بغيت استفسر من الامهات اللي عيالهم في الروضه في المستوى الاول شنو يعلمونهم؟ وشنو الصعوبات اللي واجهتوها مع اطفالكم في الروضة وفي هالمستوى بالذات:cool:
لاني سجلت ولدي في المستوى الاول بس متخوفه:hysterical:
๏°๏°๏๏°
المستوى الاول كلش سهل ويعطونهم اشياء بسيطة
الحروف والارقام وطريقة كتابتها واناشيد وتلوين وتشكيل الطين واللعب بالمكعبات
اني بنتي ماحسيت معها بصعوبة في مستوى اول لان ماتجي البيت الا عارفة تكتب الحروف بروحها وتحل الواجبات بكل سهولة
وحتى الكلمات اللي بيعطونهم املاء (كلمات من حرفين و3احرف) تدربهم المعلمة في الصف وتجي البيت سهل
๏°๏°๏ ๏° ๏°๏°๏ ๏° ๏°๏°๏
لان مستوى اول مايعطونهم كلمات فقط حروف وارقام ويكتبون على النقاط
بس الحروف الاخيرة يعني الحين مثلا ولدي توهم يكتبون بروحهم الاحرف
هذا اذا فكر يكتب بعد..
بس في هالسن اكثر شي يعتمدون على الحفظ
يعني بتحسين الطفل حافظ اناشيد تعلمية اكثر من استخدامه للكتابة باليد لان ليما الحين عضلات ايده مو مكتملة !!
وبالعكس هالفترة ماتخوف لان يعطونهم قصص ورحلات ووو
يعلمونهم حروف العربيه وانجليزيه وارقام بعد بلغتين ولعب وبس كلش كلش سهل
قصص من قران مثل قصه نوح و ادم جذي يعني
قصر السور
الصلاة
ادعيه
๏°๏°๏๏°
بسوووم لا بالعكس اقصد مستوى اول
يمكن يختلف نظام التدريس من روضة لروضة
كانوا يعطون بتي كتابة الحروف وحتى املاء كلمات بسيطة
بس طبعا هو تمهيد للمستوى الثاني اللي يبدي منه الجد شوي
๏°๏°๏ ๏° ๏°๏°๏ ๏° ๏°๏°๏
بس اني بقولش عن الصعوبات الي يمكن تصير وان شاء الله ماتصير لولدش 
يمكن باول اسبوع مايتقبل الروضه وخاصتا اذا كان متعلق فيش واجد يمكن يجي كل يوم يصيح او يتصلون فيش تجين تاخذينه :thumbs_down:
واعرف وحده ولدها كان يخاف بالرغم انه شيطان بس لما راح الروضة من خوفه كان يسويها بثيابه ^o)
احس سنة اولى صعبة وايد
في الكتابة وخصوصا الحروف
وكنت اشيل هم
وكان في بالي انه يكون مثالي
واحسن واحد في كل شي
بس في الحفظ عند الاطفال سريع
والله يوفق الكتكوت
و ماتشيلين همه