اولا احب اشكر اختي الي سجلتني بمنتداكم …
وهي معاكم بالمنتدى منذو مايقارب السنتين …
المهم بحكي لكم عن مشكلتي واتمنى احصل عندكم حلول 😮 …
انا متزوجة وعندي ولد عمره ثلاث سنوات وبنت عمرها ست شهور والولد الله يحفظه شقي شقي شقي ومن جبت البنت وهو زايد …
ويضرب اخته ودايم اذا عصب يطلع حرته بااخته مرة كان ساحبها بيرميها مع الدرج ومرة يقولي شرايك ماما نمسك الجوري ونضربها بالعصا (وانا مااقد ضربته ولا اعرف من وين اخترع لي اسلوب العصا ) 
…
والظهر اذا بكت وانا اصلح الغدا يقفل عليها عشان مااسمع صوتها واروح عندها :confused::confused:…
واذا عطيتها الحليب تمسكه وتشربه يسحبه منها ويشربه :eek::eek: …
ومواقف كثيرة لاتعد ولاتحصى ولكن مضمونها الغيرة والبغض لاخته حفظها الله …
مااااعرف كيف اخليه يترك هالاسلوب وكيف احببه بااخته مع العلم اني احاول احتويه اكثر من اول عشان ماايحس انه فقد مكانته بعد قدوم اخته ومدلعته انا وابوه لكن مازال على هالاسلوب :ss: …
افيدووني وفقكم الله واعانكم على كل ماهو خير لكم وسدد خطاكم واثابنا الله واياكم على كل مثقال ذرة من عملاً عملناه وعفا عننا وغفر لنا عن كل مثقال ذرة اخطأنها …
يعني مثلا بسئلك عن موقف وانا متاكده انه حدث معاك لما تكوني ترضعيها او تبدليها او تلاعبيها يصر ويلح ويبكي انك تعمليله شغله او اي شي بس المهم ان البنت ماتكون معاكي ,,,,,…,.
من كلامك ابنك كثير يعاني وتعبان وانتي مقصره بحقه حتى لو انك تعتقدي انك لا مومقصره بس اهو يشوف انك مقصره
بقولك حلول من مقتطفات الانترنت وخبرتي مع بنتي
خصصي اله وقت للعب ودايما شاركيه بكلامه وافكاره يعني مثلا اسئليه شنو الاعاب الي يحب يلعبهااا
قوليله اذا نامت اختك نلعب مع بعض نلون نرسم ……
وقبليه وايد وحظنيه وكلميه عن اخته وعنه وانهم اخوان وبكره تكبر وتلعب معاه ويريت لو تخلي يقول الي بداخله للاخر من غير مقاطعه حتى لو كان في كلامه شي من العنف او الي يظايقك مثل سالفة العصا ….
في شغله ثانيه وانا اعتبرها سحر يغير وووايد بشخصية الطفل القصه كل يوم خلي بس ينتظر وقت النوم علشان القصه وعلى فكره حتى بنتك بتكون مستمعه جيده بالمستقبل وايظا يكون عندها حب القراه وعن تجربه والله انا بنتي كان عمرها 10 شهور يستغربون منها كل الي يشوفونها تمسك القصه وتقلب صفحاتها كانها كبيره ماشاء لله عليها مع انه الكتاب مقلوب هههه بس اهي حبت الكتاب ومتعوده عليه
دايما كنت اقرى واسمع من خبراء انه اذا اشركتي ولدك او بنتك بمسئولية الطفل راح يتقرب اكثر ويفرح انه سو شي لها وراح تكون عزيزه عليه
ودايما امدحي الافعال الي يسويها مثل انه لاعب اخته او انه قال كلمه حلوه مثل شكرا او ماما اختي بكت او اي كلمه تحسين انه تحتاج لتشجيع كل هالاشياء تخليه بعكس ماهو عليه الان
نصيحه مني انا ام زهراء لما تجي تكلمي طفلك انزلي لمستواه ولتفكيره ابدا لاتتوقعي انه اهو الي يطلع لتفكيرك وربي يحرسلك ابناءك يارب وتفرحي فيهم
يارب اني افدتك حتى لو بالقليل وعذرا على الاطاله
الله يخلي ما اعطاك
يمكن راح اعاني من الموقف زيك لاني حمل وعندي بنت
وافكر واقول وش بسوي
يمكن فكرتي تعجبك
اولا اذا انتي بيت لحالك
لازم يكون عندك جهاز مراقبه الى تحطينه عند البيبي وجهاز الاستماع معك فيه الرخيص والغالي خوذي الي يناسبك
