بنات علمووني شلوون اسوولف!!

السلام عليكم

عندي مشكلة يابنات والله اني اعاني منها وحدي مضايقة ومانام الليل من كثر مافكر فيها

ومب عارفة شفيني بالضبط وشنوو علاجي؟؟

انه يابنات احس لساني مربوط وماعرف اتكلم مع الناس عدل

يعني اذا باتكلم كلمة كلمتين

وماعرف اسولف حالي حال الناس وانه صرت انطوائية بسبة هالشي

والله اذا احد قعد معاي قلبي يرقع واذا تكلم معاي ماقدر اركز بكلامه عدل بسبة افكر شنو ارد عليه او في شنو اتكلم

بنات انتوو شلون اسوولفون وتفتحوون مواضيع مع احد

احس الي يقعد مع معاي يتملل لان كله اضل ساكته وماعندي شي اتكلم فيه

والله اقعد افكر بشنو اتكلم واسوولف لكن مالاقي شي

واذا سولف معاي ارد عليه بكلمة كلمتين او يمكن ارد رد مو في محله

حته صداقاتي قليلة وتنعد على الاصابع ومب ذاك الزود بعد ولا اعرف اكون صداقات

واذا وحدة منهم اتصلت فيني اتهرب وساعات ارد بس اكون مرتبكة بالكلام وماستوعب الي تقوله لي بسرعه

انه والله مب غبية بس وايد اخاف وهالخوف مخليني ماقدر اسيطر على نفسي ومخلي فكري مشتت وثقتي بنفسي معدومة

شخصيتي ضعيفة والي يغلط علي اسكت عنه ولا اقدر ارد عليه وادافع عن نفسي
وهذا اكثر شي امتعبني لان الواحد مايرضه على عمره بالاهانة بس الي مثل حالتي شيسوي:confused:

حته لو صارت لي مشكلة مع احد وهو الغلطان اطلع انه الغلطانة بسبة اني ماعرف اخذ حقي وادافع

والله مب عارفة شاسوي

تعرفوون ان رفضت واحد خطبني بسبة هالشي

مابيه ياخذني ويتملل مني وطلقني

والله اني احاول اغير من نفسي

بس مو عارفه شلوون ساعدوني

والله اني نفسيتي تعبت

الموت اهون علي من اعيش بهالحالة

عزيزتي اتعس انسانه اولا انتي ماخذه فكره عن نفسك انك تعيسه اولا لازم تحسنين اختيار تجارب حياتك والله حرام تسمين نفسك كيذا اولا انت خلاص هالكلمه راح تظل معك للاخر يوم بحياتك
وراح تكوني تظلمي نفسك حاولي تقولي انك اسعد انسانه انتي بصحه وعافيه واهلك حولك ومرتاحه هذا اهم شي
ثانيا من ناحيه السوالف حاولي تكوني دائما مع مجموعه من الناس وتتكلمي معاهم حتى لو قلتي بدايه الامر كلمه راح تشوفي انك كل يوم بتزيد عندك الجرأه
وحطي ببالك وقولي دايما انا اقدر اندمج مع الناس انا اقدر اكون لنفسي صداقات واقدر اسولف بثقه وحريه
دائما رددي ذا الكلام بنفسك وخلي عندك اصرار وعزيمه انك راح تتجاوزي هالملرحله بأذن الله
ورددي كمان انك اسعد من عشر ملايين الملايين من الناس العجزه واللي مايتكلمون واللي ايتام واللي مايحصلو ياكلوا شي
وكثير محتاحين يعيشوا بعض اللي عايشته اهم شي توكلي ع الله ولاتكوني تظلمي نفسك

وفقك الله

يااااااااااا حياااااااااااااااااااااااااااتي فديييييييييييييييتج
ليش كل هالخوووف
حبوبة اذا قعدتي مع احد كلش كلش لا تخافين وسوي هالطريقة
اذا اول مرة تقعدين مع احد
اهتمي بالشخص الثاني و اكثري من الاسئلة
يعني سألي عن دراسته ..وظيفته ..مدحيه مثلا قولي لبسج حلو اليوم ..لانه الناس تحب
اللي يعطيهم اهتمام و يسمعلهم

