بسم الله الرحمن الرحيم
شحالكم عروسات
ببدا مشكلتي على طول انا بنتي احين سبع اشهر وابي ارد للدراسة ولما ارد بتكون 9 اشهر ان شاء الله المشكلة انها ترضع طبيعي وانا بغيب عنها 5 ساعات في اليوم هل عادي لو تاكل بدون حليب 5 ساعات؟
في انتضاركم امهات
انا بنتي اوديها الحضانة يعني من الساعة 7 لين 2 وكانت ما تشرب خلال هالوقت يعني كانت تشرب يوم هي صغيرة بس مع الوقت قامت تقلل رضعاتها وحتى لو احمل اليها رضعة ما تشربها وخليت رضاعتها لين الساعة 2 واتوقع عادي كلش يعني في البداية راح يكون صعب عليها مع التعويد بصير عادي جدا ويمكن تاخذي حليب من صدرك بداية الايام وتخلينها مع الي بياخذ الطفلة وتتفقين معاه ان في كل مرة يأخر رضعتها لين تصير شبه منعدمة وتنتظرك لين تجين
لا تحاتين خيو لما اصير عمرها 9 اشهر دخلي اليها الاكل تدريجيا لان هالعمر اتقل اساسا رضعاتهم ويصير بينهم فترات متباعدة والله يوفقش انشاالله
اهلا موظي اخبارك ؟؟
قبل ال 5 ساعات اهم شي ماخذة رضعة كاملة و كافية .. بعدها خلاص الأكل يكفيها مااعتقد بتحتاج الى رضعة اضافية بهالعمر .. !
و الله يوفقك ،،
يزاكم الله خير امهات ريحتوني
والله يحفظ عيالكم يارب