النهاردة حبيت اطبخ مكرونة شوفت الوصفة هنا في المنتدي بس الموضوع الأصلي تم حذفه من الإدارة
وأنا عدلت في الوصفة ودلوقتي مختلفة عن الأصلية بشوية يارب تعجبكم وتجربوها 
نبدأ بالمقادير
كيس مكرونة عقل شكلها واضح في الصور تحت
بصل مفروم
فلفل أخضر مقطع صغير
طماطم مقطعة مكعبات صغيرة
مشروم (أنا استخدمت اللي بيتباع مقطع ونضيف وبس نغسله بالمياه ويكون جاهز للطبخ)
فلفل أسود
وملح
وشطة أو أي توابل تحبيها
مايونيز
جبنة سائلة بوك أو أي نوع
جبنة موزاريلا
الطريقة
نفرم البصل ونقطع الفلفل والطماطم والمشروم
نحمر البصل في الزيت لوحده الأول ولما يبتدي لونه يتغير نضيف الفلفل الأخضر والطماطم ونقلب شوية ع الأقل دقيقة ونضيف المشروم والملح والفلفل الأسود حسب الرغبة ونتركهم ع نار هادئة عشان يستووا
وده شكلهم ع النار لما ضفت كل المكونات
بعد ما يتم نضج الخضار نطفي عليهم ونبتدي نجهز المكرونة نسلقها في مياه وملح وزيت
ودي الكرونة اثناء السلق
ولما تستوي الكرونة كويس نصفيها ونضيفها ع الخضار ونقلبهم سوا
ونكون مجهزين الصلصة البيضاء
وطريقتها:
ملعقتين كبار مايونيز وملعقة كبيرة جبنة سائلة (أو علي حسب كمية المكرونة اللي استخدمتيها أنا استخدمت أقل من نصف الكيس لفرد واحد ) ونخلطهم مع الملح والفلفل الأسود والشطة ونضيفه علي المكرونة والخضار ونقلبهم كويس
وبعد كده نحط الجبنة الموزاريلا علي وجه المكرونة وندخله الفرن تتحمر شوية
وده شكلها النهائي
صورة أقرب
جربوهااااا يا عرايس وإن شاء الله تعجبكم
ويعطيكي العافيه
.
تسلم ايديك .. ويعطيك العافيه
تسلم يدك..
تسلم الايادي
تسلم الايادي