بعطيج صورة اكبر مثلا شوفي حواري مع الشخص الاخر
انا :شلونج شخبارج
الشخص :تمام الحمدالله
انا : اففف اليوم حررر و خيسة شفتي الجو (( شووفي سالفتي تافهه بس هذي مقدمات الحديث ))
الشخص :اي والله
انا : شلون نداوم جذي بهالحر ما نقدر (( يعني بصراحة سالفتي سخيفة وفيها تذمر بس عالاقل قع اسولف بأي شي ))
الشخص : اي والله وايد حر مادري شلون بنتحمل
انا : انتي وين تدرسين ؟
الشخص : انا ادرس بــ ..الخ
انا : اهاا ماشاء الله عاد قالولي هالتخصص صعب
الشخص : اي صعب شويه بس في تخصصات اصعب ..الخ (( عاد هني اهيه بتسولف شوي اكثر ))
انا : اي الله يوفقج ان شاء الله
الشخص : امين و اجمعين ..وانتي وين تدرسين
انا :انا ادرس ب …الخ
الشخص : معاج وحدة من صديقاتي بالثنوية اذا تعرفينها …
انا : لا والله ماعرفها

سويتها قصة لوول ..المهم حبوبة تره هذا شي سهل ييبي ورقة و كتبي فيها
اليوم رح اتعرف على وحدة و رح اسولف معاها عن 4 اشياء
مثلا الدراسة _هوايات _ الافلام _الصديقات
وتحطين سؤال محدد لكل موضوع عرفتي قصدي ؟
و اذا رحتي حفلة او يمعه ممكن تطبقين هالشي ورح تحسين بانجاااااااااااااااااز كبير و فرحة
و حبوبة لا تزعلين اذا ما قدرتي بالمرة الاولى انج تسولفين
حاولي ثم حاولي ثم حاولي …المحاولة اهي السر
ولما تطبقين الخطوة هذي رح تلقين بالمرة الثانية اللي تسوين فيها هالخطوة تقدم
وبالمرة الثالثة تقدم اكثر و اكثر

انا كنت نفسج قبل ما كنت اسولف والله العظيم حددددي هادية مع الناس الغرباء بس بالبيت صوتي يلعلع
والله من كنت صغيرة كنت اخاف اليمعات و الحفلات ماحب اروح لانه كله ناس و انا كله هادية و ما كنت استانس
و اي احد يحاول يصادقني كنت ابتعد عنه و كنت اتحاشى التلفونات مثلج بالضببببببببببببط
بس الحين والحمدالله اي مكان اروحله اكون صداقات و اسولف و اونس اللي حواليي والحمدالله صرت اجتماعية وتعودت على هالحالة لدرجة انه اذا حفلة او مكان انا اللي اروح اتعرف على وحدة
تغلبت على هالمشكلة بروحي و في كتاب ساعدني واااااايد ياريت تقرينه اذا حبيتي
اسمه كيف تؤثر على الاخرين وتكتسب الاصدقاء للكاتب ديل كارنيجي
هالكتاب له فضل كبير علي

حبوبة الخطوة الاولى عشان تتغلبين على هالشي ..انج ما تتجنبين احد يحبج
يعني لما احد يتصل فيج يبي يسولف معاج لا تتجنبينه ..اهوه شغله باللاوعي
قولي حق نفسج اليوم مارح اتجنب اي احد يحاول يتقرب مني وبتلقين نفسج مارح تتجنبينهم

وان شاء الله تتغلبين على كل مخاوفج و تصيرين اجتماعية و حبوووبة من كل الناس

وياريت تبلغيني بعد شنو بيصير معاج

هلا الغالية ..

حبيبتي .. انتي حاطهــ في بالج هالشي ..

