My Makeup Brushes Shower 2024.

صباح الورد ..

هذا أول موضوع لي في قسم المكياج ..
وحبيت فيه أن أشارككم طريقتي في تنظيف فراشي المكياج الخاصة بي ..
الموضوع بالصور وأتمنى تكون واضحة ..
في النهاية فيه Tips بشوية اشياء لاحظتها أو أحب أسويها أتمنى تفيدكم ..

..
.

ولي طريقتين إما يومية بحسب الإستعمال .. أو اسبوعية وهذهِ تقريباً بشكل دائم ..

أولاً مجموعة الفراشي تختلف حسب الوظيفة وحسب النوعية ..
وأغلب ما عندي من brushes ينقسم بين MAC .. Inglot .. and BN
صورة عامة قبل التنظيف ..
صورة المجموعة اللى راح نطبق عليها الموضوع اليوم ..

..
.
.

فرشاة البودرة والبلاشر ودمج الأيشادو وهذه تقريباً استعمالها يومي ..
.
.

.فرشاة الأساس .. حكاية ثانية .. بعد الإستعمال تكون شعيراتها متلاصقة وثقيلة ..

ولازم لها تنظيف بشكل يومي .. ويكون سريع ما ياخذ وقت كثير ..

..
.

وهذي أول طريقة .. اليومية ..

منظف الفراشي من MAC وقطن الوجه .. وتكون الفرشاة جاهزة للإستعمال ثاني يوم ..

.

صورة قبل التنظيف .. وراح تكون فيه صورة نهائية عشان تشوفون الفرق ..

.

التنظيف الاسبوعي العميق ..

وفيه أستخدم منظف الفراشي من MAC أولاً .. خاصة للفراشي الخاصة بالفاونديشن والايشادوز الكريمي والكحل ..

ولما أتأكد من نظافتها أغسلها بـ Dettol hand wash .. وهذا له ثلاث مزايا ..

أول شي يقتل الجراثيم .. ثاني شي لطيف لأن فيه نسبة كريم .. وثالث شي ريحته حلوة ..

هنا مثل ما انتو شايفين .. رغوته لطيفة وتشيل كل الالوان من على الفراشي ...

وهذي فرشاة الأساس .. أغسلها على كفي بنفس طريقة وضع الفاونديشن على الوجه ..

.

باقي فراشي الدمج .. تقريباً أغسلهم كمجموعة من 2 أو ثلاث بحسب الحجم .. بحركة دائرية خفيفة على كف اليد ..

شطف الفراشي النهائى بالماء .. وضرورى نتأكد من عدم وجود أي بقايا صابون .. .

أحطهم على فوطة تمتص الماء .. عشان أحافظ على شكلهم ..

ودائماً تكون بشكل مائل .. يعني العصا فوق والفرشاة تحت .. مثل الصورة ..

وأتركهم ليله كاملة تقريباً ..

بعد ما نشفت الفراشي .. وهذه فرشاة الفاونديشن ناعمة ونظيفة .. وجنبها فرشاة دمج الفاونديشن ..

صورة جماعية .. وحمّام الهنا ..
أتمنى يكون موضوعي اضاف ولو شي بسيط لكم ..
الموضوع حصري لعروس .. :021:

Tips :

ــ لاحظت إذا ما استعملت منظف الفراشي قبل أحتاج أغسل فرشاة الفاونديشن ثلاث مرات على الأقل عشان تنظف عدل .

ــ دائماً احملي الفراشي وهي مبللة بشكل مقلوب .. يعنى رأس الفرشاة تحت عشان تحافظين على شكلها وشعيراتها لأطول فترة ممكنة ..

ــ لما تغسلينها انتبهي لا يوصل الماء للجزء الموجود بين الخشب وقطعة المعدن الموصلة للفرشاة .. عشان ما تسبب تلفها بوقت قصير ..

ــ لمّا تنظفين الفراشي .. عامليها بلطف عشان تحافظين عليها لأن النوعية الجيدة منها مصممة أنها تعيش سنوات ..

ــ نصيحة .. الفراشي الجيدة عامل مهم في ضبط المكياج وجماله ولها اثر كبير على اللوك النهائي ..
تشترين لك مجموعة بسيطة منها بس ممتازة أفضل ما تشترين مجموعة كبيرة رخيصة أو غير عملية ..
وتذكري .. الغالي مو بالضرورة هو الأفضل .. :032:

مشكورة غاليتي على الموضوع المفيد
وطريقتك المرتبة
والله يعطيكِ العافية
وتم التقييم