حبيت أسألكم عن كريم اسمه رويال جلي انا اسمع البنات يسولفون عنه يقولون يبيض ويشد البشرة فممكن االي جربته انها تفيدني خصوصا ان سعره شوي غالي
وحبيت أسأل بنات الكويت بالذات عن ماركة كريمات البشرة اسمها بايوسفير
لان في خبيرات تجميل يمرون بالبيوت بالكويت ويسوون لج جلسة تنظيف بشرة مجانية باستخدام هالكريمات واذا عجبج شي تشترينه منهم
وانا حسيت ان منتجاتهم زينه فياليت اللي جربت شي منهم تفيدني
ممكن بليز
خصوصا اني مجربة تقريبا كل الماركات من كينيبو وكلارنس ولانكوم واليزابيث آردن وروك وكلينيك
بس ماحسيت ان في شي عطاني نتيجة مبهرة يعني بشرتي عادية
وانا بصراحة خاطري تصير بشرتي مثل بشرة نانسي عجرم
ولكم جزيل الشكر
ولا تغرج بشرة نانسي عجرم تراها مصبغه وعليها طبقات من الفاونديشن
يعني لو تشوفين ويهها بدون كل هالمكياج اكيد بيكون مبقع ومو حلو :down:
وبخصوص الكريم اللي سألتي عنه الصراحه ما جربته
واذا تعانين من مشاكل ببشرتج نصيحه مني راجعي اخصائية جلد وان شاء الله تفيدج احسن من انج تجازفين باستخدام كريمات يمكن ما تضبط معاج 
انا تبت بشترتي كانت حلوة ولعبت فيها بكريمات قصوا علي فيها والله ان بشتري الحين تضيق الخلق وكل من شافني لامني لاني خربتها وحيل حيل متحسفه وناويه اعالجها عند دكتور جلديه
اخذي بنصيحتي ولا تخربين بشرتج اذا مافيها شي واذا تبين احسن لج روحي للدكاتره
تحياتي
انا جربت منتجات بايوسفير عندنا فى البحرين هى شركة كويسة بس انا اخذت كريم الاساس لهم كان زين بصراحة.