بنتي عمرها اسبوعين احطها على صدري 30 دقيقة وانقلها للصدر الثاني ورغم هذا لما اشيلها او تترك صدري اتظل اصييييح هل هذا معناه ان صدري حليبه قليل شو رايكم وشو اسوي معاها؟:confused:
ما اعتقد ان صياحها ليه علاقه بحليبك
واذا تبي تتأكدي راقبي بنتك وهي ترضع راح تشوفيهاتوقف رضاعه يعني مجرد مص
بس هذا تقلق الطفل بأمه وغريزة المص تكون عنده كبيرة
يمكن يكون عندها مغص أو غازات مو شرط تكون جوعانة
لا عادي حبيبتي مو شرط تكون جوعانة وتاكدي انها تشرب راقبي حلركة فمها ثاني شي دام صدرج فيه حليب معناه انه اكيد يشبعها هذا كلام الخبراء على قولتهم مدام صدر الام فيه حليب معناه ان مشبع للطفل ومسامحة اذا طولت عليج
مشكورين خواتي على الرد واتمنى اكمل رضاعة مع بنتي
شوفي حبيبتي اذا بنتج نامت بعد الرضعة ع الاقل ساعتين يعني شبعانه ولا تحاتين ما دام انج ترضعينها طول اليوم ان شاء الله فيج حليب والله يخلي لج بنوتج000000000
يمكن بس تبي تمص
مو عن جوع
استخدمي لها اللهايه يمكن تنفعك
مشكورين حبيباتي على الردود