شاركينا بأفضل مستحضرات التجميل من تجربتك الخاصة 2024.

</B></I>

م ن ق و ل ل ع ي و ن ك م ا ل ح ل و ه

الموضوع مفيد كثير صراحه .. انا اغلبيه مشترياتي الميكبيه مااخذها الا بعد استشاره
من البنوتات ..

نبدا على بركه الله .. << لآ لآ مااقدر .. خخ

اول شي فاونديشن من كلارنس اسمه :
truly matte foundation
|| light reflecting || …

استخدمه للجامعه ،، حبيته وايد .. ومايلطخ ويعطي اشراقه للفيس .. اعطيه 810 ..

| 2 | ..

لب قلوس من غيرلان .. اسمه kiss kiss .. 761 .. اتعب وانا اقول خياااااااال .. ادمنته ..

| 3 | ..

ماسكرا خياااال من H R ..
اسمها lash queen feline blacks ..
بنااات اتعب وانا اقول خيال .. خيال لدرجه انني استخدمها يوميا للدوام لاني ادري انها ماراح تاذي رموشي نفس الماسكرات الثانيه ..

| 4 | ..

كونسيلر من ماك .. استخدامه مريح ولونه متجانس وحلو .. ماحس لمن احطه اني حاطه شي ..
اسمه select cover_up cache _cernes << كاتبته بذمه خخ
[/COLOR]

| 5 | ..

هاذا الله يسلمكم .. Highlighting powder ..

اضطريت العب بالادت عشان يطلع اللون عدل لانه بالتصووير اكس ..

وخلصنااااااا .. ووه تعبت ..
شسمه تسلمين لي ياقلبي عالموضوع المفيد ..
وينكم بناااات نبيكم تشاركونناااا .. نبي نفيد ونستفيد ..
ناطرتكم .. لحد يكشت فيني .. :L:

بحط لكم أشياء بسيطة .. لأني ما فيني على عبالة التصوير ..

امممم .. جمعت شوي من أغراضي اللي أستعملهم عادة للميك اب اليومي .. لوك الدوام ..

من اليمين لليسار ..

كونسيلر اتش دي من فور ايفر .. بحط عنه شرح تفصيلي في الصورة اللي تحت

كحل ( ميشا ) الكريمي .. حلو وسواده زين وما يجف في العلبة أعطيه 8 من 10 .. صار لي استعمله قريب السنة الحين .. اخط منه وفوقه اي لا ينر لانكوم .. لأنه بدون الاي لاينر يطبع في الجفن اللي فوووق ..

كريم اساس فور ايفر 52 .. الصراحة ما كنت متشجعة موووول لها البراند .. بس بالصدفة خذيت هالكريم ونتيجته وااايد حلوة .. خفيف ع البشرة وتغطيته واااو .. انا ما عندي شوائب وايد بس يعطيني لون متساوي وحلو .. بعد 8 من 10

اللي تحته .. شدو لونه أبيض على بيجج بدون لمعة من انجلوت .. اسويه اضاءه تحت العين والحاجب .. حلو وتأثيره مناسب للوك الصباحي الاشبه بنو ميك أب .. أستانس عليه .. درجته 9 من 10

كريم اساس سكند سكين من ماكس فاكتور .. أحب استعمله للتغير بين الكريمات .. وإذا كان مرطبي خفيف احطه .. بعد حلو بس موب أحلى عن فور ايفر 52 .. يعطي لوك مشرق .. ما اظن برجع اشتريه

تقييمه 7 من 10

وأخيرا كحل كاجل من هيملايا .. أنا أحب أكحال الكاجل .. ونفس هالكحل بالضبط نازل عند غيرلاين اللهم محطينه في علبة كلااااس موب شرات هذي بسيطة .. الكحل في غيرلاين بــ 200 درهم تقريبا .. وهذا بــ 15 .. والاثنين نفس الشيء .. حلو وسواده فاحم ويظل في العين ما يختفي مع الوقت .. وما سبب لي تحسس وانا عيني حساسة وااايد لدرجة اني ما البس عدسات ..
بس احسه يسيح احيانا .. ما ادري من الكحل والا انا عيوني تعبانة هاليومين .. 😎

بعد 7 من 10 ..

