باختصار …:ابيكم تساعدوني وتذكروني باهم الاشياء اللي احتاجها لتجهيز عش الزوجية…وانا زواجي قريب جدا وابي احط الاشياء الاساسية بس ولين رجعت من شهر العسل افتل براحتي مع زوجي ونختار باقي الاغراض اللي مب مستعجلين عليها
يعني مثلا…الامور الاساسية قبل السفر هي
1. غرفة النوم
2. طقم كراسي الصالون
3. الفرن ، الثلاجة ، الغسالة ، المايكرويف
4. التلفزيون والكيبل
5. خط التلفون
6. خزانة للتلفزيون
7. خزانة للاحذية
8. ستائر للصالة وغرفة النوم والمطبخ
بس هذا اللي فكرت فيه …واحس باقي الاشياء ممكن اخذها بعدين وياه
شرايكم؟؟
بس لاني كنت حاطه في البيت كامل سيراميك
اشتريت قطع سجاد rug لما رجعت من شهر العسل…
وجاتني هديه ثلاجة الماي …بعد وايد مستفيده منها…
اذا بتسكنين في بيت مستقل
خلصي امورج مالت المطبخ
يعني مثلا خلاط عصير (مكينه و يدوي) خلاط الكيك يعني هالسوالف ,,,
واي شي يطري علي انشالله بارجع وابقولج عنه
بس أنتي بتسكنين في ملحق مع أهل ريلج ولا في بيت لحالج ..
عشان نساعدج أكثر ..
والله يوفقج ..
وادوات المطبخ حسيت اني مب مستعجله عليها ..اول مارجع من شهر العسل بنزل السوق وباخذها واصلا بنرجع على رمضان واكيد افطار الايام الاولى ببيت اهله واهلي يعني بالمره مب شايلة هم ادوات المطبخ الحين كلش
وصح ..السجاد اللي ينحط بالنص لازم اخذ للصالة على الاقل الحين…بضيفه عندي …تسلمين
عندج فكره عن محلات الستائر؟ وين اروح؟؟ يعني محل شغله حلو وافكاره حلوه؟؟
لا بيت مستقل بروحي فديتج …3 غرف وصالة ومطبخ و 3 حمامات "الله يعزكم" انا خذت اللي يتعلق عالطوفه واايد اوكي ووفرت مساحه فالصاله …. انصحج فيه
ماأدري بيتج كله سيراميك ولا ؟؟؟
لو في زل طبعاً ضروري توفرين لج المكنسه ..
وبخصوص أدوات المطبخ .. على الأقل وفري بعض الأشياء ألحين مثل كوبين حق الريوق طقم صحون صغير ، القلايه الكهربائية ..
ولو تذكرت شي بعد برد على موضوعج مره ثانية ..
اهو شاري التلفزيون بس يدور كبت له الحين عشان ينحط بالصاله…استحي اقوله جيب اللي يتعلق بس فكرتج وايد حلوه بعد
عندي طقم حلو وكشخه من ذا ون …متكون من 4 قطع…قلت اوديه معاي…4 اكواب..و4 صحون من حجمين تقريبا
الادوات الكهربائية يابنات ..كتبوها لي…بس مب شاريتها الحين…لاني ابي اخذ كل شىء مره وحده عقب مارجع واهو يقولي جذية بعد…يعني مب مستعجلين عليها …مثل ماقلت لكم بكون راده في رمضان ومب داشه المطبخ الفطور والسحور عند اهله واهلي
بس بسجل كل شىء تعطوني اياه الحين بينفعني بعدين
المايكرويف مب محتااايته الحين..
يبيلج طقم ملاعق وشووك من _مركز العالم الجديد-او هوم سنتر
اكواب عصير
طقم سفره من ذي ون..
وترامس للجاي والقهوه
-اعتقد الفرن والثلاجه والفريز-اذا ماياتكم هديه اشتريهم ووواخذي الفريزر الطووولي مب اللي بالعرض يعني نفس الثلاجه..
وصواني..ولاتنسين المناديل والدانتلات مالت التقديم
والصاله: يبي لها طقم كراسي-طاولات تقديم-وسجاده وثرووو ومخدات
ولتنظيف عده النظافه مالت السيراميك
يبيلج طاولة الاووتي+الاووتي..
يبيلج طاولة الطعام..
يبليلج جم اباااجوره..
عشان ان ردتي من شهر العسل على الاقل الصاله اللي تستقبلين فيها الناااس كااامله..
والغساله انصحج بانوسووونيك فل اتومتك..
أخذي الاوتوماتيك وفي البدايه أخذي اللي أصغر شي اللي بس حق 5 كيلو ..
كل شي تسوي لج وتفتكين .. بس أخر شي أنتي تنشرينهم ..