السلام عليكم عرايسنا؟؟(f)
اختي تدرس بالجامعة..
وتسكن بسكن خاص ..وتبي تعدل غرفتها. من الداخل
ولون الغرفة للمعلومية وردي وبنفسجي
.
ولو تعطوني أفكار للباب الخارجي للغرفة..وش تصلحه وش تسوي فيه
ياليت افكااركم..
ابيه ضروري قبل لاتسافر اختي
:15::15::15:
حبيبتي انا من فتره لي فتره اسوي ديكورات حق باب حجرتي
واي حد بيدخل غرفتي لازم يطالع ويقرا يستانسون وايد
بكتب لج بعض افكار واتمنى انا يعيبج
مثلا يبي ورقه اكتبي عليه ادعيه عشان كل ماتدخل الغرفه او تطلع تقراه
اكتي الادعيه ع الكمبيوتر وبعدين وديه المكتبه عشان يكبرا ع ورقه A3
وسويه تغليف حراري صممي الورقه ع انه بطاقه واستحدمي الالوان الفرحه
لصقي ع باب الحجره من فوق وبعدين يبي دبدوب صغيرون وورد جوري من الريش
يباع في محلات الزهور نسقيه ع الباب اتمنى انا تعجبج الفكره
واذا حابه فكره حق العيد اتيب بطاقه كبيره تباع في المكاتب اتخلي ربيعاتها يكتبون عليه اهداءات وكلمات حلوه وتكمل تزين الباب مثلا بدراهم والخمسات والعشرات وتكتب عليه كل عام وانتوا بخير
واذا حابه تجمعين بين الفكرتين اتسوين ورقه الادعية واتيبن اظرف اتلصقا ع الباب بطرقه حلوه
ومن بين الاظرف حلو انا خواتها وامها يكتبون لها تقرا من فتره لي فتره
بعد حلو انها تشتري براويز صغيره قد كف الايد تاخذ كميه وتكون فيها مناظر طبيعيه
حلوه اتوزعه ع الباب
قد ماتقدرين ازينين الباب بشي بارز ومن فتره لي فتره غيري
انا اكثر شي اهتم به الادعيه ع طول اغيرا لانهم يقرون يوميا فيتمللون
احب اغير و استخدم ألوان ملفته اها
حبيبتي ان شاء الله يعيبج افكاري والسموحه ع التقصير واذا يا شي ع بالي بكتب لج
واذا عندج اي استفسار انا موجوده
تحياتي اختج شوقاني…..
يااالبى قلبك
مشكوووووورة كثييير وماقصرتي
حلوة فكرة الادعية وان الاهل يكتبون لها
بس هي تبي كمان تزيين من الداخل
والله انها عجبتها الفكرة
بس حق العيد هي تعيد عندنا موب هنااك هههه
الله يوفقك حبيبتي
واذا عندك لاتقصرين
والله بحثنا بالنت كثيير ومالقينا
شعاع الاكواان
بجد انتي خطييرة،،يعطيكي العافية حبي
مشكورات