عندي عقده نفسيه من كل العطورات 2024.

مشكلتي هذي قديمه جدا وحل مالقيت لها حل ،لكن ابغى اعرف فيه وحده تعاني مثلي:confused:
انا بصراحه اشتري عطورات حلووووووووووه وغاليه وكثير يسألوني عن عطوراتي ويشتروا مثلها واشتري العطورات عن قناعه تامه واكون سعيده فيها بالبدايه ولكن بمجرد ان يصل العطر الى ربع الزجاجه اكرررررررررهه بشده وكأنه وحم ومااطيقه ويقعد فتره مركون واشتري نوع ثاني واجي ارمي القديم اتحسر واقول لا حرام غالي يمكن ارجعله وفعلا اجي اتعطر منه بعد فتره مااقدر واعطيه ناس غيري ويتعجبوا اشد العجب ويقولوا حرام عليك هذا مليان لكن ايش اسوي فعلا مو بيدي واحيان اعطيه الشغالات اذا قرب سفرهم
وكمان نفس الحاله تصيبني اذا وحده عجبها عطري وسألت عنه واشمه عليها بعد فتره وتتفاقم هذي الحاله اذا كانت من النوع اللي رائحة عرقها طالعه في هذي الحاله اتخلص تماما من العطر بلا رحمه و هذه بعض العطورات التي اعدمتها بلا شفقه
ميركل _امور امور_ سينما _ اس تي دوبنت _ جادور_ جوتشي_ تشانس _ويك اند(وهذا انسرق من شنطتي بالجامعه وانا على وشك اعدامه من 8 سنوات ودعيت للي سرقته ما دعيت عليها) _شير _نبتون _ وعطورات من مكياجي لا تحضرني اسمائها الان وعطورات كانت عباره عن(g)من الاهل وزوجي وصديقاتي

المراد فيه وحده بنفس حالتي او الافضل اعرض حالتي ع طبيب نفسي؟

اسم الله عليج ياقلبي مافي الا العافيه
يمكن انتي تعلقين على العطر الجديد
وتملين منه طيب رشي كم يوم من
واحد وحولي على الثاني يعني حاولي
تنوعين قد ماتقدرين انا بعد تجيني
حاله اكره العطر بس اذا علقت علييي
تقبلي موري اخيتج الجوري (f)(f)(f)

أهلا أختي عروسة زمان

موضوعج غريب .. بالنسبة لي شخصيا لما أحب عطر آخذه كذا مره و أحب أرجع له.. يمكن انتي تتسرعين بشراء العطر وما يكون داخل قلبج ..

عموما يا بخت الي حواليج ..

انا عندي عقدة تشبه عقدتك بس انا ارحم
انا لما اشم ريحة العطر في وحدة غيري مستحيل اشتريه
كأن العطر هذا يخصها لوحدها
والادهى اني كل ماشميت ريحة العطر افتكر صاحبته
كأنها مرت من قدامي
صاحة شي متعب

وتقبلي مروري

لا ياحبيتبي مافيج الا العافيه عادي هذي حاله تصير حق اي وحده بفتره معينه,, بس حبيت اسالج اذا انتي من زمان جي ؟ واتووقع انه ماله داعي دكتور نفسي وحاله ان شاء الله مافيج الا العافيه

[FRAME="11 70"]يا هلا فيج يا اختي
سبحان الله .. هالشي يكون طبع ويختلف من شخص لشخص..
يعني مثلا.. انا ما احب اخذ لي عطر او _اي شي غير العطور_ شفته عند وحده امممممممم(بيني وبينها تج) لاني ما احب انها تكون في بالي كل ما اتعطر..

عندي لج نصيحه صغيرووووونه.. اتمنى انها تنفعج ..
طنشي الحاله اللي فيج يعني لو انج ترمين العطور او توزعينها وما تقدرين تودرين هالطبع لا تخلين هالشي يضايقج..وزعيهم بطيب خاطر..او انوي بنيه الصدقه ان شاءالله بترتاح نفسيتج.[/FRAME]

ههههه تقريبا نفس حالاتك
انا احب العطور كثير
لكن اولا اذا جيت اتعطر مااحب الا نوع واحد واجلس عليه
وغير كذا العطور تطول عندي بالرغم من اني اتعطر منها زي الناس
ودايما اخواتي يسالوني ها ما مليتي من العطر اللي عندك؟؟
لانهم يعرفو ان العطر لما يصل للنص او وباقي ربعه خلاص ماعاد اتعطر منه ونادر مايخلص العطر عندي كله
وع طول اخواتي ياخذوه وماشاءالله بيومين الا هو مخلص
لا تخافي في مثلك ههههههههههه

عادي فديتج هذا شي طبيعي
من كثر ماتحبين الشي تكرهينة بعدين
تدرين أنا مثلج بس مو في العطور في الاكل طبعا من كثر ماأفضل وأحب آكل شي معين بعد فترة أكره وماأحب حتى اشوفة
ولاتقولين فديتج عن نفسج أنه هذا الشي مرض لا طبيعي والله

اقتباس

المشاركة الأساسية كتبها suzysooz

	أهلا أختي عروسة زمان موضوعج غريب .. بالنسبة لي شخصيا لما أحب عطر آخذه كذا مره و أحب أرجع له.. يمكن انتي تتسرعين بشراء العطر وما يكون داخل قلبج .. عموما يا بخت الي حواليج ..

حاولت كذا مره اكرر العطورات ماقدرت وفعلا اتعجب من اللي يقعد معاها العطر سنتين او ثلاث ،ومااتسرع واشتريه عن قناعه

اقتباس

المشاركة الأساسية كتبها غناته هو وبس

	[FRAME="11 70"]يا هلا فيج يا اختي سبحان الله .. هالشي يكون طبع ويختلف من شخص لشخص.. يعني مثلا.. انا ما احب اخذ لي عطر او _اي شي غير العطور_ شفته عند وحده امممممممم(بيني وبينها تج) لاني ما احب انها تكون في بالي كل ما اتعطر.. عندي لج نصيحه صغيرووووونه.. اتمنى انها تنفعج .. طنشي الحاله اللي فيج يعني لو انج ترمين العطور او توزعينها وما تقدرين تودرين هالطبع لا تخلين هالشي يضايقج..وزعيهم بطيب خاطر..او انوي بنيه الصدقه ان شاءالله بترتاح نفسيتج.[/FRAME]

فعلا اوزعها بطيب خاطر،ومشكوره ع النصيحه الحلوه