بنات وياكم أم جديدة ما تعرف متى يبتدون يلبسون الاولاد جواتي او صنادل من اي شهر تقريبا 😮 ……….وهل تحسونهم يضايقون الاطفال الرضع يعني الي صار لهم ثلاثة شهور او اربعه
هل تحسون الجوتي ضروري عشان تكمل الكشخة حتى لو كان الطفل ابو ثلاث شهور ………شنو رايكم في الموضوع……متى بديتوا تلبسون عيالكم جواتي ؟
وثاني شي مو عارفة من وين يشترونهم دلونا على اماكن تبيع جواتي او صنادل حلوة وباسعار معقولة ……(تعرفون الجوتي بسرعة يصغر) ……
فيدونا بآرائكم …….وشكرا جزيلا
اني بعد بنتي عمرها خمسة شهور ولا ادري من وين اشتري ليها ولا محصلة صندل قدها ياريت الا تعرف تدلينا
انا بنتي عمرها عشرة اشهر.. ولبستها الجوتي من لما كانت شهرين.. عندها جواتي اكثر من امها..
اعتقد افضل ان الطفل يتعود على لبس الحذاء حتى بعدين ما يحس انه شيء غريب مفروض عليه بس ترى عموما الرجل تترك حرة افضل خصوصا لما يبدأ الطفل الحركة لانه الرجل الحافية افضل لنموها ..
بس لما نجي للصراحة الجوتي مو اكثر من برستيج يكمل اناقة البيبي والعبرة في اختيار النوع المناسب والمريح
اعتقد افضل ان الطفل يتعود على لبس الحذاء حتى بعدين ما يحس انه شيء غريب مفروض عليه بس ترى عموما الرجل تترك حرة افضل خصوصا لما يبدأ الطفل الحركة لانه الرجل الحافية افضل لنموها ..
بس لما نجي للصراحة الجوتي مو اكثر من برستيج يكمل اناقة البيبي والعبرة في اختيار النوع المناسب والمريح
اني ولدي عمره 6 شهور الحين ومن قبل مايكمل الشهر لبسته جوتي هههههههههه منزهقة لان كان العيد وكان الجوتي كلش خفيف وللحين اشتري ليه جواتي وصنادل خفاف وحلوين يعني احس الطفل يكون مرتب وحلو
أذكر أول مرة لبست ولدي حذاء يوم كان له 4 شهور في عيد الفطر الا بنت عمتي قامت علي وقالت مايصير المفروض الطفل مايلبس حذاء قبل السنة لأن يعيق نمو رجله بس أنا ماكنت البسه الا حق مناسبة ولما بدا يخطي مع التسع شهور شريت له كم صندل خفيف حق المشي مع المشاية..
بنتي للحين مالبستها حذاء ويمكن البسها في العيد بإذن الله وبيكون لها ست شهور…
والله انا بنتي لبستها جوتي من يوم كان عمرها شهرين ونص أو ثلاثة ما اذكر أحس وايد حلووووووووووووو يطلع عالياهل واذا حبيبتي تبين اماكن يبيعون جواتي حلووووة عندج اكسسواريز عندهم جواتي حق مواليد توهم طالعين من بطن امهم بس حق للصبيان ما اعرف بصراحة……..
اناالبس عيالي الجوتي من عمرهم اربع شهور بس في الزيارات واذا تبين جواتي كشخه ومريحه عندج بيبي شوب و0000bhs
أنا لبست بنتي من عمر 4 شهور… في الطلعات طبعا بس وهو لزوم الكشخة لا أكثر ولبستها بالهعمر لأن ماطلعت فيها قبل هالعمر
وبالنسبة حق الأماكن إلا تبيع عندش مونسون – مذركير الأصلي- أدمز- كارترز -H&m
انا تقريبا البس بناتي مع الشهرين و3 شهور بس يكونون خفاف كله من الخلق وتحصلينه عند مذركير سنتر بوينت والمذركير الاصلي وايد حلوين لان يكمل كشخة الطفل
حبيبتي ماله داعي جوتي بالشهور الاولى
العمر الي المفروض تبدين فيه الجوتي لما الطفل يستخدم رجوله
بالمشاية مثلا لازم تلبسينه جوتي قطنية مريحة عشان الارضية
مسكين رجوله بتكون لينة والارضية خشنة ,,
وكذلك اذا بدا يمشي اشتري له وغير كذا حرام صراحة يلبس الطفل شوز
تكتم رجله على الفاضي ترى تضايقنا احنا الكبار كيف بالصغار
وتلاقين شوزات الصغار
دبنهامز
مذر كير
بامكن باتش