ادعواا حق صاحبته الله يهنيها مع ريلها
اشتريت الحجم اللي يناسب ادراجي.
علبه فيها المشابيص و المشط و الكليبات الصغيره الملونه الكيوت.
و العلبه الثانيه حطيت داخلها علبه مقسمه حق الميك و الارواج (العلبه من محل اكسبريشن التابع لمحلات سفير)
و فيها باقي الميك أب و علب الميك اب الكبيره
،
،
كان فيها غراش عطور عربيه و انا زدت عليها قواطي الدخون و المندوس الصغيروني حاطه فيه عود الرصاصي(من خالتيه الله يحفظها). طبعا عندي مندوس عووود فيه كل العطور العربيه بس حاطتنه في زاوية الحجره و من فتره لفتره ابدل العطور اللي في الصينيه عسب اغير. (لازم الحرمه اتغير صح؟
اكيد صح )
من ايكيا
وايد استفدت في هالنقطه بلا عوار راس كل يوم افكر شو بلبس صح.
،
،
،
،
،
،
،
،
،
يتبع الرجاء عدم الرد
حمامي ستايله مال اول هههه بس اضفت عليه إضافات (انا احب الحمامات الحديثه "المودرن" شرات مال ايكيا)
سرت ايكيا و اشتريت منهم كبتات (5 قطع و ب 300 و شي درهم!! ما شاء الله وايد زين سعره و نوعيته لا باس فيها بس تفي بالغرض حاليا و هي من الخشب المضغوط/نشاره)
ماعتقد تحتاجون شرح صح خخخخخخ. همممممممم
،
،
،
صوره مقربه من رف الكريمات و غسول الويه الخ
،
،
،
و لزوم الكشخه منظره (مرايه مكبره) جهة تكبر و جهة منظره عاديه من "إيكيا"
و تحت المغسله حطيت كبت من طقم كبتات ايكيا و خصصته لتخزين عدة التنظيف + سطل صغير+ صابون الغسيل + القفازات + صابون اليد + اكياس الزباله + جرايد للزجاج الخ.
و طريقتي في التنظيف:
التحضير:
– ألبس قفاز (لازم اتحافظون على ايديكم الحلويين)
– اييب بخاخ ايزي اوف بام و ارشه على البقع الكلسيه و البانيو من داخل و المغسله و الجبس اللي بين السيراميك و اخليه دقايق.
– اييب مستحظر هاربيك و اصبه في المرحاض *عزكم الله* و اخليه ربع ساعه.
– اترس السطل ماي حار + ديتول العادي + طشووونه من داوني (عسب الرييحه).
التنفيذ:
– باستخدام الاسفنجه امسح مستحضر ايزي اوف بام من الاماكن اللي رشيت عليها و ادعك بقوه و بعض الاماكن استخدم فرشاه للدعك.
– اييب فرشاة المرحاض و ادعك مستحظر هاربيك و بعدين اشطف (فلااااااش شششش)
– السطل اللي فيه الماي ارشه عالارضيه و ابدا بالتفريش بالفرشاه و الشطف.
– انشف الماي لاني ماحب بقع الماي يوم تنشف.
– و اخييييرا ابخ معطر للجو (اختياري خخخ)
نكمل باقي الصور
،
،
،
عند الشاور هيد علقت علاقات ضد الماي عسب اعلق الشاور جل مالي و الاسفنجه + اسفنجه ريلي + فرشاة الظهر.
،
،
،
في زاوية البانيو علقت ارفف من ايكيا رف لي و رف لريلي. و علقت بعد حبل الملابس مثل مال الفنادق. عسب يوم اغسل الاندروير مالي انشره عند الدريشه و ينشف بسرعه من حرارة الجو.
،
،
،
ورا باب الحمام حطيت كبتين و خزنت داخلهن كريماتي و الفوط الصحيه و قطن الويه و الصوابين الخ.
