خواااتي الله يخليكم من جد محتاجه نصايحكم…
عندي اخوي عمره الحين 6 سنين و8 شهور..من ذوي الاحتياجات الخاصه
السنه الجايه اول سنه له بالمدرسه..اولى ابتدائي..
له 3 سنين بالصانع…ومشاءالله يعرف يعد ويكون جمل ولسانه فصيح
عقليته ممتازه ..عنده مشكله ارتخاء العضلات يعني بالحركه..يمشي بالوكرwalker..او المشايه او عربه حديد
اجي لمشكلتي..طبعا ماينفع ندخله لاي مدرسه…
ابي صاحبات الخبره المساعده
انا بالمنطقه الشرقيه بالظهران…
وش المدرسه اللي راح تنفع…ويكون سعرها مناسب..مو غاليه مررره..
يعني نبي يكون فيها ناس مثله علشان مايحس بالضيق..اساتذه متعاونين..وناس يساعدونهم للروحه عالحمام ..لانه مايقدر يعتمد على نفسه من هالناحيه..
ايضا مايقدر يمسك القلم بيده ..مثل ماقلت لكم في مشكله بالعضلات
مدري انا ودي اساعد امي بشي ولا اشوفها تراكض لوحدها وحيرانه..ياليت تساعدوني وربي ان نفسيتها حيل تعبانه وانا من اشوفها كذا واحس مو بيدي شي ودي اموت
وجزاكم الله خير
اختي عسى الله يعينكم ويثبتكم ويجعل صبركم بميزان اعمالكم…..اختي آنا من الكويت وبصراحه ما عندي فكره عن طلبك بس ليش ما تسوين بحث بالجوجل وحاولي مثلا حطي مدارس ذوي الاحتياجات الخاصه بالظهران او اي عنوان آخر يمكن تحصلين الي تبين والله يوفقكم انشالله
السلام عليكم ورحمة الله وبركاته
الله ييسر أموركم اختى هو ولى ذلك والقادر عليه
مدارس التعليم العام ماراح تقدر ترعاه .. ولا حتى المعلمين لم يصلوا إلى درجة تفهم وضع مثل هذه الفئة .. مع أن التعليم يسعى إلى عملية الدمج .. ولكن بدون تدريب المعلم في التعليم العام لايمكن أن تجدي هذه الفكرة ..
وأنا معك لابد من المدارس الخاصة ..
****
ماأدري ليه ما تخلونه يكمل عند الصانع لو السنوات الثلاث الأولى ؟؟
لكن فيه عندك مدارس الظهران الأهلية ..
وإذا مافيه مشكلة مواصلات ..
بإمكانك تكلمين المدارس الأهلية فيه كثير عندك بالدمام والخبر ترعى ذوي الاحتياجات
وإذا قدرت ألقى لك هواتف أي مدرسة راح أرسلها لك ..
وأبشري .. ولايهمك ..
الله يكون معيناً لكم إذا احتسبتوا الأجر والاحسان إليه ..
أعانكم الله ..
ربنا يصبركم وانا مااقدر افيدك بس انت دوري الين ماتلاقي وتوكلي على ربك
وربنا يشفي ويصبر امك ويصبرك