الــــــــــسلام عليــــــــــــــــكم
كيفكن صبايا؟
اليوم حبيت احطلكم شئ عجيب هههههه
smoky eyes
والعجيب فيه انه:
*سهل وااايد
*ما ياخذ وقت (صدقووني دقيقه بس أو أقل!)
*النتيجه روعه! اقولكم ليش بعدين
نبدأ…
< الاخت وايد متحمسه
الاشياء اللي استخدمتها
قلم جحال اسسسود
فرشاه للدمج
ايشادو اسود (أو اي لون اتحبينه للسموكي مثل الرمادي أو البني المحمر…)
والمحول العجيب لول.. ما اعرف شو يسمونه بس يحول الايشادو البودره الي قوام سائل على كريمي
وفي ماركات وايد يبيعونه (مثل ميك اب فور ايفر, ماك,…)
انا اللي عندي من انجلوت وسعره 35 درهم.. ولين احين حابتنه أوي
وميزت هالمحول انه مثل ما قلت يحول الشادو البودره لكريمي ويخلي اللون اغمج ويثبته… ثبااته أكثر من روعه!
المهم…
السالفه فيها بس خطوتين!
احط نقطه من المحول على كل عين وامده لين كسرة العين تقريبا وشوي من تحت
وبعدين اييب الجحال واحطه فوقه
واللي بتلاحظينه انه الجحال على طول يستوي سائل أو كريمي
انا احط طبقتين او 3 من الجحال وبعدين امده بصبعي لين الثنيه او شوي فوق
هالطريقه ليش حلوه… لانه اول شئ ما اتعور العين..
يعني يوم انحط الجحال ويكون جاف.. احس العين تحمر.. والدمج يكون وايد صعب..
ثاني شئ.. والاحلى.. انه يوم اسوي هالطريقه احس أسهل بوايد وتطلعلي مثل تدرجات لون الاسود فأوفر ععمري وقت الدمج والتلخبيط… وما انسى اخر شئ.. انه السموكي يكون أثبت بعشر مرات اكثر.. او يمكن تسع بس هههه
انزين انكمل… ثاني واخر خطوه
احط الايشادو الاسود فوق الجحال وادمجه على فوق
وبس! وكل ها ترا في اقل من دقيقه!!
والنتيجه:
شو رايكم؟
:1_42:
تسلمييين
كلج ذوق يا ام الذوق
طريقة سهلة مثل ما قلتي وما بنيلس نعابل فيها وايد…….
تسلم ايدج وافكارج المبدعة….دوم متميزة
ميــره الاميــره
كاندي
الطريقة وايد وايد رووعه
وبصراحة عجبني المحلول وفعلا جاوبتيني على استفساري وبكم وكيف الطريقة وكيف فعاليته
تسلمين واللوك بسيط وحلوو وسهل جدا
تسلمين يا عسل
:B_wink:
وانا اليوم ما ادري شو فيا احس واايد متححححمسه
بس على شو ما ادري ههههه
ولا تحرميينا من يديييدج …
وكــل التوفيق ..
طريقة بسيطة و انا أحب السموكي لاني احسه يطلع على حلو
بس ما فهمت شو هالمحلول؟؟؟