ولدي صغير وانا حامل وخايفه من هالتجربه!

انا يابنات عندي ولد الله يخليه عمره سنة الا ثلاث اسابيع ..

وانا الحين حامل في بداية الشهر الثاني ..

والحمدلله رب العالمين على هالنعمه ..

ومااكذب عليكم انا كنت حابه احمل واجيبهم ورى بعض ..

لان انا صار لي فتره طويله متزوجه واتأخر عندي الحمل ..

بس الحين ولله الحمد .. رجعت الامور طبيعيه بفضل رب العالمين ..

بس

بس

اول ماعرف اني حامل

خفت

وارتعبت

حسيت ان المسؤووليه كبيره علي

واني ظلمت ولدي

لانه بعده محتاج لي ..

وانا ماعندي خدامه .. ولا اعتمد على الخدم في شي ..

فضغط الشغل والبيت والنونو .. كله على راسي

خايفه افشل

خايفه اقصر مع ولدي .. ومع زوجي ..

ولدي بعده يحاول يمشي .. يعني يوقف ويمسك اي شي ويمشي .. بس بعده مايتوازن ..

وماياكل عدل ..

وانا اهتمامي كله منصب عليه ..

واحيانا انسى اني حامل !!!

فياريت اللي مرت بنفس تجربتي

تقولي ..

هل الامور فعلا بتكون صعبه مثل ما انا متخيلتها ..

هل ولدي بينظلم في شهوري الاخيره للحمل .. وبعد ولادتي ..؟

هل فعلا محتاجه ان تكون عندي خدامه تشيل عني هم البيت على الاقل ..

وانا اتفرغ لزوجي وعيالي ونفسي ..؟

ودي استفيد من خبراتكم يا امهات

انا لحد الحين مو مستوعبه التجربه اللي بمر فيها !!

الحمد لله رب العالمين هذي نعمة من رب العالمين

وخصوصا انش تقولين اتاخرتين بحملش الاول فحلو اجيبنهم ورى بعض

اني حملت ببنتي الثانية وكنت في الجامعة وكان عندي بنتي الكبيرة عمرها تسعة شهور!!

وقلت بريح بس الله كتب لي بحمل ثالث وكانت بنتي عمرها اربعة شسهور

يعني تخيلي لما جبت الثالث كانوا بناتي وحدة عمرها سنة والثانية سنتين ونص!!

بيت اهلي موقريب مني،، وساكنة في شقة بروحي

صح تعبت بس الحمد لله الله عطاني الصحة ولعافية وتحملتهم

والحين ماشاء الله اشوفهم يلعبون مع بعض ربي يخليهم ويحفظهم وواجد استانس عليهم

والله يعطي الواحد على قدر استطاعته

وان شاء الله انتي قدها وقدود

والله بكرة بتشوفينهم يلعبون مع بعض تحت عيونش وبتستانسي عليهم

الله يخلي لش البطل وثبت حملش يارب