اخترت ان الصورة الثانية تكون كونسيلراتي .. لأني لاحظت البنات عندهم مشكلة مع اختيار الكونسيلر .. :thumbs_up:

اساس اختيار الكونسيلر كالتالي .. كل ما كانت هالاتج سود كل ما غمق اللون ..

وإذا تبين تحطين لون فاتح حطي قبله كونسيلر محمر ..

من اليمين ..

علبة بودر صفرا شوي .. هذي أحطها إذا حسيت نتيجة الكونسيلر موب مرضية وايد .. يعني اكون تعبانة وعندي هالات سود واحط كونسيلر عادي وما يغطي .. على طول احط هالبودرة .. هي عادية من ماركة فور ايفر 52 .. عطوني اياها بالغلط في المحل وما لقيت لها اي صرفه غير احطها لها الغرض .. تاخذ 6 من 10 كبودرة ويه .. و8 من 10 كبودرة كونسيلر

قلم اتش دي .. حلو بس احسه يبهت بسرعة .. لها السبب استعمله فوق كونسيلر كريولاين إذا كان اللون غاامج شوي .. احط هذا يفتح الكونسيلر ويصير حلو ..
موب اكثر عن 6 من 10

كونسيلر ماك العلبة الصغيرة الدائرية ..
طبعا ماك " حبيب ألبي " في الكونسيلرات والبودر .. هذا اللون أغمق عني بدرجتين .. لليالي السهر والتعب .. والصباحات اللي عيوني تتهيج فيها منالتعب او تكون ملتهبة .. تغطيته توووب وثباته ما عليه كلام

يستاهل 10 من 10 F:

ماك الانبوبه أو المرهم ..

نفس تعليقي على ماك المدور .. وهذا أستانس عليه لما اكون اريد تغطية سريعة وميك اب سريع .. ضربتين بالفرشاة وخلصنا توزيعه سهل وتغطيته حلوة ويعني نور تحت العيون … وثابت طبعا

بعد 10 من 10 F:

فور ايفر الباليت .. اااه منه :mad:.. طبعا مثل اغلب البنات ظليت محتاسة كيف اتصرف معاه .. ولقيت الحل .. احط اللون الأحمر بيس للكونسيلر .. واحط فوقه اللون البيج الغامق أو أي كونسيلر ثاني حابته ( بالذات كيريولاين العجلة ) ..
الالوان الثاني استعملهم اضاءات حسب الميك اب مالي ولووكه فاتح أو عادي
اللون المخوضر احطه على جوانب الانف بعد الليزر او تنظيف البشرة يكون ويهي محمر شوي ليومين ثلاثة ..

اكيد إذا خلص ما راح اشتريه مرة ثانية ,, بس متى بيخلص هذا مقاوم عندي من سنة ..

درجته 7 من 10 .. وهذا اذا عرفتي تستعملينه عااد .. :confused:

أخيرا كريولاين ..

حلو وتغطيته زينه بس يقلب رمااادي ويتشقق إذا ما حطيتي له بيس احمر .. وطبعا ارد على باليته فور ايفر واحط .. لأن بدون بيس ما يعطيج لون حلو .. خاصة ان فيه الوان فاتحة والهالات تحتاج غوامق ..

اللون البني القاتم اللي بالنص استعمله كنتورينق وتحديد أحيانا ..

اعتقد برجع اشتريه إذا خلص .. درجته 6 من 10 بدون بيس أحمر من باليت فور ايفر .. و 9 من 10 بالبيس ..

وسلامتكم .. قيموووني تعبت صبوعي من الكتابة :worn_out:

احسن ماسكرا

الارواااج من ايف سان لوران

الغلوسات

البلاشر

يعطيك العافيه على الموضوع

يا كثرهم .. لوووووووووووووووول شصورو شخلي

لكن التوب عندي فاونديشن ماكس فاكتور لاستنغ بيرفورمانس

كونسيلر من ماركة ارتدكو (هالماركة موجودة بالكويت بمراكز الجوثن)

و فكس بلس من ماك

فرشة 187 من ماك كذلك

ارواج ماك من نوع امبليفايد و مات

و بلاشرات ماك

وووو بس