عزيزاتي بدخل فالموضوع عطول ابا احني شعري ولقيت هالخلطتين من اختين فاضلتين فالمنتدا ابا اعرف اذا ابا لون مثل الشوكلاته :
بشو تنصحوني؟
وهل يجوز احنيه مره هالاسبوع والاسبوع الياي لانه عندي مناسبه وابا شعري يبين حلو لونه المناسبه بعد اسبوعين؟
هل يجوز اخلي الخلطه اكثر من ساعتين يعني هل يؤثر بقاء الحنا فالشعر لمدة 6 ساعات مثلا على لونه ؟
اترككم مع الخلطات واللي عندها نصيحه لا تبخل عليه
الخيار الاول (1):
هذي الخلطه اللي بتقراها تستخدمه طوالي بدون ماتترد الإاذا كنت صابغه عاد مانقول فيها حاجه
المميزات
1)- تنعم الشعر من أول استخدام
2)- تصبغ الشعر صبغه حلوه مره كأنها غجريه للأسود اما البلياج يطلع نحاسي بني
3)- تكثر الشعر مع الإستمرار وتوقف التساقط
4)- تثقل الشعره الخفيفه القابله للإحتراق مع الصبغات والإستشوار
5)- تعانين من الطعجات والمطبات في شعرك ؟؟ << قولي وداعاً
هذي نتائج انا شاهدتها بأم عيني على وحده من قريباتي .. لكن انا على نية تجديد صبغه ان شاء الله
لكن على نتائجها احتمال ما أقاوم وابطل عن الصبغه لعيون هالخلطه
<< نصيحــــــــــــــــــــــــــه >>
لآ تفــــــــــــــــــــــــــــــــــــوتكـــــــــ ـــــم
من جد والله لفايدتكم انا ماراح يدخل جيبي منها ولآ ريال كلها عندكم بالمطبخ
المقــــــــــــــــــــــــــــــــــــــادير:
ضعي 10ملاعق حنه 1 ملعقه كاكاو 1 ملعقه نسكافيه 2 ملعقتين كبار ليمون علبة سفن تخلط كل هذه المقادير على بعض وتوضع فى مكان دافء لمدة 3 ساعات ثم توضع علي الشعر لمدة 2 ساعه)
الكاكاو يكون بودره خالي من اي اضافات حتى السكر والأفضل <<هنتز>>الأسواد الغامق
ايه ملعقتين كبار
[line]
الخيار الثاني (2):
لون الشوكولاته
1- 10ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي)
4-5 ملاعق من بودرة الكاكاو.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبةu
معلومات تهمك:-
– مقدار الماء الساخن حسب تقديرك.. يعني ما يجب ان يجعل الخليط متماسك و ليس سائلا ..
– في حالة الشعر الجاف تقلل كمية الخل الى ملعقة واحدة كبيرة و تضاف 3 ملاعق من زيت الذرة.
– يفضل استخدام البخار للشعر لمدة 30 الى 60 دقيقة.. ثم تجفيف الشعر.
– تغسل الحناء بالماء و البلسم فقط.. و يمكنك غسله بالشامبو في اليوم التالي.
– لتثبيت لو الصبغة لفترة اطول.. اغلي قشور البرتقال و الليمون مع الماء الساخن المستخدم في العجن لمدة 10 دقائق قبل استخدامه للعجن.
– اذا شعرت ان اللون غير ملحوظ لان شعرك داكن اللون.. قومي بتفتيح شعرك باستخدام الليمون و عندما يفتح.. استخدمي صبغة الحناء و افرحي بالنتيجة.. سيبدو اللون ملحوظا اكثر
وانشالله تعجبكم
اترياااكم يا النشااااما ردوا عليه الله يخليكم ناويه اتحنا بااااجر
بدعيلها اللي بترد عليه *_&
بس انتي جربي وشوفي وما اقدر انصحج بس خبرتج عن تجربتي..اذا بحني بحني بس للفايدة مو للون
ودخيلكم لحقوا عليه عن اسير اصبغ ابا اغير لون شعري لو تغير خفيف
ها وانا طالبه المعونه
خلاص زعلت
يعني ممكن شعرك ما يظهر فيه اللون بس شعر غيرك يظهر واضح
اظن تسيري تصبغينه افضل
وين الباقي
ابا راااي اللي يحبذون الحنا
واعتقد ان تغيير لون الشعر بالخلطات الطبيعيه يبيلها شوي وقت يعني من كم مره
عشان يبان اللون المطلوب بس انتي تبينه قريب ليش ماتصبغين صبغه في البيت
باللون اللي تبينه والله انا اسويها في البيت والحمد لله يطلع حلو واستخدمي صبغة
كليستون اعتقد هذا اسمها لانها ماتاخذ وقت عشان تصبغ وحلوه هذا اللي انا جربته
وبنت خالتي استخدمت لون بني شوكولا من نفس هذي الصبغه وطلع حلو والله..
وانتبهي اخاف تحطين الخلطه اللي بالحناء وماتصبغ معاك واذا جيتي تصبغين بصبغه
عاديه ماراح يضبط لانك حطيتي حنا………
اتمنى اكون افدتك بشي ولوبسيط والله يسهل لك امورك……
اعتقد 6 ساعات مده مناسبه اذا كان الغرض التلوين
اقتباس | المشاركة الأساسية كتبها **ديما** |
هلا حبيبتي على قولة الأخت rain اللي بينفع مع شعر غيرك يمكن ماينفع مع شعرك
واعتقد ان تغيير لون الشعر بالخلطات الطبيعيه يبيلها شوي وقت يعني من كم مره عشان يبان اللون المطلوب بس انتي تبينه قريب ليش ماتصبغين صبغه في البيت باللون اللي تبينه والله انا اسويها في البيت والحمد لله يطلع حلو واستخدمي صبغة كليستون اعتقد هذا اسمها لانها ماتاخذ وقت عشان تصبغ وحلوه هذا اللي انا جربته وبنت خالتي استخدمت لون بني شوكولا من نفس هذي الصبغه وطلع حلو والله.. وانتبهي اخاف تحطين الخلطه اللي بالحناء وماتصبغ معاك واذا جيتي تصبغين بصبغه عاديه ماراح يضبط لانك حطيتي حنا……… اتمنى اكون افدتك بشي ولوبسيط والله يسهل لك امورك…… |
||
اهلين الغاليه
كل ها وما افدتني
ما قصرتي الغاليه مشكوره