إزيكم يا قمرات؟
من أيام ما كنت بنت وأنا طلعتلى فى الفخد من فوق خط أحمر صغير متعرج مكنتش أعرف دة إيه؟ وكان مضايقنى أوى وبعد الزواج والحمل العرق بقى شرايين وكل رجولى إتملوا بيه
وبكل الألوان أزرق وأحمر وبنفسجى
وفى الحمل كتبتلى الدكتورة دافلون لعلاج حاجة جاتلى فى الحمل 
وكان مكتوب فيه إنه بيوسع الشرايين ولاحظت مع إستعمالة إن الشعيرات خفت خالص وقربت تختفى بس بعد ما وقفته رجعت كل حاجة زى الأول:047:
وبعدين بعد الولادة كنت بدهن جسمى بخل التفاح وزيت الزيتون عشان يشد الجسم
لاحظت بعدها إنه خف تانى خالص وكأنة بيتعالج وكنت بلاحظ كل يوم الفرق
وكنت قريت على النت إن دهن الشعيرات بخل التفاح بيعالجها
فستمريت فترة وفرحت أوى
وبرررررررررررررررررررردة أول ما وقفت رجعت تانى الشعيرات زى ما كانت :066:
فضلت أدور فى جوجل لقيت كل التجارب بتقول إنها رجعت ما عادا إللى إستخدموا الدافلون ومش بيوقفوه
والدكاترة كاتبين إن الحل الوحيد لزوالها نهائى هو عملية الليزر
شرط إن اللى تعملها تكون مش ناوية تحمل تانى عشان مترجعش الشعيرات للظهور
إكتأبت وقررت أشرب دافلون مدى الحياه
ورحت الصيدلية لقيت بنت لذيذة أوى سألتها هوة الدافلون ليه أثار جانبية؟
إستغربت أوى
حكيتلها موضوعى
قالتلى بلاش دافلون لو حتاخديه لفترة طويلة ووصفتلى دوا تانى بقالى 5 أيام باخدة وحاسة بتطور حلو الحمدلله
الدوا إسمة روتين سى RUTIN C
ودى صورتة
مكتوب على العلبة
لعلاج ضعف الشعيرات الدموية
وسعرة رخيص جدا ب 3.75 جنيه
الدكتورة قالتلى ملوش أى أعراض جانبية ويتاخد مرتين فى اليوم
ومكتوب فى الروشتة:
تحتوى كبسولات روتين سى على مادتى روتين وفيتامين ج فى تركيبة متوازنة تعمل بطريقة فعالة ومتكاملة للحفاظ على سلامة الشعيرات الدموية وتقوية جدارها مما يؤدى إلى زيادة سريان الدم اللازم لتغذية الأنسجة
ويقوم روتين سى كذلك بتقليل النفاذية الزائدة للشعيرات الدموية وزوال التورم الناتج عن ذلك
كما يحمى جدار الخلايا من أضرار العوامل المؤكسدة حيث أن كلا من روتين وفيتامين ج ذو تأثير قوى ضد الأكسدة وهذه الخواص مجتمعة تجعل روتين سى مستحضرا متميزا للحفاظ على سلامة جدار الشعيرات الدموية وخصوصا فى الحالات التى تضعف فيها هذه الشعيرات وتزداد نفاذيتها
يا رب أكون أفدتكم 
والدوا طبعا متوفر فى مصر
أما فى الدول التانية إللى متلاقيهوش تسأل الصيدليه على بديل ليه وتدل باقى البنات
وربنا يرزقنا الصحة والرضا أمين يا رب
طيب ماترجع الشعيرات الدمويه اذا توقفت عن هذا الدواء
بس دة أحسن علاج مؤقت لأنه بدون أثار جانبية
وأفضل من تعب الخلطات
لحد ما إن شاءالله نستكفى من الخلفة ونعمل الليزر
وربنا يكرمنا يا رب
شكرا لمرورك يا دولتشى
 |
اقتباس |  |
 |
المشاركة الأساسية كتبها أم نجود الأحساء  |
 |
 |
| ميرسي ياعسل | ||
 |
 |
أم نجود يا حلوة
مرتين فى يوم واحد 
دة كتير عليا أوى
منورة يا قمر
|
اقتباس | |
|
المشاركة الأساسية كتبها لينووو |
|
|
| الله يجزاك خير ويرزقك الذريه الصالحه وانتي في اتم الصحه والعافيه | ||
|
|
جازاكى إنتى الله خيرا على الدعوة الحلوة
والله أدخلتى السرور إلى قلبى وأنا كنت متضاية أوى
نورتينى يا قمر
نورتى الموضوع والله