المقادير :
-3 ونصف اكواب طحين ابيض جميع الاستعمالات (الكويتي الفاخر)
-نصف فنجان قهوة (سكر)
-فنجان قهوة (حليب) وبالصورة كوب حليب انا مااستخدمته كله بس فنجان قهوة والباقي خذيت منه مقدار وحطيته مع بيضة مخفوقة عشان امسح فيه الكرواسون
كوب ماء دافئ
ملعقة طعام خميرة فورية
ملعقة صغيرة ملح او اكثر حسب ذوقج
زبدة
الحشو : جبن كيري
وتغطية الكرواسون :مثل ماقلت فوق شوية حليب من اللي بقى مع بيضة مخفوقة + سمسم
الطريقة :
1- نحط الخميرة والسكر في كوب الماي ونغطية ونخليه تقريبا 10 دقائق لحد ماترتفع الخميرة وذي الخطوة مهمه عشان نتاكد من صلاحية الخميرة
فاذا ارتفعت معناته الخميرة تمام وصالحه واذا لا معناته لاتحطيها واستبدليها بوحدة جديده
2- نحط الملح مع الطحين ونحطه في العجانه ونصب علية الحليب والماء الدافئ بالخميرة ونعجن على سرعه بطيئة وبعدين نسرع
ولازم نعجن العجينه قرابة 10 دقائق وبعدها نطلع العجينه ونعجن بيدنا شوي ونتركها ترتاح شوي
3-والحين نجي للزبدة وناخذ قالب زبدة 100 غرام اي اصبع واحد ونقسمه الى اربع اقسام ونحطه بين ورقتين زبدة ونفرده عشان يكون مسطح ولازم الزبدة تكون باردة مو سائلة
بعد ماتنفرد الزبدة ندخلها الفريرز على طول عشان لاتسيح ونتركها لحد مانحتاجها
4- نجيب الحين العجينة ونفردها بالطول وهنا مانحتاج نرش طحين تحتها بس انا حطيت احتياط
ومباشرة نجيب الزبدة المفروده ونحطها على نصف العجينة بهالشكل
5- الحين ننتبة زين عشان يضبط عندنا الكرواسون الفرنسي ويصير طبقات ومقرمش يعتمد على طريقة الطوي للعجنية
ناخذ الطرف اللي حطينا عليها الزبدة ونطويها بهالشكل
وبعدها نطوي الطرف اللي ماحطينا عليه زبده فوق الطية الاولى
ونفردها بالنشابة بالطول بهالطريقة :
بعدين نطوي الاطراف بهالطريقة
والطرفين نطويهم على بعض
ونفرد بالنشابة شوي شوي ونغطيها وندخلها الثلاجه من فوق ترتاح وتتخمر بهدوء وبنفس الوقت عشان الزبدة لاتطلع وتسيح من عندنا وتخترب العجينة
المفروض تخلينها ليوم ثاني احسن بس انا خليتها 20 دقيقة بس وطلعتها وقعدت اشتغل عليها شوفوا كيف انتفخت
ولما طلعتها فردتها وقطعتها نصفين ودخلت نصف الثلاجه وتقدري تحتفظي فيه وتستخدميه اي وقت
شوفوا الطبقات كيف
الرجاء عدم الرد حتى اكتمال الموضوع 😮
6- نفرد العجينة بالطول ونقطعها مثلثات طويله بهالشكل
نحشي الطرف العريض من المثلث بالجبن ونلفها من الطرف العريض
بعدها نصفهم في صينية مدهونة او نحط تحتهم ورق زبدة ونسمحهم بالبيض والحليب المخفوق ونرش فوقهم سمسم
صورة اوضح
وندخلهم الفرن وتكون الصينية بالرف الوسطي على نار متوسطه ونشغل الفرن من تحت لمدة نصف 20 الى 25 دقيقة وبعدها نشغل النار من فوق بس يتحمروا ونطلعهم
صورة اوضح
ومن جوه طبقات ومقرمش وطعم الجبن يمي يمي
انتهى الشرح ويارب يكون يعجبكم
تسلمي ياعسولة ويعطيك العافية يارب
واحلى تقييم لعيونك
 |
اقتباس |  |
 |
المشاركة الأساسية كتبها منار الروووح  |
 |
 |
| يسلموااااااا | ||
 |
 |
الله يسلمك
تشكري اختي والف شكر لتواجدك
|
اقتباس | |
|
المشاركة الأساسية كتبها مها عبدو |
|
|
| روعة حبيبتي وفعلا ناجحة معاك مليون بالمية
تسلمي ياعسولة ويعطيك العافية يارب واحلى تقييم لعيونك |
||
|
|
تسلمي اختي مها على تواجدك وتقييمك
ماننحرم يارب منك
كل يوم والتاني تبهرينا بوصفاتك الرائعة
والكروسان وياك أحلى كروسان
الله يحفظك يارب
|
اقتباس | |
|
المشاركة الأساسية كتبها paly |
|
|
| ماشاء الله عليك ياسكره كل يوم والتاني تبهرينا بوصفاتك الرائعة والكروسان وياك أحلى كروسان الله يحفظك يارب |
||
|
|
تسلمي اختي
وشاكرة لج تشجيعك وتقديرك 😮
ماننحرم يارب منك
ماشاء الله عليك
تسلمي يارب
وتستاهلي احلى تقييم
((اسيره الغربه )) سابقا
ما شاء الله عليكِ
والله يعطيكِ العافية