شخباركم ؟؟
سويت مكياج اليوم والنتيجه عجبتني وايد ،، عشان جذي قلت انزله لكم ..
المكياج كان قوي لكن خطواته سهله وايد وايد :gum:
بسم الله نبدي
7
7
7
7
ننظف البشره ونحضرها بالمرطب او البيس وكل وحده بطريقتها واللي تحتاجه بشرتها ..
بديت بترطيب الشفايف ،، عشان يطلع عليهم الروج او القلوس احلى
استخدمت الكيك فاونديشن ،، السمر كيك و الـ BN
اللي تحب تشوف طريقتي لأستخدام هالفاونديشن تشوف هذا الموضوع
واللي بتقول لي ان السمر كيك او الكيك فاونديشن يدمر البشره ويخربها ،، ياريت تشوف موضوعي ،، لأني حذرت فيه مليون مره عن الاستخدام المتكرر لهذه الطريقه ونكتفي فيها فقط للمناسبات.
وفوقه وزعت البودره الحره الشفافه من ماكس فاكتور بفرشاة ماك 187،، و وزعت اكثر من هالبودره تحت الجفن ،، عشان تلقط اي شادو يتنثر وهالخطوه مهمه جداً في هاللوك لأن اغلب الشادوات اللي استخدمتهم باودر و يتنثرون وايد
السموحه نسيت اصور هالخطوه..
مشطت الحواجب وظللتهم :shy:
على عظمة الحاجب ،، وزعت من الشادو القلم باللون الابيض اللؤلؤي
وفوقه وزعت الستار باودر
واثنينهم من ميك آب فور ايفر
ركزوا في هالخطوه اوكي
جبت باليت الشادو من Nebo
واخترت منها هاللونين
حطيت اللون اللي على اليمين تحت الاضاءه وتحته حطيت اللون اللي على اليسار
ودمجتهم مع بعض على كبر الجفن الثابت
:angry: اكيد قلتوا شنو هالحوسه صح ؟
شوفوا هني دمجت اللونين على يدي عشان تعرفون النتيجه :shy:
الكحل الكريمي الاسود من ماك وزعته بفرشاة ماك 219
على كامل الجفن المتحرك ومديته و وزعته للقوس الفاصل بين الجفن الثابت و المتحرك ومديته على الجفن السفلي
الحين شغلنا في الشادو راح يكون كله فوق الكحل الكريمي اوكي
7
7
7
على القوس الفاصل وزعت هالشادو من sephora رقمه 773 من كولكشن sephora artest
و موهته و وزعته لفوق وتحت شوي ،، يعني لا تخلونه بدون توزيع و تمويه شكله ما بيطلع حلو بالمره ،، و وزعت منه بعد بنفس الفرشاه على الجفن السفلي فوق الكحل الكريمي اللي حطيناه قبل
بفرشاة الدمج من ماك 224 وزعت الـ pigment بدرجة blue brown على الجفن المتحرك و وزعته ودخلته شوي لين اللون السابق ..
رسمت عيني من فوق بالآيلانر البني من بدي شوب
ومن داخل كحلتها بالقلم البني من روشا
عقصت رموشي بالـ Eyelash Curler
وبعدين حطيت ماسكارتي الحلوه من ايف سان لوران
قبل ما نروح للبلاشر و القلوس
اذا وحده ماقدرت تفهم الشرح او تتخيله ،، او كلامي كان مب واضح
حبيت استعين بهذي الرسمه و اوضح فيها بعض الشغلات اللي ممكن تكون مو مفهومه
حطيت بلاشر بلون وردي فاتح
حددت شفايفي بمحدد وردي فاتح و قلوس البدي شوب الوردي وفيه لمعه جليتر خفيفه وحلوه
اتمنى ان اللوك عجبكم ،، والشرح كان ممتع و واضح
واللي حابه تستفسر عن اي نقطه ،، شي يسعدني اني اجاوب عليها
قبل ماروح ،، يمكن تشوفون الألوان وايد و بتكون النتيجه مب حلوه ،، لكن صدقوني الدمج يلعب دور كبير ومهم ،، و هالطريقه ممكن ماتناسب اللي مساحة الجفن عندهم محدوده و صغيره .. بيكون احلى للي جفنها واسع وفيه مساحه ممكن تبدع اكثر
(f)
تحياتي
الحمدلله ان اللوك عجبج ،، والشرح كان واضح
يالله عاد جربيه و قولي لي عن النتيجه
تسلمين اختي
وماقصرتي
شرح كافي ووافي
الف شكر حبيبتي ومن ذوقج
تقرب الصورة وتسلمي ..
الشرح كان واضح.. وسهل…
ما شاء الله عليش…….مبدعه :clap: :clap: :clap:
ننتظر جديدك
تحياتي…… :shy:
بارك الله فيك
على هالموضوع الرائع
تسلم ايدك …