::][ هديتي لأخوي ][:: 2024.

السلام عليكم ورحمة الله وبركاته

شخباركم عروسات؟؟

بحط لكم اليوم تغليفي لهدية اخوي بمناسبة تخرجه من الثانويه

طبعاً سوينا حفله عائليه بسيطه جداً وكانت مفاجأه يعني اهو ما يدري عنها

تغليفي للهديه هالمره كان سريع جداً
لان وقت اللي كنت اغلف الهديه اخوي كان موجود فالبيت
وكان ايي يكلمني بين فتره والثانيه

الوقت كانت ضيق جداً عشان جذي ماقدرت اني اروح واشتري بوكس مناسب
كان عندي بوكس بس لونه وردي ما يناسب لورق التغليف ولا يصلح لهديه رجل

فغلفت البوكس بنفس ورق التغليف اللي استخدمته

يمكن تلاحظون ان التغليف بسيط جداً

صارت لي مشكله فالبوكس بأنه صار صغير وما يكفي كل الهدايا
حزتها توهقت ماعرفت شسوي
فخطرت في بالي فكره ان الصق احد الهدايا على البوكس من جدام

وايد تكلمت اخليكم مع الصور

واخيراً الكيكه

بعطيكم فكره عن الحفله
بعد ماطلع اخوي مع ربعه
حطينا الكيكه على الطاوله مع العشاء اللي كانت بيتزا والمشروبات الغازيه وغيره
رتبناهم على الطاوله وسط الصاله

وعلى الطرف حطينا طاوله صغيره فيها هديتي وهدية امي

ولتكمله الخطه اتصلنا بأخوي وقلنا له تعال بسرعه الوالد يبيك
ولما وصل كنا مطفيين الاضواء

وتفاجأ واستانس

احنا بعد استانسا وغيرنا الروتين شوي

اتمنى يعجبكم موضوعي

واخيراً لا احلل اي وحده تنقل موضوعي سوى بذكر المصدر او من غيره لان الموضوع جهد شخصي

كلش حلوة عاشت إيدج حبيبتي و مبروك التخرج و إن شاء الله يوم تخرجه من الجامعه

nanoosh84

تسلمين اختي
عيونج الحلوه
الله يبارك في حياتج
اسعدني مرورج

ماشاء الله تبارك الله

الهدايا تغليفهم حلوووووووووووو مرررررره

الف الف شكر لك

الاسطوره المحطمه

تسلمين اختي
مرورج الاحلى

طيف الاحبه 99
العفو اختي
نورتي الموضوع بمرورج

وعليكم السلام ورحمة الله وبركاته

هلا وغلا بغموضه احنا بالف خير دامج بالف خير غناتي

ما شاء الله نااااااااااايس الهديه عليه بالف عافية اخوك يتهنى وتسلم يدينج الحلوه

والف الف مبروك له التخرج وعقبال ما تفرحون بتخرجه من الجامعه

تقبلي مروري غاليتي

لك ارق تحياتي

س روحي راب

الف الف مبروك تخرج اخوووج

تغليفج حلووو للهدايا مرتب

عجبتني الكيكه شكلها لذيذ … احب الكاكو

الله يعطيج العافيه

س روحي راب

دوم بخير ان شاء الله
الله يعافيج ويسلمج غاليتي
الله يبارك في حياتج
آمين ان شاء الله نشوفه معرس
نورتي الموضوع بطلتج الحلوه