انج لو تكلمتي بتخربطين عشان جيهــ حاسه بهالشي ..

شوفي لو انا بدالج اول شي ..

بكلم نفسي جدام المنظرة ..

وبفتح مواضيع مع نفسي عن اي موضوع ..

مثلا بتكلم يوم عن النت ومشاكل النت

لاتقولين هالشي يضحك وبكون مثل الخبلة ..

اكثر الدكاترة النفسيين والناس الناجحين يكلمون انفسهم امام المرآة

وبعدين بتكلم مع الي حوالي والقريبين مني

بتلاحظين ثقتج في نفسج بتزيد

ومابتحسين بخوف لو كلمتي حد ..

يمكن عندج مشاكل في النطق ؟

ماادري بصراحة ..

بس في ناس ماشاء الله عليهم ماينطقون الحروف عدل وتشوفينهم مذيعين وممثلين عادي .. امام الملايين

ليش لأن فيهم ثقة بأنفسهم ,,

شو في حبيبتي ..

لاتخلين شي بسيط عائق جدامج وجدام الحياة ..

تراج انتي حاطة في بالج الانطوائية والابتعاد عن الناس ..

تكلمي وسولفي مع الدنيا كوني لج صداقات ترى الدنيا حلوة

ولاتنسين الدعاء ..

وصلة بربج ..

تراه مفتاح كل نجاح ..

ولاتنسينا من دعواتج الطيبة ..

اقتباس

المشاركة الأساسية كتبها حلا الخبر

	عزيزتي اتعس انسانه اولا انتي ماخذه فكره عن نفسك انك تعيسه اولا لازم تحسنين اختيار تجارب حياتك والله حرام تسمين نفسك كيذا اولا انت خلاص هالكلمه راح تظل معك للاخر يوم بحياتك وراح تكوني تظلمي نفسك حاولي تقولي انك اسعد انسانه انتي بصحه وعافيه واهلك حولك ومرتاحه هذا اهم شي ثانيا من ناحيه السوالف حاولي تكوني دائما مع مجموعه من الناس وتتكلمي معاهم حتى لو قلتي بدايه الامر كلمه راح تشوفي انك كل يوم بتزيد عندك الجرأه وحطي ببالك وقولي دايما انا اقدر اندمج مع الناس انا اقدر اكون لنفسي صداقات واقدر اسولف بثقه وحريه دائما رددي ذا الكلام بنفسك وخلي عندك اصرار وعزيمه انك راح تتجاوزي هالملرحله بأذن الله ورددي كمان انك اسعد من عشر ملايين الملايين من الناس العجزه واللي مايتكلمون واللي ايتام واللي مايحصلو ياكلوا شي وكثير محتاحين يعيشوا بعض اللي عايشته اهم شي توكلي ع الله ولاتكوني تظلمي نفسك وفقك الله

هلا والله اختي حلا

والله شاسوي اختي من الهم الي فيني اقول جذي

وانشالله كلنه نكون من السعداء بحياتهم واخرتهم

مشكوورة على كلامج لي فديتج وانه احيانا اكون عادي مع الناس واتكلم بس مادري شصير فيني احيانا لين اتكلم انسى الكلام الي ابي اقوله من الارتباك او اتكلم واسكت فجأة

واذا باقوول سالفة صارت لي اقولها مخربطة ومو مفهومة

والله تعرضت لمواقف محرجة بسبة هالشي عشان جذي صرت اجنب الناس عشان نفسيتي ماتدهور اكثر

