شو أخباركم يا أمهات ياحلوات، وشخبار عيالكم الكتاكيت…الله يعطيكم ويعطيهم العافية والصحة ويحفظهم من كل شر وسوء…آمييييييين..
المهم…خلوني أدخل فالموضوع على طوووووول…
بنتي انشالله بعد كم يوم بتكمل الشهر الثامن وتدخل التاسع، وهي واايد واايد واايد ضعيفة وعضامها ضعيفة، بس ماشالله عليها وايد تتحرك ويوم أحطها مكان واخليها شوي..أرد واحصلها فالجهة المقابلة…حلو الكلام لين هني…
بس المشكلة انها لين أحين ماتزحف أو تحبي، بس تقعد، فأنا أقول يمكن لانها ضعيفة جسمها مايشلها…بس مثل ماقلت هي وايد تتحرك وتقعد بعد…
هي من استوت ترضع طبيعي و تشرب حليب نان، وطبعا عقب مادشت السادس عطيتها نان 2 لين أحين، وما أحس انها يالسة تمتن أو تصحصح، بس اللهم يالسة تطول، كل الوزن يروح فالطووول
فاللي أبيه منكم يا خواتي ياغاليات..كل وحدة عندها بيبي تذكر نوع الحليب الصناعي اللي يشربه، وصحته، يعني ضعيف ولا مربرب…لاني احس انه نوع الحليب واايد يأثر في جسم الطفل..
طبعاً نحن مانبا نحسد العيال..الله يحميهم من العين..
يلااااااااااااااا….اتريا ردودكم
انا كنت استخدم اي سته وعشرين قولد
ماكان الحليب يبقى في بطن بنتي على طول ترجعه
جربت لها سيميلاك وصج ناسبها الحمد لله
صحه بنتي زينه مب مربربه ولا ضعيفه
جربيه لبنتك وايد تمام هالحليب
موفقه والله يحفظها لك
مشكورة الغالية عالرد..والله يحفظ بنتج يارب…
بخصوص سيميلاك..هو بس نوع واحد، يعني مب مثل نان 1 و 2؟؟
ومشكورو مرة ثانية..
أهلين اختي ..
بانسبه للحليب استخدم سيميلاك.. لكن بعد ماكملت سنه بديت اعطيها نيدو الاطفال ..
وصحه بنتي عاديه مومربربه .. بالعكس اذا مربربه فهذا دليل ان الحليب مو زين ينفخ
الطفل مو دون فائده …
واذا تبين بنتك تتحرك .. عرضيها للشمس ترى فوائدها كثيره .. طبعا اللى اقصده شمس
الصبح واخر العصر .. لان فيها فيتامين ( د ) ..
اعرف وحده بنتها عمرها سنه ونصف ومامشت وعرضتها للشمس لمده اسبوعين وبدت
توقف .. والحمد الله ماكملت شهر الا ماشيه ..
بالتوفيق اختي …
الغالية فلونة …انت تعطين بنتج اكلات غير الحليب ؟؟
[/SIZE أن أعطي ولدي حليب سيميلاك ومرات أحط له في المرضعة
كم قطعة فارليز البسكوت والحمدالله صحته زينه ..
وشو نوع الأكل الي تأكلينها أياه عشان نقدر نساعدج……………
بس بنتج الحين المفروض تاكل تقريبا نفس انواع اكلج اكيج
يعني تاكل الهريس والعيش والاشياء الامهروسة والسمك كله عادي
طبعا اكيد الحليب مهم بعد
انا اعطي ولدي نان 2
فيه لحديثين الولاده
وثاني الاخضر لين سته شهور
والاحمر اللي هو سيميلاك غين لفوق السته شهور
وعندك سيميلاك النوع الاخير لفوق السنه وفيه سيميلاك بالحديد
كلهم روعه