بصراحة انغشيت في هالعطور؟؟؟؟ 2024.

:angry: مرحبا يا بنات طيران رحت المارينامول وشريت وصرفت فلوسي على Fruit Frappe من لايف ستايل ياربي شريت كل شي شورجل والبودى سبراي والكريم مال الجسم ومال اليد على مانجا ابدا ابدا :angry: ما نجحت صرفت فلوسي على الفاضي ابدا ما فيهم ريحة والريحة عقب ربع تطير تطييييير وسافر زوجى ووصيته يشترى لي عطر برايفت كولكشن احبه كثير والبنات قالوا ان عطر سمبلي من كلينك ريحته كثير حلوة ابدا ابدا ريحته مش حلوة راح ارجع المطار وارجع العطر واخذ بداله شي ثانى………………….

المفروض تجربينهم الغاليه قبل لا تشترينهم

في منهم تسترات على الرف لو شفتي الريحه قبل لا تاخذينهم كنتي نجيتي عمرك من هالغلطه

على العموم معوضين ان شاء الله

شوفي اقرب فرصه و رجعيهم

و بالنسبه للعطور اللي مدحوهم البنات ترى الناس اذواق يالغاليه و ما يصير تاخذين عطر على وصف وحده ثانيه كل وحده و ذوقها … في حد يحب الروايج الهاديه و في يحب القويه و في يحب الفواكه .. الناس أذواق

انا عني ما احب اشتري عطر الا شامه ريحته قبل

الله يعوضج خير يا رب

وجربت ومن وناستى جيت وبطلت العطورات وشلت التاغ كله منهم ، المشكلة من الروايح في لايف ستايل تنترسين وتدوخين من الروايح لكن عقب بالبيت تطير ولا كانك حاطه شي ، وبالنسبة للعطور انا لين زوجى يسافر اوصيه بالعطورات اللي ابيها يجيبها لي من المطار حتى البياعة تقول له عن عطر برايفت كولكشن تقول له هذا قديم من عشرين سنة بس انا احبه واشترى لي مسكين على حسب ذوقي قال متأكدة ما تبين عطورات غير اجيب لك قلت له لا ابي هذول اللي وصيتك عليهم… بس راح ارجع سمبلي لأن من المطار عندنا وأخذ عطر ثانى…….

يالله ما عليه هاذي عن الثانيه على قولتهم تحملي مره ثانيه اخذي معاج قهوه و بعد كل عطر شميها علشان تشمين العطر اللي بعده عدل

انا جربت من فتره هالعطور لو تبين تسالين عنهم و تجربينهم بس روعه على ذوقي مو بعدين توهقيني

شوبارد الأصفر
كارتير الأحمر
جيسس الوردي الكبير اللي على حرف الجي
كاشاريل الأحمر
ايكو الوردي
جوشي الوردي

عجبتي روايحهم وايد

بس في عطر لانكوم البنفسجي تسرعت فيه و اخذته و لما ييت البيت حسيت كأنه مبيد حشرات من قوة ريحته و ترطته في الدولاب ما قدرت ارجعه لاني فتحته

هلا حبوبة

حبيبتي لايف ستايل مو دايما يحط اشياء ما تنفع بالعسك عندهم حاليا عطور كل نوع من انواع الزهور انا اشتريت تبع الورد وارشه مع عطور ثانية

لذا اذا ما فادوكي حاولي تتباعي افكر الاخت العزيزة بنت عذاري او تسئليها حتى تستخدميها لاغراض ثانية

يعني الشور جل حاولي تشتري نوعيه ثانية وتخلطيه بس جربي اول

اما العطر رشية على ملابس قبل ما تلبسيها ومع دهون او عطور غالية وبخريه وبعدين لا تلبسيها لا رتبيها ولما تكون مخلصة من الشور البسيها

اذا خذيتي بودرة بعد رشيها مع بودرة البيبي جونسون في الحين معطر شوفيه في السوبر ماركت حاولي تخلطيها ولما يكون جسمك مبلل رطب مو كثير مبلل يعني انشريه على جسمك راح تثبت وبعدين حطي اللوشن

خبريني بالنتايج طيب

الله يوفقج ما راح ازيد على كلام اختي سحايب لانها كلامها صح عن القهوة شيله في شنطتك

وبعدين كلينك سمبل حلوووووووو ريحته لما تبرد 🙁 احبها كثير

انا مستحيل اخذ عطر من غير ماجربه ، والصراحه انا اشوف بعض المرات انه البنات يمدحون عطر ويوصلونه السما من زود حلاته … ولما اروح اشمه مايعجبني ، لانه الناس اذواق ….

ومرات انا اخذ عطورات لما اشمها فالمحل تعجبني ولما ارجع البيت اقول شلون انطزيت في عيني وشريته اففففف ويتم مركون وساعات ارشه فالغرفة ….

بصراحه انا سالفتي سالفه ويا العطور تعجبني ريحة عطر بس ما اشتريه لاني مو كلش مقتنعه واجرب باجي العطور بالمحل ويوم ارجع للبيت اقول حساافه ذاك كان حلوه ريحته لا الثاني واظيع ولا اعرف اي واحد حلو خاصه انا ايدي ترستها بالعطور .

بصراحه اروح اروح وارد على افضل عطرين عندي انجل وكارتير.

شسالفة القهوة اول مره اعرف هالحركه الحلوة …راح استخدمها تسلمين الغاليه على هالمعلومه
.
أختك
أم زهراء

جربيهـم وماعليج من كلام الناس

سـوا مدحوا لج ولا لا يمكن مايعجبج

العطر وهو عاجبها والناس اذوواق

ولما تجربين لاتجربين على ايدج

كل شوي بتختلط الريحه وماتدرين

هو ريحه هالعطر ولا الثاني ولادمجهم

عطاج ريحـه حلووة … جربوا بكلينكس

او باوراق اللى عندهم ..

المارينا مول ورجعت 2 شاور جل و1 بودى شبراي ومال اليد ، طبعا اللي ما بطلتهم بس شلت الستيكرات قلبي كان معورنى بصراحة قلت اشلون اخليهم انا استخدمت الكريم اللي بالزبدة بطلته واستخدمته خليته وبودى سبراي على مانجا استخدمته حطيته وعطرين على توت وشاي اخضر حطيتهم لأنى استخدمتهم ما رجعتهم والباقي اللي ما استخدمهم طوال من رجعت من الشغل اخذت الأشياء ورجعتهم وعملوا لي كرددت بالرصيد وقلت توبه اخذ اغراض لايف ستايل راح اخلي الرصيد اشترى لعيالي الله يحفظهم من ماذركير احسن لي ………:sad: واليوم بعد لازم اروح المطار علشان اغير عطر سمبلي اللي جاب لي زوجى هدية اللي وصيته ……..