في نص شهر رمضان الكريم ..
يحتفلون الناس بالقرقيعان كبار و صغار ..
و القرقيعان من العادات الشعبية الرمضانية .. و حبيت اوضح لكثير من العضوات اللي سألووني عن مذهبي و عن هالاحتفال اللي نسوويه بأن مذهبي " سني " و نحن ما نحتفل بالمولد بس مجرد عادات و تقاليد :ss: ..
و تنتشر انتشار واسع في دول الخليج و حتى في العراق و ايران و بعض الدول الاسلامية ..
قبل القرقيعان كان احتفال للصغار بس ..
يروحون يطقون البيبان و يغنون ..
قرقيعان و قرقيعان ..
و سلم ولدهم يالله ..
أما الحين ..
الخدم يلفون معاهم و المسجلات اللي تقرقع ..!!
و لازم تجهيز له من علب و شرايط و يتنافسون منو قرقيعانه أحلى و منو أحسن و منو أكشخ ..!!
و حتى المولود صاروا يسون له قرقيعان و يحطون صورته و اسمه عليه و يوزعونه على الكبار قبل الصغار !!
القرقيعان فرحه للصغار و الكبار ..
استانس لما أشوف الياهال لابسين الملابس الشعبيه و يطقون البيبان و يغنون ..
ترجع فيني الذاكره لايام طفولتي و أحس بالوناسه و الحنين لذيك الايام
<<<<< اللي يسمعها يقول عيوز ترى ماكملت ال 20 سنة بعد 😮
هالسنه بنتي راويه أول سنه لها بهالاحتفال .. وحبينا أنا و ابووها انه يكوون لها توزيعات خاصه فيها و بأسمها لكل الاطفال .. و ان شالله راح تشووفون كيف اخترنا الاشكال و كيف صممنا البطاقه 
همسه ..
لا أحلل لاي عضوه أو زائره بانها تنقل مووضوعي بذكر المصدر أو دونه .. لانه مجهوود شخصي متعووب عليه .. وبليز احترموا هالشي عيب عليكم 😡 ..
بسم الله نبدى ..
فالبدايه سرنا الجمعيه و اتشرينا الحلوويات و الشبس و الشوكليت بانوااعه <<< و بصراحه ريلي ما خلى شي ما اشتراه هههه :tongue:
ومن محل سبلاش .. خذنا بعض الاكسسوارات اللي يحبونها الاطفال .. مثل (( البلونات // سيارات صغيره للاولاد // شباصات و تووك لشعر البنات // أقلام و دفاتر صغيره )) .. وهذي بعضها
التوزيعات اللي اخترناها كانت من نفس المحل .. و حبينا ان انووع بالاشكال فخذنا (( بووكسات // أكياس بنووتيه // أكياس مزينه بشريطه )) .. و راح اراويكم كيف الشغل ع بووكس من البوكسات <<< هالبكس كان لاختي الكبيره .. وحطينالها عطر مع الحلوويات (y)(y)
أول شي حطينا العطر .. و بعدها وزعنا الحلوويات و باقي الاشياء ..
آخر شي حطيت البطاقه اللي صممتها أختي فديتها .. وكان مكتووب عليها اسم بنتي و الاقوال اللي تنقال بالقرقيعان ..
و هالشكل للبنووتات . عباره عن كيس حلوو ممكن البنات يستفيدوون منه للمدرسه ..
و جيه طلع الشكل النهائي 😉
هذي شكل البطاقات ..
هاي الاشكال بشكلها النهائي 😎
و اهنيه أخت ريلي يالسه تكتب اسامي اليهال ع البطاقات ..
بيووم القرقيعان .. عمتي (( أم زووجي )) جهزت الاكلات الشعبيه و المشرووبات .. كانت مسوويه (( الخبز الايراني و داخله زلابيه // و سندويشات فيها زبيب // حلوويات هنديه // و عصير فيمتوو بارد للاطفال اللي ايوونا البيت ))
واهنيه الخدامه يالسه تلف الحلاوه الهنديه لووول
و هي توزيعات البيت للاطفال اللي ايوونا ..
و جيه خلصنا هاليووم .. والحمدالله الكل عيبته التوزيعات .. و كان يووم حلوو وممتع 
حبيباتي هالمووضوع تعبت عليه وايد .. اذا عيبكم قيمووني 😮 و اذا لا على عيني و راسي 
تحياتي ..
واااااااااااااااو اول وحده رد……… ماشالله شغل مرتب ورااااااااائع الله يخلي بنتج وينعاد عليكم رمضان بالصحه والعافيه وتستاهلي احلى تقييييييييم
.✿.
روووووووووووعه يااااااااقلبي
ليش ماخليتيني أنااصف عندكم
زعلت خلااااص أهيئ أهيئ
خاطري في الجلي << متوحمه خخخخ
تستااهلي أحلى تقيييم
بس الميزان راافض للأسف
.✿.
مشكورات يا قلبي ع المروور الغالي ..
أم الساده <<< فدى راسج حبيبتي ,, واصل الجلي
الله مشاء الله كلش مرتب وحلو مشاء الله عليك
انا مذهبي سني وما عندنا هذي العاده
هلا غلايه .. مشكوره ع المروور ..
مآشآء آلله عن جد وآآآآآآآو . .
شغلك مرررررررررره حلوووو ومرتب ~
ربي يعطيك آلعآفيه ويسلم ديآتك . .
وااااااااااو
توزيعات كشوخيه حلوووووه
الله يعودكم ان شاء الله وانتو بصحه بسلامه(f)
والله يعوود ام زوجك ويعطيها ربي الف عافيه(f)
ترتيبات ماعليها كلام بصراحه(y)
ربي يخلي راويه ويحفظها لج
حاولت اقيمج بس الميزان رافض
كلهم حلوووين اوى ماشاء الله
والحلويات تحفه عجبتنى اوى
والحلويات تحفه عجبتنى اوى
مشكورات حبيباتي ع المروور