عندي استفسارات عديدة اتمنى كل من عندها خبرة تفيدني وتفيد الكل بها
أول شي
الامهات اللي يشتغلون شلون تنظمون الرضاعة الطبيعية لأطفالكم؟
وكم رضعة تعطونهم باليوم؟
واللي طفلها قاعد يرفض حليبها شلون تتعامل معاه وتخليه ما يعيف الحليب الطبيعي ؟
آنا استخدمت الحلمة الصناعية هل لها مضار ؟
انتوا شنو سويتوا علشان ترجعون عيالكم يرضعون من عندكم
أنا بنتي مرضت وسخنت صادها زكام وبلغم فصار عندها الرضاعة صعبة حتى الصناعي بس الطبيعي اكثر .
يالله عطونا من خبرتكم
وشكرا مقدما
انا ام عامله وف فتره الصباح قبل لا اطلع من البيت ارضع ولدي واخبر اللي تمسكه انها تعطيه حليب كل ساعتين ولما ارجع من الدوام ارضعه طبيعي واحاول ما اعطيه حليب صناعي
وبصراحه طفلي لما ارجع واريد ارضعه يعصب وما يرضى يرضع بس انا اعطيه غصب وبعدها عادي يتقبله ويرضع لاني ما اريده يعيف الرضاعه الطبيعيه
والحلمات الصناعيه انا ما استخدمها لما ارضعه طبيعي اذا كان قصدك الحلمات اللي تحط في الصدر عشان تبرز حلمات الصدر ويعرف الطفل يرضع زين
بس خالتي استخدمتها حق ولدها لفتره مؤقته وبعدين صار يرضع عادي يعني ما اثرت عليه بشكل سلبي ولله الحمد
هلا خيتو سامحيني ما اقد افيدش اني بعد ام يديده وما اقدر افيدش بس انشاله البنات فادوش وإنشاله بنتش ما تعيف الحليب من صدرش
ايه وبعد سمعت انه هذي الحلمات الصناعيه مو زينه اني بغيت استخدمهم لاني حلماتي صغيره والحليب ما يطلع عندي وصاير حلماتي كله تتجرح ويطلع دم بس قالوا ليه مو زينين بس انتين بعد شوفي
silkeyes
ألف شكر لكم حبيباتي على الرد
عنوني
شلون هذي الحلمات مو زينة من اي ناحية؟
أنتظر باقي الأمهات
ومايشرب اله رضعتين مادام اني في الشغل
استخدم مراضع افنت لأنه الحلمة تشبه صدر الأم
مشكورة على الرد
انزين يعني تقصدين تخلينه بعد ما ترجعين من الشغل بس على صدرش حتى اذا ما رضى شلون تتعاملين وياه اذا ما قبل وبالغصب يشرب؟