بس يالله الحمدلله على كل حال

وانه عندي امل اني راح اتغير للاحسن انشالله

وانه ماكتب لكم مشكلتي الا عشان اغير من نفسي واجوف نصايحكم

لان مليت من هالحالة

اقتباس

المشاركة الأساسية كتبها حب القلوب

	يااااااااااا حياااااااااااااااااااااااااااتي فديييييييييييييييتج ليش كل هالخوووف حبوبة اذا قعدتي مع احد كلش كلش لا تخافين وسوي هالطريقة اذا اول مرة تقعدين مع احد اهتمي بالشخص الثاني و اكثري من الاسئلة يعني سألي عن دراسته ..وظيفته ..مدحيه مثلا قولي لبسج حلو اليوم ..لانه الناس تحب اللي يعطيهم اهتمام و يسمعلهم بعطيج صورة اكبر مثلا شوفي حواري مع الشخص الاخر انا :شلونج شخبارج الشخص :تمام الحمدالله انا : اففف اليوم حررر و خيسة شفتي الجو (( شووفي سالفتي تافهه بس هذي مقدمات الحديث )) الشخص :اي والله انا : شلون نداوم جذي بهالحر ما نقدر (( يعني بصراحة سالفتي سخيفة وفيها تذمر بس عالاقل قع اسولف بأي شي )) الشخص : اي والله وايد حر مادري شلون بنتحمل انا : انتي وين تدرسين ؟ الشخص : انا ادرس بــ ..الخ انا : اهاا ماشاء الله عاد قالولي هالتخصص صعب الشخص : اي صعب شويه بس في تخصصات اصعب ..الخ (( عاد هني اهيه بتسولف شوي اكثر )) انا : اي الله يوفقج ان شاء الله الشخص : امين و اجمعين ..وانتي وين تدرسين انا :انا ادرس ب …الخ الشخص : معاج وحدة من صديقاتي بالثنوية اذا تعرفينها … انا : لا والله ماعرفها سويتها قصة لوول ..المهم حبوبة تره هذا شي سهل ييبي ورقة و كتبي فيها اليوم رح اتعرف على وحدة و رح اسولف معاها عن 4 اشياء مثلا الدراسة _هوايات _ الافلام _الصديقات وتحطين سؤال محدد لكل موضوع عرفتي قصدي ؟ و اذا رحتي حفلة او يمعه ممكن تطبقين هالشي ورح تحسين بانجاااااااااااااااااز كبير و فرحة و حبوبة لا تزعلين اذا ما قدرتي بالمرة الاولى انج تسولفين حاولي ثم حاولي ثم حاولي …المحاولة اهي السر ولما تطبقين الخطوة هذي رح تلقين بالمرة الثانية اللي تسوين فيها هالخطوة تقدم وبالمرة الثالثة تقدم اكثر و اكثر انا كنت نفسج قبل ما كنت اسولف والله العظيم حددددي هادية مع الناس الغرباء بس بالبيت صوتي يلعلع والله من كنت صغيرة كنت اخاف اليمعات و الحفلات ماحب اروح لانه كله ناس و انا كله هادية و ما كنت استانس و اي احد يحاول يصادقني كنت ابتعد عنه و كنت اتحاشى التلفونات مثلج بالضببببببببببببط بس الحين والحمدالله اي مكان اروحله اكون صداقات و اسولف و اونس اللي حواليي والحمدالله صرت اجتماعية وتعودت على هالحالة لدرجة انه اذا حفلة او مكان انا اللي اروح اتعرف على وحدة تغلبت على هالمشكلة بروحي و في كتاب ساعدني واااااايد ياريت تقرينه اذا حبيتي اسمه كيف تؤثر على الاخرين وتكتسب الاصدقاء للكاتب ديل كارنيجي هالكتاب له فضل كبير علي حبوبة الخطوة الاولى عشان تتغلبين على هالشي ..انج ما تتجنبين احد يحبج يعني لما احد يتصل فيج يبي يسولف معاج لا تتجنبينه ..اهوه شغله باللاوعي قولي حق نفسج اليوم مارح اتجنب اي احد يحاول يتقرب مني وبتلقين نفسج مارح تتجنبينهم وان شاء الله تتغلبين على كل مخاوفج و تصيرين اجتماعية و حبوووبة من كل الناس وياريت تبلغيني بعد شنو بيصير معاج

