شلونكم ياعرايس عساكم بخير ..
حبيباتي بنتي مشكلتها دلوعه.. عمرها سنتين ونص .. وتبي اللي بايد غيرها على طول . واي شي بايد بنات عمتها او خالها تبيه .. وتغار من اي طفل يحاول يقرب مني . ولا تبي ابوس احد غيرها وتعصب عصبية واضحة
واذا احد زارنا للبيت تستانس حيل .. الا اذا كان وياهم اطفال .. اذا معاهم اطفال تستانس بالاول
بعدين تبجي وتقعد تعصب ولا تبي الطفل يلعب معاها او يدخل غرفتها .
المشكلة الثانية واللي ظهرت مؤخراً انها صارت تضربني وتغلط علي بالكلام لما ارفض اعطيها شي .
وتقعد تصرخ ليما تاخذ اللي تبي .. اقوي قلبي ولا اعطيها . بس ترد تضربني وتتكلم بالفاظ متعلمتها من باقي الاطفال عند الجيران والاهل .. والمشكلة اني ازعل عليها وماكلمها ماتهتم .. بعد فترة تجي تحاول تكلمني امثل عليها اني زعلانه وماكلمها تقول سوري وتعتذر وتبوس راسي .
بعدها بشوي ترجع وتكرر نفس السالفة من بعد الاعتذار ..
اتمنى القى حل لهالسالفة بالذات ..
المشكلة الثالثة .. ان اليوم لاحظت اسنانها من الامام متغيرة .. وكأنها بداية لسوسة قادمة ..
كل اسنان الاطفال اللي من اهلنا وبعمرها للأسف خربانه .. فحاولت من بداية ظهور اسنان بنتي ولهالوقت اني احافظ على اسنانها سليمة واستخدم لها الفرشاة والمعجون .. بس اذا عندكم خبرة ابي اعرف افضل فرشاة ومعجون لطفل بعمر بنتي ..
أخيراً اسمحوا لي ..طولت عليكم .. السموحة ..
حبيبتي والله ما اعرف كيف افيدج البنات ان شاء الله ما بيقصرن
طمنتوني يعني المشكلة منتشرة .. موشي غير طبيعي ..
بس مع هذا لازم نلقى لها حل ..
ياريت اللي تقدر تفيدنا بهالموضوع لاتتاخر علينا …
بانتظاركم 