[[ آآآخر لوكاتي ,, و سر اللون الأحمر ]] حياكم مع دوحانية 2024.

عاد قررت اليوم أحطه و اللي فيها فيها :angry:

..

اللوك هذا مسويته من شهر تقريبا .. و كنت حاضرة عرس .. سويته قريب من هالمكياج :

و بصراحة أول مرة أطبقه .. و الحمد لله طلع وايد حلو في نفس الوقت تغيير ..

* الشكر موصول للأخت رومانسية على الصورة و تسمح لي لأني خذتها من موضوعها
..

نجي لسر اللون الأحمر ,,,

السر يقول ياطويلات العمر إن نفس اللون من نفس الباليته استخدمته 3 مرات :

كـ شادو / كـ بلاشر / كـ روج <<< حلفي بس :qaq:

:gum:

,
,
,

مرحلة الترطيب :

اسمحوا لي ما صورت هالخطوة ..

عموماً هاذي هي الخطوات :

1- استخدام غسول البشرة اليومي .

2- استخدام السكراب .

3- استخدام الماسك .

..

مرحلة الأساس :

1- نبداها مع بيس كرايولان .. وهو مثل الـMilk يرطب البشرة ..

2- وزعت كريم الأساس السائل من كانيبو – soft beige 202 على الوجه و الرقبة

3- حطيت من الألترا فاونديشن من كرايولان على البثور و الهالات ( أستخدمته بدل الكونسيلر )

4- وزعت بعدها البودرة المضغوطة من كانيبو – natural beige 203 و ماننسى الرقبة أكيد ..

5- رشيت من الـfix من ميك آب فور ايفر و خليته لحد ماينشف ..

..

وزعت بودرة الإضاءة من ريفلون – natural light 01 بفرشاة ماك المروحة رقمها 207 ..

..

مكياج العين

اول شي وزعت اللون اللي اسمه iced gold ( على اليمين ) تحت الحاجب .. من بن ناي ..

بعدين وزعت اللون الذهبي ( على اليسار ) على كامل الجفن .. من بن ناي بعد ..

ملاحظة : اللون الذهبي افتح بشوي من اللي في الصورة ..

نجي للون الأحمر

اللون اللي استخدمته : solied red من بن ناي ..

بديت به من نهاية الجفن المتحرك إلى المنتصف .. بعدين حطيت منه على عظمة الجفن و كأني

ارسم قوس ( نفس ما اللون الأحمر متوزع في مكياج حليمة ) ..

نجي للعين من تحت .. وزعت نفس اللون و بفرشاة أدق شوية من المنتصف للخارج و انا مطلعته على

فوق يعني لحد ما يلتقي باللون اللي فوق ( وضحت الصورة ؟ ) ..

بعدين وزعت بطريقة الطبطبة اللون الرمادي الغامق من كرايولان .. على زاوية العين الخارجية

على اللون الأحمر و رديت وزعته على عظمة الجفن ( مثل الصورة ) ..

بنفس الطريقة وزعت اللون تحت ..

يعني الحين صار عندنا على الجفن 4 ألوان : الفاتح تحت الحاجب / الأحمر / الرمادي الغامق /

الذهبي على الجفن المتحرك ..

و العين من تحت عندنا : رمادي غامق / أحمر ..

حلو ؟

نكمل

بعد مارتبت الألوان و وزعتها عدل مدل .. عندنا الحين خطوة تحديد العين و إضافة اللون الأسود

خذت الكيك لاينر من بن ناي EL-1 black و بفرشاة ماك المشطوفة 266 .. رسمت خط ضعيييف

جداً و بمحاذاة الرموش و عرضته في النهاية ( لما وصلت للون الرمادي ) ..

و العين من تحت بديت من نص العين الى نهايتها .. بعدين موهت اللاينر عند النهاية و مديته لحد

ماوصلت اللاينر اللي فوق .. ( باستخدام اول فرشاتين من اليميمن )

بعدين خذت كحل ماك المائي و حددت فيه زاوية العين الداخلية ..

أخيرا : نحدد العين من داخل بكحل ديور القلم ..

و بجذي خلصت من مكياج العين ..

نجي للحواجب :

مشطتها بالفرشاة الخاصة

و هني عندي طريقتين : يا ابلها بماي و امشط بها أو أخليها جافة ..

حطيت عليها من ماسكرا البودي شوب الشفافة عشان تعطي لمعة و تثبت الشعرات ..

و ببودرة red earth البنية للحواجب املي الفراغات إذا إحتجت إني أمليها .. ( اسمحوا لي ما صورت

البودرة )

ملاحظة : قبل خطوة تعديل الحواجب .. عدلت في اللون اللي تحت الحاجب و زدته بالطبطبة ..

..

بعد ما خلصت مكياج العين .. مررت الفرشاة المروحة تحت العين عشان اشيل اللي تناثر من الشادو

و رجعت عدلت البودرة ..و تأكدت من الأساس إنه موزع عدل مدل و بشكل حلو .. :shy:

..

البلاشر

بفرشاة كبيرة وزعت اللونين :

الأحمر ( اللي استخدمته للشادو ) و هذا ثاني مرة استخدمه في مكياجي :shy:

و حطيت فوقه بلاشر برونزي عشان اخفف من حدة الأحمر : Terra cotta من ساموا ..

..

الشفايف

في البداية حطيت على شفايفي من بودرة كانيبو بالأسفنجة عشان أثبت الروج ..

1- حددت الشفايف بالمحدد الأحمر من ريميل و فوقه محدد كلارنس ( الأبيض ) لونه بني محمر ..

ومزجت اللونين بفرشاة محدد من مكياجي ..

2- باسفنجة الظل و هي جافة .. وزعت اللون الأحمر ( ثالث مرة استخدمه ) من بن ناي ..

بعدين بللتها و حطيت من نفس اللون كطبقة ثانية .. و هني صار اللون أقوى ..

رجعت أضبط المحدد بس بمحدد ريميل هالمرة ..

3- حطيت من الغلوس الأحمر من باليتة مكياجي ..

..

الماسكرا

حطيت اول شي من الماسكرا الشفافة ..

بعدين حطيت ماسكرا ماكس فاكتور ( مور لاشز ) <<< ما استغني عنها :clap:

..

لمساتي الأخيرة :

1- بإسفنجة الظل حطيت من البودرة اللؤلؤية الكريمية من شانيل ruban perle – moon light

على عظمة الأنف ( الخشم بالقطري ) خخخخخخ

2- حطيت فوقها بفرشاة ثانية من نيبو من اللون البيج على ذهبي طافي من جست جولد ..

3- بفرشاة البلاشر من نيبو حطيت على جوانب الخشم من اللون الذهبي على بني فاتح ..

4- بفرشاة مروحية ههههه كبيرة وزعت من بودرة كاراجا البرونزية على الجبهة و الذقن

..

المناكير

ذهبية من ماركس اند سبنسر ( ما صورتها لأنها ما كانت عندي يوم التصوير )

.
.

أخيراً خلصت ..

للأمانة : الشرح صج طويل بس لازم أقول لكم بالتفصيل الممل كل خطوة (f) لكن التنفيذ سهل جداً ..

.
.

إن شاء الله يعجبكم