اخواتي عضوات المنتدى اتمنى انكم تقدرو تساعدوني
والله انا ماطلبت مساعدتكم إلا بعد مافقدت الامل
انا بشرتي عاديه تميل للدهنيه صحيح تطلعلي من وقت لوقت حبوب صغيره و تروح
بس المره هذي والله ما اكذب عليكم قب في وجهي حبوب بشكل مو طبيعي بس في منطقة الخدين اقصد على كامل الخد من اليمين و اليسار و كل وحده اكبر من الثانيه و ملتهبه و مررررررررره حمره و بعضها لها راس ابيض و بعضها مالها راس بس حمره و شكلها مرررررره مقززززز :pain: :pain:
انا مو قادره استحمل شكلي و الله تعبت و لا اطلع من البيت و نفسيتي صارت مررررررره تعبانه طبعا غير انه العيد جاي وانا كذا 😥
والمشكله الكبيره هي اني توي مخطوبه واهله عازمينا اليومين هذي عندهم ولا اقدر اعتذر وطبعا ما اقدر اروح وانا كذا :cry::cry::cry::cry::cry:
والله مافي شي ما استخدمته على وجهي و بالعكس كل يوم اشوفها تزيد اكثر من قبل:confused::confused::confused:.
يابنات الى عندها حل ياليت تقولي او حتى تعرف السبب لاني مو عارفه ايش سببها
وكمان ما ادري اذا حطيت عليها مكياج (طبعا اذا رحت العزيمه) ممكن اخفيها بالمكياج ولا لا بس اخاف المكياج يضر اكثر اذا حطيته على الحبوب :pain:
اتمنى الى تشوف موضوعي ترد عليه ولا تخيبو أملي فيكم
😥
😥
😥
😥
نصيحتي الاولى انج تروحين لطبيب جلدي لأن مب كل طريقه في علاج البشره مع اي بنت بتفيدنج البشرات تختلف
وانتي ذكرتي ان بشرتج تميل للبشره الدهنيه بس هي مش دهنيه وانها تطلع لج حبوب من فتره لين فتره
وانا نفسج بالضبط لكن لا تنسين ان مب شرط الطريقه هاذي تنفعج مثل ما حلت مشكلتي نهائيا مع حب الشباب والبقع البنيه
انا قبل كنت اعاني من حب الشباب بس مب بشكل فضيع لكن اللي مب حلو ان الحبوب تروح لكن تترك اثر وهي البقع
طريقتي
كل يوم انظف بشرتي بصابونة( اللايف بوي ) او صابونة( الطاووس )
لاتستخدمين نيتروجينا ابدا لأنها سببت لي حساسيه وعقدتني
لمدة اسبوعين قبل النوم كنت استخدم كريم اسمه (رتن A ) واحطه عالحبوب والبقع
وبعدها ويهي قام يتقشر طبعا هالشي لاحظته من رابع يوم او خامس يوم لكن كنت استمر
بعد ما الاحظ ان ويهي بدا يصير جاف ومتقشر وايد كنت اقطع الكريم لمده يومين بدون ما احط اي مرطب على ويهي
وارجع استخدمه بعد هاليومين
والحمده الله الحين البقع راحت ولا لها اثر
لكن انا خايفه اقولج استخدمي هاي الطريقه لأنج ذكرتي ان الحبوب ملتهبه وحمرا
فانصحج بمراجعه طبيب جلدي
والله ما قصرتي بس انا استخدمت رتن A ويمكن لي الحين اسبوع و انا احطه على الحبوب ولا في فايده اشوفها ما تخف بالعكس
وانا الحين استخدم صابون ديتول عشان تعقم اكثر بس ……………………..:cry:
طيب المشكله الحين كيف اقابل الناس كيف احط مكياج بالاخص العزيمه ما ادري ايش اسوي
انا اسفه بس والله نفسيتي مرررره تعبانه
ما أزيد على كلام أخواتي شئ
بس لازم تعرضي بشرتك لطبيب جلدية ممتاز
لأن يمكن تستخدمي اي حاجة بعديت يقب وجهك
وشكرا
عورتي قلبي
بس عندي نصيحه يمكن تفيد
المكياج اذا جى عالحبوب ممكن يزيدها صح؟
صديقتي وبنت عمها يستخدمون طريقه وانا جربتها مره
وهي انج تدهنين وجهج بشوية فازلين وبعدين تحطين البودره
منها ان البودره ماتجي دايركت عالوجه
ومنها تخفين الحبوب
بس جربيها قبل وشوفي تنفع معاج ولالا
دلوعه قطريه
مشكورين حبيباتي على ردكم
اختي دلوعه قطريه بأجربها و ان شاء الله تنفع معاي 🙁
وقولي لها توصف لج مضاد حيوي اسمه ((زيناريت))
وااااااايد زين حق الحبوب ويخفف منها وااايد
بس الصيدلية مايعطونج اياه الا بوصفة طبيه
ان شاء الله بيساعدج
واهم شي لا تتوترين
لان انا بعض الاحيان اذا توترت تطلع لي حبوب من التفكير والله الحالة النفسية تأثر على بشرتج
جربي الدوا اللي قلت لج عنه ((بس بوصفة طبيبة)) وان شاء الله خير
عزيزتي الحبوب تختلف و كذلك كل بشرة تختلف عن الثانية
احذري من استخدام الرتن A بدون وصفة طبيب ولازم تتابعين معاه كذلك
اما لو استخدمتيه من نفسج ممكن يسبب لج مشاكل اكبر
نصيحه اختي العزيزه تتعالجين عند طبيب جلدي و تتابعين معاه
المكياج ممكن يكون حل مؤقت للعزيمه ،، لكن لا تعتمدين عليه اعتماد كامل
لأن كثرة استخدام المكياج راح تلوث الحبوب و تسبب لج مشاكل اكبر
مشكوره حبيبتي
Marshmallows
يعطيك العافيه حبيبتي و الله يبارك فيكي
والله كلكم ماقصرتو معاي و لا خيبتو املى فيكم الله يعطيكم العافيه 
وانا الى صبرني و خفف من توتري هو وقفتكم معايه و حسيت انه في احد حاس فيني :shy:
اما بالنسبه للعزيمه صارت عندنا في البيت و الحمد الله كانت نفسيتي مرتاحه و هذا اهم شي و كله بفضل الله ثم فضلكم معايه
ولا حطيت مكياج ولا شي خليت شكلي على طبيعتي لانه انا مو اول وحده و لا اخر وحده يصير معاها هذا الشي
والحمد الله الحبوب الحين احس انها جفت و خفت كمان
انا اسفه لاني طولت عليكم بس والله من فرحتي فيكم