اولاً : المقادير
دجاجة مسلوقة ومنزوعة العظم ومنتفة
علبة مايونيز
ماجي مكعبات
بصل مقطع فراشاات
كيس خبز عربي ( اللبناني ) الكبير والرقيق مو السميك
ثانيأً : الطريقة
نحمر البصل على نار هادية لين ما يلين البصل
نضيف الدجاج المنتف
ونضيف الحين الماجي مكعبين بس ( واذا حبيتو تحطون ملح على الرغبة لأنه اصلاً الماجي مالح شوي )
نحمسه كله مع بعض لمدة ربع ساعة ونرفعه من على النار
الحين الخطوة الثانية
نجيب الخبز ونفرده على الطاولة ونفتحة عشان تكون شريحتين فهمتوني أكيد
الحين نقسم الخبز نصفين من الوسط
يعني الخبزة الوحدة تعطيني أربع شرايح
ندهن الخبز بالمايونيز من الجهة الداخلية ( الخشنة ) عدل ونكثر عاااادي كل ماكثرتي كانت النتيجة أحلى
نحشي كل شريحة بالدجاج المحموس من طرف الخبزة ونلفها على شكل أسطوانى ( يعني نفس طريقة المسخن)
الحين الخطوة الأخيرة نجيب علبة القصدير ( الألمنيوم
ونقص مربعات أكبر من مقاس السندويتشات بشووي على عدد اللفائف اللي عندج
ناخذ كل سندويتشه ونلفها بالقصدير ونحكم أغلاقة من الجهتين ( نفس لفة الحلاوة )
وبعدين نصفهم في الصينية ونضعهم في الفرن لمدة 15ألى 25 دقيقة الفرن لازم يكون حاار شوي عشان يتحمر السندويتش بسرعه
وبعدين طلعووه من الفرن و قوووولو لي شنو النتيجة بليييييييييييييييييز اتمنى انكم فهمتو الشرح
للأسف ماعندي صور لكن اوعدكم اني اصورها لكم (p)أو أي وحدة تتطبقها تصورها لنا
مشكووووووووووووره اختي عالطريقه..
بطبقها يوم الخميس اذا الله راد … لأنه زوجي بيكون موجود ..
تسلمين حبيبتي ..
.
مشكورررررة
وصفه رائعه