لحقوا عليه المقابله جتني 2024.

أول سؤال بيسألونه هو انج تتكلمين عن نفسج
وبعدين ممكن يقولون لج وصفي نفسج في 3 كلمات
وممكن يسألونج بعد عن موقف معين اذا انحطيتي فيه كيف بتتصرفين؟؟؟؟

وبعد ليش قدمتي على الشغل عندهم؟؟؟ وهني لازم تكون عندج معلومات عن المحل ووظافيهم ومميزاتهم

وين تشوفين نفسج بعد 5 سنوات من الآن؟
ماهي نقاط قوتج وضعفج؟؟ وطبعا هني تذكرين نقاط القوة أما نقاط الضعف لا تقولين ان ماعندج نقط ضعف لان قوية خخخخخخ
بس تقدرين تقولين مثلا ان انتي تشوفين ان انتي وايد تحطين على روحج في الشغل وكل شي تبينه مضبوط وهذا ممكن يعتبر عيب فيج
او تقولين ان انتي خجوله نوعا ما بس الحين تحاولين ان تتحررين من هالشي
يعني قولي شي زييين

اممم بعد شنو شنو
اييه كوني واثقة من نفسج، ودايما جاوبي حتى لو توهقتي ولا تقولين يس أو نو بسس وتسكتين
او لا تقولين ماعرف
اذا توهقتي في سؤال قولي احتمال ان يكون جذي وجذي او يمكن ان ….
واذا مافهمتي ممكن تقولين لهم يعيدون السؤال

بس أهم أهم شي الثقة في النفس ولا تكونين متوترة
وحطي في بالج دايما ان اللي يسوي لج المقابله ترى كان في يوم نفسج خخخخ

وبعد في سؤال مهم ، وهو اذا قالوا لج جم تتوقعين يكون راتبج
هنيي هذا السؤال يعتبر صعب ومخادع شوي، ليييش؟
لأن لو قلتي لهم مثلا 7000 درهم ، ممكن تكون رواتبهم هم أكثر بس بيعطونج اللي قلتي عليه
فتطلعين انتي الخسرانه
وممكن تكون رواتبهم أقل فبيغضون النظر عنج
فانتي لازم تكونين على معرفه برواتبهم قبل لا تروحين ، واذا سألوج هالسؤال قولي لهم مب أقل من 7000 أو من 7000 الى 8000 يعني لا تربطين نفسج بشي معين

وبسسس
وأعتقد الجهات الحكومية ماعندها تركيز وايد مثل الشركات
فان شالله كل شي بيصير تمام

وانا بعد بكره عندي مقابله في شركة
ادعي لي ان كل شي يتيسر لي

انا اليوم الحمدلله كل شي كان أوكي بس بعد مافي شي مؤكد
وان كانت الشغله من نصيبي باخذها