مدري خايفه إني أكون إرتكبت إثم تكفووون ساعدوني المسأله فيها حياه أو موت جد والله 2024.

بسم الله الرحمن الرحيم

السلام عليكم ورحمة الله وبركاته

شلونكم شخباركم ..

والله إني بورطه كبيره .. ومدري لو كنت أرتكبت إثم بهالموضوع أو لا..

المهم يوم رحت محل الزينه ويا خواتي الصغار .. حبو ياخذو سمك للزينه ..

بعد كذا لفت إنتباهي شي صغيييير .. ( سلحفاه ) شكلها حبوبه وطيوبه مرررره

مابقى بالمحل إلا وحده .. قلت خلني آخذها .. الحين أحترت فيها .. يوم أحطها بالحوض

ويا الأسماك .. قاعده بروحها ولاتلعب وياهم .. لا وبعد ماتتحرك من مكانها .. ألحين صار

لي قراب الساعتين من وصلت .. كل ما حطيتها أخاف تموت وأرد وأطلعها .. من رجتي

نسيت أسأل صاحب المحل هل هي تنحط بمويه أو تقعد بروحها .. الهندي قال لي

هو ياكل كياااااااار ( خيار ) حطيت لها ..بس هي موراضيه خاطرها تمشي ع الأرض والله كسرت خاطري

ياناس .. المصيبه إني ما أعرف تيليفون المحل .. وما أقدر اروحه إلا في الأسبوع الجاي

خايفه تفطس عندي بالبيت .. وأكون خذت إثمها ..

حابه اسال اللي جرب يشتري سلحفاه صغيره أو كبيره حتى جرب يحطها مع السمك عادي

كمان حابه أسأل وش كنتو تأكلونها .. ووين حطيتوها .. بالمختصر كيف تصرفتو معاها

وسؤال آخيييييير .. هل كل السلاحف تسبح ..

خايفه إني أكون جنيت عليها بصرقعتي .. لا وبعد ترى خايفه أمسكها .. أبوي من شافها

قال لي شاريه سلحفاه من الشجاعه الزايده والله لا كنتي خذتي لك ثعبان أحسن

والله اللي بيرد علي … أدعي له بالجنه ..

.السلام عليكم ورحمه الله وبركاته .

برا الطابور ..

السلحفاه انوع فيه بعضها تحطينها بالحوض وفيه بعضها ما تحطينها على حسب نوعها وشلون شكلها بالضبط يمكن اعرف اقولك لان كان عندنا بحريه وعندنا بريه ..
بس ماااااااااااااااا ادري ..
داريه انك تقولين وشوله راده بس ابراء لذمه ..

milk..

لازم ايكون لها حوضها الخاص

يصير زي الشنطه
والماي مو كلش فوق لا تفطسينها
ههههههههههههه

بس يغطي جسمها اشوي

حاسبي لها رئه ترى…

ماعرف للسلاحف … ماعرف إلا رسوم سلاحف الننجا
كان ودي اساعد .. واحيي فيج هذا الخوف من الله على هذي المخلوقة الضعيفة

الله يهديج بس
انتي يوم شريتيها هي وين كانت في الماي ولا بره؟
بس عادي تحطينها ويا السمك على ما اعتقد.. احيد يوم احنا صغار عدنا حوض كبير فيه أسماك وسلحفاه وما صار شي عاشت بهناء وسلام
واظن من اللون تقدرين تميزينها اذا كانت على اخضر يعني مائية واذا شفتي لونها رملي اعتقد بتكون بريه.. اتوقع جذي انا الصراحه مالي شغل في هالسوالف بس اشوف جدامي في البيت

وان شاءالله تحصلين الأجوبة اللي تبينها
وتعيش السلحفاه وتستانسين فيها

فاضلتي برا الطابور

لقد تم نقل موضوعك الي هنا لكي يطلع عليه الاعضاء ذوو الخبره ويستطيعوا افادتك

تحياتي

عزيزتي ميلك وعليكم السلام ورحمه الله وبركاته

ياهلا فيك والله .. أنا مدري شا قول ما أقول إلا الله يرزقك ويرزق الكل الجنه

أنا فاكره إنها بالمحل كانت بعلبه ماكانت مع باقي الأسماك واللي دخل الفكره براسي

إن المحل في أحواض فيها سلاحف .. مع الأسماك ..

شكرا لتواجدك وعسى الله يرزقك الجنــــه

rosena

ألف شكر لك ياقلبي ..

أنا عطاني لها علبه صغييييره .. يعني تصير محكوره فيها .. ففكرت أحطها مع الاسماك ..

بس من رجتي ورحت وقت صلاه .. ماقدرت أستفسر عن كل شي .. بس خايفه في أسبوع يصير شي

لهالمسكينه

وع العموم الله يجزاك الجنه ياقلبي

ياهلا والله فيك أخوي صارع وجزاك الله الجنه

على مرورك .. حتى لو ماقدرت تساعد .. صراحه كاسره خاطري من جبتها لا أكلت ولاشربت .. كله قاعده أطالعها

يوم رد أبوي للبيت سألته هل لو ماتت أنا علي إثم ..قال والله ما أظن .. لأن أصلا مو حرام إنشاء الله يطلع صدق

وشكرا لك أخي صارع حياك

هلا اختي لو تقدرين تصورينها او طلعين صورتها يمكن اسويللك بحث واساعدك

لان سلاحف انواع منها بحريه ومنها مائيه

فمااقدر افيدك