عندي استفسار للي ساكن في البحرين
انا ودي اجدد واغير في شقتي
وحبيت استفسر عن ورق جدران و هل اهيه زينة او لا وكل ادوم ؟؟ و وين احصله وبكم الاسعار
والله يا اختي اني خاطري بعد اخلي ورق جدران بس ابو الشباب مو مشجعني ويقول صبغ احسن
بس رحنا عن خاطري نشوف رحنا مفروشات عالي مسوين عليه عرض وعجبه بس اخر شي نجف وقال ليي لاا صبغ احسن
فانتي شوفي والله يوفقج
انصحك به وبشدددددده احلى وارقى وافخم من الصبغ بالف مرة بس اذا عندك يهال ما يصلح الا في غرف النوم والصالات الضيوف ..
اما مكان المعيشة اظن انه غير عملي وخصوصا اليهال شياطين ..
انا ركبته في غرفة نومي جدار واحد وراء السرير المتر ب 5ونص على ما اعتقد .. من اميليا بس تركيبهم العمال مو زين لازم توقفين على رااااسهم لا تخلينهم يقصصونه بروحهم خصوصا اذا الجدار فيه ديزاين ..
انا تهاوشت وياهم بس الحمد لله النتيجه رووووووووووووووووووووووووووووووعه وعلى ضمانتي بعد اقول هالحجي .. وترى السعر في اقل منهم دوري في جريدة الوسيط بتحصلين اكثر من محل رخاص