وبنتك عمرها ست شهور يعني لاتجلس ولا تزحف ولا شي
اذا رضعتيها واكلتيها وغيرتي لها حطي عنها خشخيشه بالسرير او محبس وحطي لها اعاب تعلق وطلع صوت عند اللمس
او ماشابه
وقفلي عليها باب الغرفه
وقفلي عليها باب الغرفه
اذا انشغلتي عنها وصاحت راح تسمعيها قبل ولد لان معك جهاز المراقبه
وروحي لها واذا جاء ولدك قولي شوف حرام صاحت وخليه يحن عليها وقولي لاني قفلت الباب صاحت
وماشابه وخليه يبوس فيها وكذا
انا اشوف هذي الطريقه بتناسبيني
مادري عاد عنك تجيب نتيجه ولا
وعلى فكره امي كانت كذا ماتطلع اخواني المولدين الا بعد مايبدون بالحبي ولا دايم تقفل عليهم بالغرفه
مانشوفه
1- ضاعفي الحنان والدلع لابنك اضعاف مضاعفه
2- حاولي دائما اترققين قلبه على اخته مثلا: اذا كانت تبكي وجوعانه قولي لابنك :اختك جوعانه مسكينه وتبكي واهم شي تعابير وجهك الحزينه عشان توصلين له الفكره مضبوط يعني خلي تعابر وجهك طفوليه وكانك متأثره مع رغبه بالبكاء 
وخليه يقرب من اخته بس بوجودك يعني خليه يبوسها ويمسك ايدها وقولي له شوف ايدها صغيره هي مسكينه ماتعرف شي انت كبير وحلو ………..الخ لا تنسين مفعول تعابير الوجه في هذي الخطوه
3-دائما خلي ابنك بالاولوية ترى طفلك ذكي اقل كلمه من هني وهناك يلقطها واحيانا وانتي مش منتبهه مثلا: هو جمبك احيانا يلعب وانتي مفكره انه مو منتبه وانتي تكونين تتكلمين بالتلفون مع حد وتسولفين عن بنتك وتقولين بنتي تجنن وبنتي وبنتي لا اتدخلينه هو بالموضوع عرض وقولي اي ولدي بعد شاطر وحلو ويسمع الكلام ويحب اخته وهي بعد اتحبه دائما خلي اطرائاتك ايجابية
4- الاشياء اللي تسوينها لبنتك سويها له مثلا: شفتي وقت الرضاعه حطي ولدك بحظنك ودلعيه نفس البنت بتلاقينه بيتقمص الدور وبيعيش الجو انه هو الطفله وبتلاقينه يقلدها ويبكي بعد هههههه
5- هذي نقطه مهمه جدا جدا اتركي البنت في البيت مع حد من اهلك واطلعوا طلعه عائلية انتي وابنك وزوجك فقط واهم شي وانتوا راجعين تشترون لشي لبنتك وخلي ولدك هو اللي يختار لها شي حتى لو شي مامنه فايده بس عشان اترققين قلبه وتعودينه على فكره وجود فرد رابع معاكم
k,v,v الجهاز كثير قالوا لي اشتريه بس مااحبيته اخاف اعتمد عليه لاني اشوف خواتي يقفلون على اطفالهم بالساعات وانا مااحبيته ومشكورة الله يسعدك ويوفقك …
زهرة اللافندر ضاعفته بس ماادري ويش يملى عينه ومايعجبه العجب واذا نمت اخته اقعد معه واقوله قصة وارسم معه والعب معه بس ماادري ليش وارائك سليمة ومنطقية تسلمي ربي يسعدك …
اختي الغاليه
هذه هي الغيرة
طفلك يغار من اخته
والاخوات الفاضلات أعطوك نصائح ذهبية جزاهم الله الف خير
والطفل هذه ردة فعل طبيعية بعد وصول ضيف جديد
أخذ مكانه
حتى لو انك لم تقصرين معه
ولكن يختلف الوضوع عن سابق عهدة
فقد كان النجم المميز في الاسرة هو الاول والآخر اما الآ فجاءت من تنقص عليه صفوه عيشه
ربي يخليهم لج ويكبرون ان شاءالله وتشوفينهم معاريس
وينقل الموضوع الى ركن التربية والطفل
حتى تستفيدين أكثر من الخبرات ويستفاد عروسات المنتدى من موضوعك
دمتم سالمين
اختكم شريفة
دعواتي لك
الله يعينج ويعينا على تربيتهم
عروس هديه تسلمين يالغلااا …
كربلاء تسلمين يالغلا ماقصرتي …