السلام عليكم ورحمة الله وبركاته ..
انا حابه اطرح موضوعي الخاص فيني ..
وافيد البنات اللي ممكن انهم يمرون ب الهالحاله او مرو فيها
وبس االلي ماعندها تعليق للموضوع
ترد علي ب دعوة صادقه ..
انا قبل 8 سنين كان شعري اسود وطويل وفي غاية الجمال حتى كانو يشبهونه بذيل الحصان لاكن صارت لي ظروف اثرت في نفسيتي واثرت في شعري وصرت انتف فيه كل مافضيت او صرت قلقانه
او ذاكرت وامور كثيره وطبعا كلها ترجع عوامل نفسيه كنت امر فيها .,ولما بدا شعري يخف
قصيته لكتوفي وياليت مااقصيته بالعكس زادت المشكله عندي ..
وكنت اقول مع الوقت بترك هالعاده وفعلا تركتها كم شهر وبعدين توفى شخص يعني لي كثير الله يرحمه وقلبت النفسيه ورجعت لعادة النتف .. المهم استمريت 8 سنوات انتف تخيلتو كل ماينبت ارجع انتفه وكنت احس بالذنب اللي اسويه وادري انه حرام لان الشعر نعمه وانا جالسه انكرها المهم لجئت لدكتور نفساني ومافادني كلها ادوية اكتئاب وقلق وتركتها لانها اثرت في النوم والتركيز . استخدمت خلطات كريمات و و و و مافي فايده استمريت عالنتف الين صلعت تقريبا ووصلت لدرجة اني احلقه ..
طبعا كل هالوقت ممشيه حالي عالشعر المستعار ويامااا كنت اعاني واعاني من كلام الناس من نظراتهم من اقاربي لاكن كنت اتحدى كل شي قدامي يعيق دراستي او حتى مستقبلي لان اللي فيني محد يدري فيه يعني مالهم حق يتكلمون وهم مايحسون بوضعي
كنت اكابر وكملت دراستي الين تخرجت من الثانوي ودخلت جامعه وصبرت الين ربي فرجها علي
وجا الوقت اللي اصحى فيه ..
تقدم لي الشخص اللي كنت اتمناة ويتمناني من ايام الطفوله وكان امل في حياتي تمنيته يتحقق ..
هنا ج الوقت اني اتحرك واشوف لنفسي
ف الباديه تحطمت لاني ماكنت اتمنى يجي هالوقت ووضعي كذا
بس بعدين
استوعبت حالتي والوضع اللي انا فيه
وفعلا راجعت دكتورة جلديه وشافة حالتي واعطتني ادويه وفيتامينات وجلسات ابر ميزو ثيربي
ومستمره معها اللحين 6 شهور
ومششششاء الله تباارك الله شعري اللي كنت فاقده الامل انه يرجع رجع الحمدالله وبغزاره
اللهم لك الحمددد يااااااااااارب
بس م انكر في شي مهم غير من وضعي
غير الاراااادة القويه اللي عندي
كنت دايم ادعي ربي بكل صلاه واكثر الاستغفار ولا غفلت عن ذكر ربي واني اشكي له الحال
واه ي صلاة الوتر لما صرت استمر عليهاا والله ي بناااات انقلبت حياتي فوق تحت بغض النظر عن حالة شعري لا اشياااء كثير رررررره فيني تغيرت
وصدقوني اللي بعيد عن ربه وهو يشوف انه اسعد الناس .. يثق تماما انه اتعس االخلق
سبحانه ربي
نرجع لموضوعنا ..,
انا حبيت اطرح تجربتي المختصره عشان انا عارفه
فيه بنااات كثيرر نفس وضعي ويمكن اكثر لان هوس النتف منتشر من اطلاعي عليها
وعرفت ان الحل وبكل اختصار بالاراده وبايدك مو بايد احد 2 ثم الاهتمام..
انا الحمداالله اللحين مبسوطه في شعري وكل ماحاول اني انتف امنع نفسي باراددتي
وراح استمر ل6 شهور زياده وان شاء الله يطول ويرجع احسن من اوول
نصيحتي لكل اللي تعاني من شعرها ..
تراجع السبب وتعالجه
لان الشعر تاج المراه
وااي سؤال اانا موجوده ..
واللي نفس وضعي تحط ايدي بايدها وننهي هالعادهه ..
في نهاية الموضوع …
ابي من كل اللي يقرون موضوعي
تدعي لي ان رربي ييسر لي اموري الجايه على خير ويفرج همي ويفرح قلبي وقلب امي بتخرجي .. :L:
..
..
