السلام عليكم ياحلويين ..
الصراحه انا ولدى عمره تقريبا 11 شهر والحمدالله هو بعافيه بس المشكله انه مايحب ياكل يعنى اكله بسيط جدا جدا واكثر شىء حليب المعتمد عليه من الاكل وحزات ماياكل خير شر عادي يومين يتم على الحليب اذا احد فيكم يقدر يفيدنى … أكون شاكره لكم ؟
هلالالا أختي
انا مع بنتي نفس المشكله ماتكل وكله على الحليب
بس أحول ماأعطيه حليب تروح تكل
جربي أنج ماتعطينه حليب يوم تجيبين له الأكل بياكل
ولا حاولي يوم تأكلينه يكون يتبع شي يعني حطي له اى غناه مفضله لطفل وهوه منشغل حاولي تأكلينه
انشالله قدرت أفيدج
حبيبتي خففي عنه الحليب بياكل
المهم يشرب الكمية المطلوبة
بالتوفيق
مشكوريين حبايبي على النصاايح .. جرت اخفف عنه الحليب ياكللقمه لقمتيين بس ومايتقبل خلاااص واخليه والله ساعات عشان يشرباو ياكل نفس الشىء يقعد يصيح لين مااعطيه الرضااعه شسوي والله سويت له عيش اطفال وشوربات الشىء الوحيد اللى يمكن ياكل شكل بسيط دانيت بالفانيلا الجاهز وجربت معاه الاكل الجاهز ونفس الشىء …
اممممممممممممممممم ولدى من النوع الحركي مشاءالله عليه تبارك الله يعنى مهما يلهى خمس دقايق وعقب خلاااص … انا كل خوفى ان عقب ماياكل معنه الكل قالى لاتحاتيين بيرجع ياكل ..
بس ابغى احد يعطينى جدول تغذيه معنه جربت من قبل بس مااعرف شنو هو يفضل من الاكل .. كل الاكل يتقبله بنفس الشىء اللهم الشيره والكافي خبركم اليهال يمتون على الشيره …
ومشكورين ياخواتى ماقصرتواا
نفس حالة ولدي
لنبحث عن الحل معا ً
يالله ندور الحل اختى اذا حصلتى حل خبرينى وانا نفس الحاله
جربت طريقه حطيته في لعبه وهي سياره صغيره تتحرك جنب ابوه وخليته يشوف ابوه وهو ياكل فعطيته لقمه لقمتيين وابوه كان يحرك حلجه عشان يقلده قام وسوى نفس الطريقه بس يمكن لقمتيين وعقبها قام يطلع الاكل
حاولت معاه بالشوربه صار يتقبل بس بعد 3 ملاعق مب لدرجه مشبعه واذا اجبرته بيرجع
اخت راعيتها الاطفال مزاجين مايحبوا الاجبار
حاولي قد ماتقدري تخففي رضعاته واكيد بيجوع وبعدين بياكل
شغلي التلفزيون وحاولي تسايريه بالاكل … شجعيه اذا اكل قوليله شطور ومن هالكلام …………..
الله يهديه ويهدي عيالنا
انا لاحظت شي على ابني واتمنى تستفيدو منه … لما يكون في احد من الاطفال مع ويجلس ياكل معاه يتحمس للاكل اكثر .. فاذا ممكن يكون عنده اخ اكبر منه ممكن تحطي لهم الاكل وياكلو سوا ..
طبعا الترغيب والتشجيع للاكل كمان مهم … يعني لازم يكون وقت الاكل وقت لعب وتسلية لان الاطفال يكرهو وقت الاكل لان ما فيه شي من التسلية وغير ان الام تكون طفشاااااااااانة من ابنها لانه ما ياكل …
ضروري تطولي بالك وقت الاكل وحاولي تغني له وتلعبي معاه وقت الاكل … مع شوية حيلة وذكاء ممكن ياكل ..
الدكتور وصاني على شي … اني ابعد ابني من اكلات البقالة المؤذية المضرة … مثل الحلاوة والشبس والعصاير بين الوجبات اللي تخلي الطفل ما له نفس وقت الوجبة … اذا تريدي تعطيه شي اعطيه ربع موزة .. ربع كوب عصير علشان ما يجي وقت الوجبة وهو شبعان …
اختي ما تخافي ولا تقلقي كل الاطفال بنفس الحالة مثلا انا عن تجربة بنتي الحين 3 سنوات و5 شهور لكن من كانت صغيرة يعني من عمر ولدج واصغر يعني من بديت اعطيها الأكل وهي ترفض الأكل بس تعتمد على الحليب مع اني ابدا ما عطيتها الحليب الصناعي يعني اعتمادها الكلي كان علي حتى لدرجة لما اروح الدوام تبكي ويحاولوا يعطوها شي ابدا بدون فايدة فيتصلوا لي واضطر اني اروح والحلو اني بمدرسة قريبة من البيت يعني دقيقتين بالسيارة وانا بالبيت لكن هالحالة ما فارقتها للحين ابدا الأكل بالغصب واعتمادها للحين على الحليب سواء طويل الأجل او الفرش المهم الحليب ولو عطيتها شي غصب بترجعه بسرعة دورت ولفيت وسألت وسويت كل الحلول بدون فايدة آخر شي خليتها على راحتها عادي لو ما تاكل من الصبح للظهر كأنها ما تجوع ههههههههههههههههههههههه لكن اذا شافت حد من الأطفال تاكل معه واحنا ما عندنا أطفال بس اذا زارنا احد المهم في عمر ولدج مثل ما قلت لج نفس الحالة ترجع الأكل او تصارخ لكن شوفي شو سويت الي عرفته انه مو مهم كمية الأكل الي ياكله الطفل اذا كان نموه طبيعي ووزنه بعد طبيعي وصحته زينة عشان اعوض الأكل الي ممكن ما تاكله اعطيها شي بديل مثلا الدبس تعرفي الدبس مال التمر طبيعي طبعا احنا بروحنا نسويه لان عندنا نخيل وهو جدا مهم أضاربها وايودها بالغصب وهي تصرخ اول من تفتح حلجها ( فمها ) احط الملعقة لها فطبيعي سائل بتبلعه لو ملعقتين تكفي لان قيمته الغذائية عالية وبعد فترة بالشوربة نفس الحالة ما اكثر ملعقتين او ثلاث ايود بين رجليني وايديني وهي صريخ بس اغصب شوي شوي بتتعود على الطعم وبتاخذه وبعد شوي يعني ساعة مثلا احط كسترد حتى فيه سكر نبات يمكن يستسيغ شوي المهم لو بضرابة بس ياخذ مو مشكلة يومين ثلاث او حتى اسبوع بيتعود على هالاكل لو اخذ ملعقتين او 3 مو مشكلة شوي شوي بيزيد مرات شو كنت اسوي اطلع بالحوش واختي معي اختي شايلتنها وتمشي فيها وانا القمها ونمشي الحال بس المهم شي مفيد ومغذي مو مهم الكمية