عشائى الخفيف بالصور لعيونكم . ادخلوا وشوفوا 2024.

مساء الخير عضوات المنتدى الجميل – منتدى عروس
بجد انا بحب المنتدى جدا وبحس انى وسط اهلى وفى بيتى وبرتاح جدا وانا موجوده فيه
المهم مطولش عليكم .. انا اليوم كنت جوعانه وزهقت من الاكل وقررت انى اقوم اعمل عشاء خفيف وفى نفس الوقت بقالى كتير مش اكلته وخصوصا انى نادر لما ادخل المطبخ وانا عند امى
ففكرت بالسجق الشرقى مع بطاطس محمره وشويه سلطه خضراء
والطريقه بتاعته دى محدش قالى عليها خالص انا اخترعتها وانا واقفه فى مره وطلعت حلوه كتيييير وعجبت اخواتى وهيا ممكن تكون بسيط واى حد يعملها بس والله انا عملتها لوحدى من غير ما أسأل حد ولا حتى امى
F:يالا بينا نبتدى F:
اول شئ جبت سجق شرقى من منتجات حلوانى إخوان
[IMG]1- [/IMG]

انا استخدمت ها الكميه بس على قدى انا لأن مفيش حد غيرى اللى سهران و جوعان كمان
[IMG][/IMG]

وبعدين بنجيب 1 طماطم ، فلفل رومى حبيتين متوسطين ، بصله صغيره وبنقطعهم قطع صغيره مثل اللى فى الصوره – وممكن كمان تحطوا فلفل حار بس انا للأسف ما لقيت وكمان مش بحب الأكل حار
[IMG][/IMG]

وبعدين التوابل ( ملح ، فلفل اسمر ، قرفه ، قرنفل ، بهارات لحمه وفراخ ودى بجبها جاهزه من عند العطار ) واذا حابين تضيفوا شطه بس انا مش بحب الشطه عشان كده مش حطتيتها
[IMG][/IMG]

ونجيب الطاسه وبتكون غويطه وبنحط فيها شويه زيت
[IMG][/IMG]

وبعدين بنضيف البصل ونقلبه لحد ما يدبل شوى
[IMG][/IMG]

وبنضيف عليه الطماطم والفلفل الرومى
[IMG][/IMG]

ونضيف عليهم التوابل ونقلبهم على النار شوى
[IMG][/IMG]

وبعدين نجيب السجق ونضيفه على المكونات انا بحب اقطعه عشان يكون سهل فى الاكل وكمان يستوى من جوه كويس
[IMG][/IMG]

ونقلب المكونات مع بعض ونيبه على النار لحد ما يستوى
[IMG][/IMG]

وانا كنت مقطعه بطاطس صوابع وحطيتها فى ماء وضيفت عليها ملح وخل عشان تبقى مقرمشه من بره وطريه ومستويه من جوه زى البطاطس الفارم . وطبعا طبق السلطه اللذيذ والمفيد

وده الشكل النهائى للطبق من قريب
[IMG][/IMG]

وده الشكل النهائى للعشاء مع السلطه
[IMG][/IMG]

وبالهنا على قلبكم حبيباتى
رجاءا ده مجهود شخصى لا أحلل نقله بدون ذكر اسمى واسم المنتدى
وإذا عجبكم قيمونى .. منتظره ردودكم وتقيماتكم يا حلوين 😉
:L::L::L:

امممم عشاك روعه
بالعــافيه حبيبـــتي

الله يعافيكى حبيبتى وتسلمى على المرور نورتينى
اتفضلى كلى معايا

بالعااافيهـ يا قلبي ^^

تسلم ايديك ياقمر على الطبق السهل والرائع

وفي المرات القادمه اكتبي اسمك على الصور لحفظ الحقوق

ينقل للركن المناسب

((اسيره الغربه )) سابقا

/

::

أمممممممم

واااايد مشهي

يعطيج الف عافيه

/

::

تسلم الايادي

تسلموا حبيباتى ونورتونى بمروركم الكريم على موضوع
وان شاء الله المره الجايه بكتب اسمى على الصور ومشكوره على النصيحه

(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ)

تسلم ايدك تجنن انا بعملها بس بالسوسيس متهيقلى بالسجق هتبقى اطعم
تم التقيم