يااي اليوم ريلي بشرني ان طلع اجازة اسبوعين بعدما كنسلنا سفرتنا الطويلة الى كندا بسبب اعماله
فرحت اليوم وحجزت وان شاء الله بنسير ايطاليا واخترت فيها فينسا وفلورنسا وروما وميلان وبعدها بنروح فرنسا واخترت فيها نيس وباريس لضيق الوقت << شو رايكم ؟؟
وياريت تعطوني المطاعم والاماكن الحلوة في كل منطقة منهم علما ان بسافر بدون شغالتي وبسافر مع بنوتة عمرها سنة فشو رايكم.؟ هل السفر مع الاطفال متعب
سامحوني كثرت عليكم بالاسئلة بس ادري انكم بتساعدوني
أنا ماأنصحج تسيرين نيس لانه مافيها غير بحر والحريم اللي عليه ما يلبسون ثياب أبدا أو بس يلبسون مايو بدون شي فوق…..
و شلون راح يكون الجدول؟؟؟
عالعموم اختي انا رحت ميلان و فينيسيا
ميلان ماعندهم غير ساحه ( الدوما ) وراح تلاقين ساحه الحمام و على جنب الكنيسه راح تلاقين المحلات العاديه مثل الماركات الكاجوال اللي عندنا
طبعا راح تلاحظين ان شهر 7 و 8 المحلات تغلبها مسكره اجاااااااااااااازه و عن تجربه مو غشمره
اما فينسيا فالسكن غااااااااااااااااااااااااااااااااااااالي يعني فندق بو طقه ووصخ يطلعلج مثل قيمه الخمس نجوم بس تقدرين تحجزين رحله يوم كامل من ميلان و ميلان وايد عليها 3 ايام
اما عن فرنسا فاسبوع وايد عليها و اقصد باريس شامله يوم كامل في ديزني ولرلد بس الجوو حااااااااااار وراح تدوخون هناك من الشمس و الحر
وراح تلاقين الاسواق وايد منها لافاييت و شارع الاوبرا و شارع الشانزليزيه تلاقين سيفورا المحل الوحيد المفتوح بالليل و عباره عن مكياج و عطور
اهم شي تخططين للسفره عدل مدل لان 2-3 في كل منطقه راح تتعبج اكثر من ما تتصورين حتى لو كانت بطيران داخلي لان راح يضيع عليج يوم