رف الفوط خذته من ايكيا و علقت عليه رف الثياب خذته من كارفور و مخزنه فيه الكلينيكس + ورق الحمام + فوط الوجه + علبتين سود من ايكيا فيها بعض ادوات العنايه الشخصيه لي و لريلي (قصاصه الاظافر + المقصات + عده الحلاقه و الواكس الخ)
[COLOR=#ff00ff]و سله الغسيل من هوم سنتر
و طريقتي في غسل الاندروير (اغسلهم بروحي مب زين تعطون الخدامات)
عندي طشت صغير
– احط فيه ماي حار + ديتول الاخضر + تايد اللي بريحة داوني
و انقعهم لمده ساعه.
– بعدين البس القفاز و افرك (مع انه ما يحتاجون فرك)
– و بعدين اشطف الماي و اغسلهم من الصابون و اترس الطشت ماي حار مره ثانيه (شطفه أخيره)
– و اضيف داوني + مسك العروس او مسك روز او مسك ارزة لبنان (المتوفر عندي)
– و اخليهم ربع ساعه
– بعدين اشطفهم و اعصرهم و اعلقهن ع حبل الغسيل اللي عندي في الحمام. (في الصوره اللي فوق)
و فكره حلوه بعد >>> يوم الثياب رطبه و معلقه ع الحبل حطي تحتهم دخون عسب تمسك فيهن الريحه لو تبين (
)
ملااااااحظه: غسلو الاندروير يوم رياييلكم في الدوام مب حلوه يشوف الاندروير معلق في الحمام (منظر غير حضاري خخخخخ)
غسلوهم الصبح و لين الظهر بينشفون من حرارة الجو ان شاء الله
و بس….
ان شاء الله يكون موضوعي عيبكم :13 (21):
[SIZE=4][COLOR=#ff00ff]ادري انها مب افكار يديده بس حبيت اشارك بشي يمكن في بنات ولا عرايس يداد يستفيدون مني (احم احم)
خلاص خلصت
اتمنى يعجبكم الموضوع
منقووول لعيونكم
اختكم
أحلام صغيرة
ما شاء الله تبارك الله
شاطرة
ربة بييييت سنعة
ربي يهنيج الغالية ويوفقج في حياتك الزوجية ويرزقج الذرية الصالحة
وجزاكم الله من عظيم إحسانه
ماشاء الله علييييج مرتبه وأفكارج روووووعه تسلمين يالغاليه وصح كلامج الافضل أن الوحده من يوم اتعرس تنظف غرفتها بروحها مب حلوه اتخلي البشاره اتسوي كل شي أنا عن نفسي بروحي انظف غرفتي وحمامي بس البشكاره تغسلي ملابسي
وتسلميييييييين
:clap::clap::clap:
ما تصدقين قد ايش نفعني موضوعك الحلو يا عسل
عن جد فيه كم حاجة دخلت مزااااااااجي
لك ودي وتقديري
ترتيب على الاخر
الله يعطيكي العافيه
والله روعه
وانت ست بيت بختملك بالعشره
وهذا باين من طريقة تنظيفك
وكل شي عندك مميز و(حضاري)
وشغلات ايكيا كثير عمليه والوحده تحتاجها "بحكم المكان الصغير"
يعني تساعد على التنظيم …
اتمنى لك حياه سعيده نظيفه دائما بكنف زوجك…
الله يحفظك ويحميكي من العين ويرزقك الذريه الصالحه
اااااامين
 |
اقتباس |  |
 |
المشاركة الأساسية كتبها الطيبة  |
 |
 |
| ما شاء الله تبارك الله
شاطرة ربة بييييت سنعة ربي يهنيج الغالية ويوفقج في حياتك الزوجية ويرزقج الذرية الصالحة |
||
 |
 |
شاكره لج مرورج
بس هاي مب شغلي وترتيبي خخخ
هاي موضوع نقلته لكم وانا طبقت منه كم فكرة
شاكره لج دعوتج الطيبه
الله يهنيك ويسعدك