ههههههههه حياتي انتي

ماشالله تصلحين كاتبة سناريو

يالله انشالله اكوون مثلج واتغير

وبحاول قد ماقدر اني ماتجنب احد

الله يلعن الخوف والله اني اتمنى اصير اجتماعية مع الناس واسوولف معاهم عادي ولاارتبك واخاف

خاطري انطلق بالكلام اقوول كل الي ابيه ماعرف ارتب جمل او اربط الكلام في بعضه

مشكورة حبيبتي حب القلوب على كلامج و حوارج الشيق هههههههه والله انج ضحكتيني

اقتباس

المشاركة الأساسية كتبها فدوة الروح

	هلا الغالية .. حبيبتي .. انتي حاطهــ في بالج هالشي .. انج لو تكلمتي بتخربطين عشان جيهــ حاسه بهالشي .. شوفي لو انا بدالج اول شي .. بكلم نفسي جدام المنظرة .. وبفتح مواضيع مع نفسي عن اي موضوع .. مثلا بتكلم يوم عن النت ومشاكل النت لاتقولين هالشي يضحك وبكون مثل الخبلة .. اكثر الدكاترة النفسيين والناس الناجحين يكلمون انفسهم امام المرآة وبعدين بتكلم مع الي حوالي والقريبين مني بتلاحظين ثقتج في نفسج بتزيد ومابتحسين بخوف لو كلمتي حد .. يمكن عندج مشاكل في النطق ؟ ماادري بصراحة .. بس في ناس ماشاء الله عليهم ماينطقون الحروف عدل وتشوفينهم مذيعين وممثلين عادي .. امام الملايين ليش لأن فيهم ثقة بأنفسهم ,, شو في حبيبتي .. لاتخلين شي بسيط عائق جدامج وجدام الحياة .. تراج انتي حاطة في بالج الانطوائية والابتعاد عن الناس .. تكلمي وسولفي مع الدنيا كوني لج صداقات ترى الدنيا حلوة ولاتنسين الدعاء .. وصلة بربج .. تراه مفتاح كل نجاح .. ولاتنسينا من دعواتج الطيبة ..

هلا اختي فدوة الروح

والله حبيبتي شاسوي غصب احط في بالي هالشي كل ماحاولت اشيله ماقدر

دايما افكر بهالشي ماحب اني اكوون انسانة مملة ومنبوذة او الناس ياخذون عني فكرة

والله اني احب انخلط مع الناس بس احس هالشي مخلي بيني وبينهم حاجز

انه ماعندي مشاكل بالنطق الحمدلله

بس يمكن ماعندي ثقة بنفسي

لان كل ماتعرض لشي احس ثقتي بنسي تتلاشى اكثر والخوف ازيد عندي

راح اوقف عند المنظرة بس شقول يعني هههههههه

مو مشكلة اصير خبلة مينونة بس المهم اتغيرر

يله بحاول اسوي الي قلتوو لي عليه ادعوو لي انتوو بس

رب اشرح لي صدري ويسر لي امري واحلل عقدة من لساني يفقه قولي

حبيبتي ثقتج مابتزيد لو ماخالطتي الناس. .

صدقيني كل شي بالتدريج ..

كل ماتشوفين عمرج في المنظرة قولي انا واثقة بنفسي ..

اكتبي على شاشة الكمبيوتر انا واثقة ..

اكتبي على كتابج ..

خلي دايما هالجملة في بالج انا واثقة من نفسي ..

نصيحة اسمعي لإبراهيم الفقي ..

سلسلة النجاح والتفوق ..

وايد حلو ويزيد ثقة الواحد بنفسه ..

وربي يوفقج وييسر لج حياتج ..

هلا حبوبة
لوووووووووووووول يا حلاتج ويا حلاة سوالفج هني والله اللي يشوفج ما يقول هذي انطوائية كلللش

وزين ضحكتج يا معودة لوول

والله انا ما اقدر ازيد على كلام خواتى … والله يوفقج انشا الله