الحبة خفت وايد و ما تحتاج مضاد بس يبيني اداوم على الكريم اسبوع بعد احتياط
الحمدلله و مشكورين على اهتمامكم

ان شاء الله يا رب ما توصلي للمضاد، ولو لا سمح الله وصلتي فطبيب الاطفال اخبر

توكلي على الله وهذا دكتور وعنده شهاده وتخصص مب مني والدرب صار دكتور .. ما اظن بيعطيج شي يضر بنتج …

الحمد لله ع سلامتهاوما تشوف شر
اليهال وايد يمرضون……..وخليج شجاعه