الصراحة ذي اول مشاركة لي في هالمنتدى
المهم جني وايد تحجيت قبل جم اسبوع كنت متمللة وادور شي يسليني وتذكرت منتدى عروس وفورا قررت اني انظم حق اسرة عروس الرائعة والحمدلله اني صرت احد اعظاء هالأسرة سامحوني طولت عليكم وايد …….
تاريخ 16-12-2008 يوم الملجة
راحت العروس صالون نهلة تعدلت وكانت جدا ناعمة فديتها.
في هاي اليوم الصراحة كانت الفرحة ماتنوصف يوم الملجة الكل تيمع قبل اذان المغرب ((اقصد النساء)) وبعد صلاة المغرب جمبع الريايل تيمعو واحنه الحريم متيمعين فوق حوالين العروس ننتظر يملجون خخخخخ قاعدين نتصوخ عشان نخبر العروس عاد ماكنه نسمع واضع اله يووم سمعنه صوت الرياييل يباركون اهني بده الصياح وبدينه نبارك لها والحمدلله عدى كل شي على خير وياو اهل المعرس والمعرس يه ولبسها الشبكة والدبلة والحمدلله تم كل شي على خير .
وهذي صورة للورد اللي حطت فيها الشبكة والدبلة
نيي ليوم الحنة اللي كان بتاريخ 24 -12-2008
حناج عيين يابنية حناج عيين
لي دزوج على المعرس بالج تستحين
حناج ورق يابنية حناج ورق
لين دزوج على المعرس طبج العرق
نيي ليوم الحنه اللي كان بتاريخ
يوم الحنة كان وناسة الصراحة ليت تعود هالأيام الحلوة وايد حلوة يمعت الأهل فالفرح تحسسج بالفرحة اكثر الحنة بعد كان كل شي فالبيت وكما هو متعارف عليه انه الحنة تكون بسيطة وعائلية والاكل كان شعبي ماقصرو الأهل كل واحد ساهم باللي في عمل الاطباق …..
المسرح كان بسيط من عمل العروس وابوها الله يحفظهم وهذي مقتطفات من حفلة الحنة
ومابي منكم اله انكم تدعون لها الله يوفقها ويتمم زواجها على خير ويرزقها بالذرية الصالحة
المرة اليايه ان شاء الله بانزل لكم تقرير حفلة الخطوبة …..
واتمنى انه موضوعي عجبكم واني ماثقلت عليكم واذا عجبكم آتمنى انكم تقيموني
حدي خاطري اجوف شغلكم خخ .. ع العموووم يتهنووون انشالله و الله يبارك لهم
و يكتب لهم كل خير و يرزقهم ع قد نياتهم
و الفال لش ان شاء الله
ولكل العزابية وانه منهم امييييين
مرحبا وسهلا بعروستنا اليديدة
ان شاء الله تستانسين ويانا
ومبروك زواج بنت عمتج وعقبالج
