وعلى فكرة ابي اعرف هل هالشي طبيعي يوم البيبي كله يتخرع وعلى اي شي يخاف ويزيغ …
وحتى في ايده اليسار من 3 ايام لاحظت حبه في يدهه لونه وردي غامق نفس مالل التطعيم مالتنا
فهذي الحبه شو ريلي يقول تطعيم بس انا اذكر يوم خذ تطعيمه اول مره بس مااذكر بيده لانه هالشهر الياي اول تسعه بيكون ثاني تطعيم فشو هالحبه
وبعد ترا البيبي على ادنى شي يخاف و يزيغ .. لا تحاتين
والحبه تراها مال التطعيم انا صار لولدي نفس الشي .. و بعدها بتكبر بس لا تلمسينها خليها لوحدها بتنظف و احتمال اطلع ماده صفرا و دم .. لا تحاتين وعقب بروحها بتخف
والله يخليه لج و يحفظه
العطاس شي طبيعي و عادي و ما منه ضرر
بس تاكدي انه المكان اللي تحطينه فيه ما تشغلين فيه المروحه و اذا شغلتيها خليها على رقم واحد
و لا تحطينه على فرش الارضيه لانه دايما يكون فيه غبار و هو يسبب العطاس
و الحبه هاي مال تطعيم الولاده اول ما ينولدون يعطونهم هالتطعيم في المستشفى و هذا يطلع الجراثيم اللي في الجسم
بعد فتره بتشوفينها حمرا و بتكبر و بتكبر و بتطلع وصخ و بتخف و بتتم بقعه و بترجع بعد فتره نفس الشي كمن مره و عقب خلاص
بس اهم شي لا تلمسينا ابدا ابدا ابدا لا تلعبين فيها لانها طبيعيه
و الحساسيه عندنا و عندج الخير بس لعلمج ترى الحساسيه و زكام الحساسيه ما يعدي ابدا ابدا
يعني يوم بتكونين مزجمه من الحساسيه اعرفي هالشي ما يعدي مثل زجام الشتى 
الله يبارك لج فيه يا رب
والصراحة زين خبرتوني عن حبه التطعيم لانه اليوم طلعت مادة صفرة وخفت بس الحين تطمنت