السلام عليكم ورحمة الله
خواتي اتمنى تساعدوني وتوصفولي كيف تنلبس العباية اللي من فوق الراس خاصة بنات السعودية
مشاالله كل ما اروح العمرة واشوف البنات لابسات العباية وحركتهم فيها طبيعية بصراحه اتمنى اني اعرف البسها مثلهم
يعني هل البسها من نص الراس ولا اقدمها تكون فوق الجبهة
كم مره اجرب بالمحل وما ارتاح فيها احسها ثقيله وما اعرف امشي فيها
الحين البس العباية اللي فوق الكتف مع انها مب مخصرة ولا فيها اي لون ثاني
بس والله نفسيا مب مرتاحه لهالعباية ما احبها ولا ارتاح فيها مع ان طلعاتي مرررررررررره نادره
من خمس سنين وانا افكر البس عباية الراس لكن ما اعرف ولا ارتاح باللي اجربهم
وهل اقدر افصلها تفصيل (بنات الامارات اتمنى اللي تعرف محل تفصيل ادلني عليه)
وكيف البس الغشوة فوقها (غطا الوجه يعني)
ما احب النقاب لانه يحد من تنفسي وجربته اكثر من مره سبب لي اختناق مع ان الخامة كانت مب غليطة
ارجوكم شجعوني وعطوني نصايحكم
أنا في السعودية وعندنا كل محلات العبي تفصل، تقريبا بس الاطفال يشترو عبي جاهزة
بالنسبة لي: ألف البوشية أول عادي على راسي وبعدين ألبس نقاب
انتي ارمي الطرف الباقي من البوشية (الشيلة) على وجهش، أو اربطيه
أو حتى خذي قطعة صغيرة وفيها ربطة، يعني تشبه النقاب بس مافيها فتحات للعيون
وبعدين حطي العباية على نص الراس
تقريبا 8 سم من بداية الشعر بحيث تكون مستقرة على الرأس ولاتطيح على ورا ولا تجي قدام
وسيري على بركة الله
أتمنى أكون أفدتك
اختي الحبيبه
ماتتخيليين سعادتي وانا اقرا كلامك
حبيبتي …….. الله يدلك على الخير ويثبتك عليه
انا من السعوديه……..والبس عباية الراس ………….ولا احس باي مشاكل
يكفي احساس الستر والراحه اللي راح تشعرين فيهم……ونظرات الاحترام من اللي حولك
العبايه البسيها على نص الراس ……. واختاري خامه خفيفه في التفصيل ……عشان ما تحسين بالثقل
والنقاب ممتاز جدا ……. ما ادري ليش مايريحك؟؟ انا ما اعرف امشي بالغطاة ابدا..
عموما الغطاة استر بالتأكيد
الف تحية تقدير واحترام وفخر مني لك
غاليتي الله يوفقك يارب
وكلامك جدا حلو وريح ويدل أنا الدنيا بخير
انا من السعودية
والعباية تكون في نص الراس
طيب البسي لثمة وغطي عيونك بالشيلة
أنا شخصيا صراحة البس عيابة راس والبس نقاب
وجدا مستانسة ومبسوطة
الله يسهل عليك
[ALIGN=center]
السلام عليكم ورحمة الله وبركاته
أختي الغالية والحبيبة على البال
ماأسعدني وأنا أقرأ قرارك الرائع
وهذه خطوة إيجابية تحسب لك ..
وأسأل الله أن يعينك على الخير
غاليتي ..
ولله الحمد أنا أرتدي العباءة التي ترتدى
على الرأس وأشعر بالراحة التامة ..
المسألة تحتاج لوقت بسيط وبعدها ستتعودين
عليها .. ربي يوفقك في الدنيا والآخرة
الله يوفقك فعلآ سعدت بهالكلام الرحلو
انا والبس العبايه على الراس ونقاب وارمي عليه البوشيه
وسهل وعملي عادي
وزي ماقالو لك البنات خليه بالوسط والبسي لثمه لو مرة ماتحبين النقاب
مع اني افضله على اللثمه لانه يبين العيون اكثر وتطيح من وقت لاخر يعني متعب صراحه
وخذي خامه خفيفه وتفصيل اريح
وبعد خلي الاكمام شوي على ايدك مو مرة تضيقينها شوي
يعني عشان يكون مريح اكثر يالغلا
والله يثبت الباقيات على الخير
ويجزاك خير
وعليكم السلام ورحمة الله
جزاكم الله كل خير يا رب والله يرحمكم ووالديكم دنيا واخره
خواتي
CENTRINO
عيوبي مزايا
منال نولة
ذكريات ثائرة
ملكة الاخلاق
الله يديم الخير والمعروف بينا يا رب
ما تتصوروا كيف تشجيعكم رفع من معنوياتي
الحين اقدر افصلها والبسها بكل ثقة
وبالنسبة للنقاب فان شاالله اذا ما ناسبني بحاول اعدل فيه واضبطه لانه بيكون اثبت من الغطوه العادية
الله يوفقكم وينولكم امنياتكم ويقدم لكم الخير كله يا رب
السلام عليكم
حبيبتي توكلي على الله والبسيها عادي لبسها ترى انتي نفسي توني لبست عبايه الراس وتركت
عبايه الجتف صارلي لابستها تقريبا اربع شهور والحمدالله مرتاحه وتعودت على لبسها قبل ما
اعرف البسها ابدااااااااا جني خبله
والحين عادي والحمدالله 0
كاسكو
السلام عليكم ورحمة الله :
أولا أهنيج أختي على قرارج الرائع >>>>>> والبسي عباية الراس بكل ثقة ..
وصدقيني صدقيني حطي هدفك رضا الله تعالى وبتشوفين اشلون لبسها بيكون سهل وبتمشين كأنك ملكة …
واحذري من وساوس الشيطان لج انج بتكونين كأنج خيمة أو مو عالموضة أو الناس وش بيقولون عنج .. لأن الشيطان ما وده انج تتحشمين .. بالعكس ماراح تلقين إلا نظرات الاحترام وكل وحده تتمنى لو تكون عندها الشجاعة وتصير مثلج ..
واختاري نوع يكون فيه الخلق مو ثقيل وايد .. وبترتاحين ..
ياحي يا قيوم يا حي يا قيوم يا حي يا قيوم برحمتك نستغيث أصلح بنات ونساء المسلمين وجنبهن التبرج والسفور .. واجعلهن يتركن العبايات المخصرة والفاتنة واسترهن في الدنيا والآخرة يارحمان .
بنت الهلال
وعليكم السلام ورحمة الله
اختي الكاسكو ان شالله بتعود عليها بسرعه لاني مشتاقه البسها جزاج الله كل خير
اختي بنت الهلال معاج حق كل ما نحط قدامنا رضى الله تتسهل الامور بشكل ما نتصوره
جزاج الله كل خير يا رب
والله لا يحرمنا من الامر بالمعروف بينا وبين بعضنا
واللهم امين
)