انا وبنت خالي تملكنا من فتره بسيطه.. طبعا كل وحده فينا جاها زوجها يمكن ثلاث الى اربع مرات من يوم الملكه بس انا وهيا ملينا من الروتين الممل .. صرنا ندور على افكار جديده .. لقينا كم فكره بس مو مره حلوه..
لدرجه انو حتى المكان اللي يجلسو فيه ازواجنا نفس المكان .. نقول لهم غيرو المكان اليوم ما يبغو ..
رافضيين التغيير ..
ونحن على فكره جدا متجددات بمظهرنا وبملابسنا وشعورنا .. بس هم لا ..
انا بحتفل بميلاد زوجي بس باقي عليه كم شهر .. وانا ابغى افكار جديده من دحين
ترى والله تعبنا .. ساعدونا باي فكره الله يجزاكم خير .. 
الاخت الحبيبه مها
اود من كا قلبي اني اساعدك يا حبوبه لكن لا استطيع وكل اسف لاني لا اؤمن باعياد الميلاد لانها من الغرب ومن اعداء حبيبنا محمد صلى الله عليه وسلم ولانها تخالف الشرع
لكن اقترح عليك نصرة لحبيبك وشفيعك في يوم ميلاد زوجك انصريه وسيسر زوجك لانك اثرت حبيبك محمد عليه وذلك بعمل يطاقات في ذاك اليوم وتوزيع فقرات ساعملها لك بالتفصيل اذا اعجبتك الفكره رديلي خبر على نفس موضوعك هذا
لا تنسي ايضا سوف يكون يوم جميل لانك نصرت حبيبك وايضا اجمل لانه يوم كسرت الروتين فيه
تقبلي مروري
المحبه لك في الله مريم القاضي
هذي اعياد الغرب ونحن مسلمين
انا قصدت اني اذكره بيوم ميلاده واجيب هديه من دون اي حفله او كلام فاضي ..
انا بس ابغى افكار جديده لما يجيني .. انا عمري 19 سنه وبنت خالي عمرها 20 سنه وما عندنا خبره عطونا افكار الله يجزاكم خير في غير معصية الله ..
اسمعي احكيلك يا اختيعندي فكره للهديه
من هلا اشتري فلاش ميموري لزوجك وحطي فيه المحاضرات او الاناشيد اللي انتي تحبيها عشان تلحقي تبحثي عنهم
وبعدين اشتري اللي بنتحط بسيارة زوجك مكان توليع السجائر وحطي الفلاش عليها
وبتلاقيهم بمحل الكمبيوتر او الموبايل
واظن رح تكون احلى هديه لزوجك لانها من تعب ايدك
وهاي صورة اللي بتنحط في السياره
بس حاولي تلاقي افكار اسويها لما يجي مو هدايا ..
يعني حركات جديده.. انحن اهديناهم هدايا ومره عجبتهم .. نحن بصراحه من اول ندور على اي فكره مانبغاهم في يوم ييحسو بالملل لما يجون عندنا .. اللي نحن نقصده انو نسوي اي شئ بالبيت او بانفسنا كحركه جديده ..
يعني مثلا نحن خططنا انو المره الجايه نلبس الفنيلا تبع الفريق اللي كل واحد فيهم يشجعه .. وحتى المناكير والاكسسوارات بنفس اللون .. حتكون حركه حلوه وخفيفه في نفس الوقت وحتعجبهم ..
بس اتمنى تعطوني اكتر من كدا..
المره اللي بعدها البسوا ملابس مضحكه مثل ملابس المهرجين واعملوا بوشار وحطوه في الزعمط الخاص اله وبيعوهم لهم وطبعا اعملوا مكان خاص في زاويه الغرف للبوشار واكتبوا بووووووووووووووووشار للبيع طازه لحق حالك مييييييييييييين يشتري
وتقبلي فكرتي
يسلمووو حنسويها مافيها كلام ..
مريم القاضي:
عجبتني مرهـ شكلي بسويها بس
زوجي مايشجع أي فريق!
أعمل إيه شكلي حلبس حق المنتخب والسلام عليكم
شوفي حبيبتي أيام الملكه حتكونوا شويه مقيدين
بس مو مشكله..
أهم شي إنكم تسووا حركاااات-بالي بالك-
هنا بالفعل ماحـيحتاجوا للتغيير..
وخلوكم على طبيعتكم..
إممممممممممم أيام ملكتي..
بعد غيبة لمدة شهر تخيلي قعدت عند الباب
أطقطق بأرجولي..
بعذبه مو راضيه أدخل ولاهو قادر يشوفني..
وشوي أحسه جاي أقوم أجري وأروح عذبته بجد
قعد يتصل عالجوال ويرسل رسايل إذا ذبحتم
فأحسنوا الذبح.. هههههه
وحركات دلع..
أذكر سويت حفلة نجاح لمن نجحت وجبت كيكه
من الجونه ومن جد انبسطنا..
جبت له دبله عشان ماعندهـ دبله..
وجبت بلونات حمرا حطيت جواها أوراق
المهم هو وحظه يفقع البلونات يا بدبوس يايجلس
عليها ويشوف إش مكتوب عالورقه..
مثلا أحضنك أبوسك أسويلك أي حركه أو اطلب أي طلب
من جد حتنبسطوا وتقعدوا تضحكوا بالذات على فقع
البلونه وإنتو تجلسوا عليها……..هههههههه
إمممممممم سوي له كيكه وشموع والأكل سويه
بيدك..
ولبسك البسي أسود ذبااااااح خصوصا إذا كنتي بيضا
مع روج أحمر قاتل..
وعطر شانس مح يخرج من عندكم ههههههه