حبيت اطرح هذا الموضوع عشان نستفاد من خبرات بعض و مانغلط بالمره القادمه :shy:
جبتي بـبيبي سليم معافى والحمدلله ولكن وزنــه اقل من 2.500 كيلو ؟؟؟
بالنسبه لي الاطباء كانو خايفين وتم فحص البيبي اكثر من طبيب والكل يقول البيبي صغير 
وقلت لهم ليش كل هالفحص المكثف قالو لي لان الطبيعي هو 3 كيلو وفوووق و احيانا نقدر نقول من كيلوين ونصف اما اذا اقل يحتاج لرعايه خاصه 🙁
انا ولدت البيبي وكان الوزن 2.300 كيلو بصراحه انا ماكنت اهتم بالاكل كلش واكثر الاوقات كنت جوعانه و هذا كله من الكسل :confused: لاني عايشه وحدي وبالغربه واغلب الوقت يكون زوجي بالشغل فكنت اكل وجبه وحده باليوم 🙁
او احيانا لما اصحى الصبح اكون جوعانه كلش بس مااكل لان اريد انااااااااااام :angry: فابدا بالتقيئ 🙁
ياريت لو يرجع الزمن للوراء ومااسوي كل هالعذاب بالبيبي :angry: :angry: انا بس حابه اعرف انتي ايضا كنتي مثلي ؟؟
هل انجبتي النونو اقل من 2.500 كيلو وايضا كنتي لا تاكلين ام ما هو سبب من قله وزنه؟؟
وبصراحه ماعرف ليش الاهتمام على وزن البيبي لما ينولد يعني واحد خلي نقول 2 كيلو والثاني 4 كيلو والثنيين والحمدلله بصحه جيده !! :qaq: الله اعلم
لا تطنشون على موضوعي تره هذا اول موضوع بهالقسم لـــــــــي
انا من شهرين ربيت ويبت بنت الله يحفظها وهيه اول مولوده لي
وزنها كان 1و600 لان ولدت في الشهر الثامن وتمت في المستشفى تقريبا اسبوعين في قسم العنايه بالاطفال والحمدلله الحين وزنها صار3 كيلو ، صح الي في سنها وزنهم اكثر بس الحمدلله انها في صحه وعافيه
حتى عطوني اعطيها فيتامينات وحديد تستخدم لمدة خمس شهور تقريبا
انتي الغاليه لا تحاتين اهم شي رضعي طبيعي وتغذي عدل وابتعدي عن اي شي مب مفيد مثل المشروبات الغازيه وغيره
ومره ثانيه اتغذس عدل لما تحملين والله عليج وعلى ولدج حافظ
بس مادري شنهو السبب مع انه امي ماكانت اتخلين اقعد من دون اكل بس يمكن من الضغط لانه يقولون انه الضغط مايخلي الدم يوصل للمشيمه عدل
حبيبتي أنا بنتي انولدت وزنها 2 كيلو لأنها كانت ناقصة يت في الثامن..
والحمد لله كبرت..
وشي عادي ان الأطباء خايفين لأنه فعلا البيبي صغير على انه جاي بعد تسع شهور..
لا تشيلين هم وزن البيبي اللحين وما عليج الا الاهتمام به والقليل من الصبر..
والمرة الياية لازم تهتمين في نفسج أكثر وتاكلين زين..
ترى الوضع يطمن ولا تخافين انا جبت اولدي وكان وزنه 1,700
وبسم الله عليه والان صحته فوق العال وكذالك بنتي بنفس الوزن والحين دبدوبه والصحه تمام عسى
ربي يحفظهم من كل سوء
متى الواحد يخاف اذا كان 1 او اقل من واحد اما الوزن اللي قلتي عليه عادي
واكللي بحمللي كان عادي جدا لا قليل ولا كثير بس الحمد لله كانت سليمة مافيها شي وهذا الاهم عندي وبدأت اكلها بعمر الشهرين ونصف والحمد لله صارت تكبر ويصير وزنها طبيعي جدا
موضوع جميييل ولا تخافي كلنا بالهوى سواااا
أنا بعد يبت بنتي ووزنها 2.360…وكانت وااااايد صغيرة و ضعيفة ومافي شي قياسها…بس الحمدالله أحين وزنها مناسب لعمرها ختى الثياب آخذها عالعمر..
يمكن أنا مثلج اني ماكنت آكل وايد فعسب جي طلعت صغيرة..حبيبتي أحين لازم تعوضين الأكل و تاكلين زين عسب الرضاعة…لانه ولاشي بيفيد افهالفترة غير الرضاعة الطبيعيه..
محمد 2.500 عقب يوم من ولاده فش وصار 2.300
مريم 2.900 عقب يوم من ولادتها فشت وصارت 2.650
والحمدلله مع انهم كانوا مفاعيص يوم انولدوا تعالي شوفيهم ما شاء الله الحين مربربين وحلوين .. الله يحفظهم ..
شوفي حبيبتي مع اني من النوع الي اهتم باكلي فترة الحمل لكن بعد عيالي يطلعون صغر اظن ماله شغل بالاكل ..
انا سالت الدكتورة ليش اوزانهم ناقصه قالتلي على حسب طبيعت جسمج .. سبحان الله الياهل ما يكبر بزياده عن حجم حوض الام …
حبيبتي اهم شي ينولدون وهم صاحيين .. ولو عن الوزن انتي ترومين تمتنينهم مب بس بلاكل الياهل يمتن .. بالحب والحنان والراحه النفسيه ..
الله يخليلكم عيالكم… ان شاء الله يرفعون راسكم وتشوفونهم معاريس ..
نسيت اخبركم ان الوزن الطبيعي للطفل عند الولاده يبتدي من 2.500
أنا جبت حمودي و هو أول فرحتي ووزنه كان 2.2 ومن يوم أنا حامل فيه الدكتورة تقول لي البيبي صغير و تنازع و تصرخ حتى. و السبب مثلج كنت ما آكل زين و لنفس ظروفج ، ريلي في الشغل لحد الليل و أنا بروحي آكل و ما أشتهي أبدا. و لما ولدته حبيبي بعملية قيصرية بداية التاسع،
كل حد يقول لي من دكتورة إلى الممرضة إلى اهلي و إلى زوجي و كل حد يزورني " شو هاذ !! يحليله و الله قصرتي فيه و ما كليتي زين" و كلام جارح من معظم اللي يزوروني
المهم ارتفع عندي الضغط و تميت في المستشفى،
بس الحمدلله رب العالمين إللحين حمودي في الشهر الثالث ووزنه طبيعي ، على الرغم من إنه كان مافي شي مقاسه و ما فيه ملامح من كثر صغره، بس إللحين الله يحفظه قمر و الله
ربي يحفظ بيبيك و يعطيه ألف عافية ، و نصيحة طنشي الكلام و عليج بالتغذية و الرضاعة و راح تشوفين البيبي يكبر و يكبر إن شاء الله
كوني إيجابية :clap: