الحمدلله والصلاة والسلام على رسول الله وعلى آله وصحبه أجمعين
…
…
… المكياج اللبناني …
الوصف ::
الي هو .. مادري كيف طريقته وكيف ينحط …بس اهو ماكياج يحطونه البنات ومايبان انهم حطيناي مكياج بينما اهي لو تغسل وجهها يكون فرق كبير بينهم . بس المكياج البناني مو الثقيل لااا الي يكون مقارب للبشرة
مادري كيف ينحط اتوقع يبتدوا باساسيات وضع المكياج ولما يوصلوا لمرحلة وضع الالوان يتوقفوا هذا توقعي يعني انتي لما تشوفينها متغيره يعني كانها حاطه ماكياج كامل بس بدون الوان وخرابيط أي شفــــــــاف ..
المطلوب ::
الاخوات الي يعرفوا كيف يتسوى ؟؟ رجااااااااااااء لا يبخلوا علينا فيه لانو يصلح للجامعه للطلعات الخفيفة ..الخ
وانا اتمنى اعرف كيف يتسوى ؟؟؟!!!
مع خالص شكري :
bobo
المكياج اللبناني هو الي يعتمد على ابرز العين وتقليل بروز الشفاه
وحق الجامعة انا من راي كوني طبيعية يعني شوية كريم وياه بودره و مرطب شفاه يكون وايد زين
واتمنى البنات يفيدونك اكثر :cool2:
…… :o:o
بسألج وحده من ربيعاتي 
الذوق الرفيع ((( شفيتش اني وهالابتسامات ))
يعني لازم تاخذين كريم اساس خفيف بلمعة طبيعية وممكن تاخذين منه لونين واحد نفس لون بشرتك الثاني على حسب اذا كانت في اماكن تبغين تصغرينها تحطين الغامق واذا في اماكن تبغين تكبرينها او تظهرينها تحطين الفاتح وممكن تستخدمين الكونسيلر لانه يخفي العيوب ( انصحك بكونسيلر makeup forever) لانه يجي علبة كاملة في عدة الوان الغامق تحطينه على المناطق اللي تبغين تصغرينه مثل : اذا كانت عيونك جاحظة تحطين شوي تحت العين وشوي فوقها على الجفن المتحرك اما اذا كانت ذقنك بارز تحطين شوي على الذقن و اذا كنت تبغين تبرزين خدودك تحطين شوي تحت عظمة الخد واذا كنت تبغين تحددين الفك او عندك ذقن مزدوج تحطين على الذقن من تحت و على حدود الفك واذا تبغين تظهرين انفك حاد تحطين كونسيلر غامق على جوانب الانف وفاتح على النص بالضبط
وفي حالة كانت عيونك غائرة او صغيرة فتحي المنطقة اللي حولها باستخدام كونسيلر فاتح واذا كان عظام فكك بارزة وتبغين تخففين ظهورها تحطين الكونسيلر الفاتح عليها وتتمسحينه على تحت واذا انفك طويل وتبغين تينينه اقصر تحطين على الجوانب فاتح
بعد كذا تحطين كريم الاساس وتوزعينه بالتساوي ولاتكثرين لانه كثرته تبين العيوب بعد كذا حطي بودرة مضغوطة وزعيها بالتساوي على الوجه
بعد ماتخلصين من تهيئة الوجه ابدأي في العيون كحلي العين من برة بكحل بني لانه يبان طبيعي اكثر وكحليها بطريقة خفيفة وخط رفيع عند منابت الجذور ومن الزاوية الخارجية للعين ارسمي 7 على زاوية العين وبعدين موهي الخط شوي وارسمي تحت العين خط مموه عند منابت الرموش السفلى هذي الطريقة تظهر العين واسعة وجميلة وبعدين جيبي مسكرا مكثفة ومطولة للرموش واستخدميها على الرموش العلوية بس لاتكثرين واستخدمي مسكرا شفافة على الرموش السفلية عشان يطلع مظهر العين طبيعي ورتبي حواجبك بالمسكرا الشفافة وبعدين حطي على الخدود بلاشر برونزي بفرشة كبيرة ولا تكثرين وتحطينها بطريقة معينة وهي انك تضحكين وتدورين الفرشة مرتين على الخد وترجعينها لورا عند منابت الشعر اما في حالة اذا تبغين تبرزين الخد تحطينه تحت عظمة الخد ولاتكثرين عشان مايطلع مبالغ فيه وبعدين حطي روج بلون فاتح طبيعي وردي او او برونزي حسب لون شفايفك وممكن تحطين جلوس شفاف او ملون بحسب ذوقك
وبكذا يطلع مظهرك طبيعي ورائع
صحيح انها صعبة بس مع الوقت تتعودين
واسفة على الاطالة اتمنى اكون افدتك