انا بنوتي عمرها سنة و3 اشهر وشوي والصراحة افكر افطمها بعمر سنة ونصف 😉
لكن الوالدة تقول لي لا افطميها بعمر سنة و8 شهور او 10 شهور بعد:eek:
وانا الصراحة تعبت وودي افطمها ومحتارة جدا:ss:
ابغى كل مرضعة تخبرني متى ناويه تفطم طفلها ؟؟؟؟؟؟؟
وهل حست بتأنيب الضمير وحست بالذنب لفطمها طفلها ؟؟؟؟؟؟؟؟
ارجو التفاعل بنات لو سمحتوا !!!!!! لاتردوني:cool:
هلا والله بجود ، صار لك مدة مانشوفك ..
انا ولدي بعمر بنتك بالضبط ! ، و تقريبا كل شهر اقرر افطمه ، لانه معتبر صدري مصدر تسلية و ماياكل بسبب كثرة الرضاعة ، و على طول متوتر يبي يرضع و انا ارفض اعطيه بسهولة ! و اظل كم يوم شاغلة تفكيري بمسألة الفطام و كيف ابتدي فيها ..
و مرة قنعتني اختي لما شافته كل دقيقة يجي يرضع اني امر الحواج و آخذ ( مرة ) اخليها على صدري حتى يرفضه بسبب الطعم المر ! انا مااحب هالطريقة بس اضطريت بسببه ، عاد اخذتها و خليتها على صدري و انا اصيح ( يازعم بفطمه ) والله شرب و لا كأنه فيه طعم غريب ! انا حمدت ربي اني مافطمته ، الله مو رايد ينفطم من الحين ..
بعدين قلت لازم امر عالدكتورة و استشيرها في مسألة الفطام .. و لاقيتها ببيت خالتي و سألتها .. متى اقدر افطم ولدي ؟ قالت وقت ماتبين افطميه بس ليش ؟ ، قلت لانه اقله قليل ومعتبر صدري سهاية حتى لو مو جوعان ، نصحتني اني اخلي حد لعدد مرات الرضاعة بحيث انها تكون وقت النوم و خلاص .. نومة العصر و نومة الليل !
ووقت الوجبات اشغله بأي شي حتى ما يطلب الرضاعة ..
و آخر شي قالت لي انه كمل السنة و الحمدلله أخذ حاجته من حليبك و لو فطمتيه مالك حق تندمين ، بس انصحك تواصلين للسنتين أفضل لنفسية الطفل .. !
انا الحين صابرة ، احتمال ارضعه للسنتين .. و اتمنى اقدر ! ..
بفكر افطمها على سنة او سنة و 3 شهور