اليوم جايبتلكم طريقه سهله حق فطيرة التفاح أو
Apple Pie
اللي الكل يحبها والصغار قبل الكبار
المقادير:
أربع تفاحات و ممكن يكونون أخضر وأحمر مكس أو اللي تحبين
ملعقه كبيره دارسين أو قرفه بودره
سكر حسب الرغبه
عجينة بف بيستري
بياض بيضه مخفوقه مع ملعقتين كبار حليب
سكر بودره للتزيين
الطريقه
نقشر التفاح ونقطعه ونسلقه في ماء الى أن يستوى بس مش كثير يعني يادوب عشرين دقيقه
نقلل من كمية الماء ونهرس التفاح هرس خفيف ونحط فوقه القرفه والسكر ونقلب عالنار 5 دقايق الى أن يصير الخليط مثل الصوص الثقيل مثل ماهو موضح فالصوره الثانيه..نخليه يبرد فالثلاجه عشان ماتذوب العجينه وانتي تحشينها. (a)
نحشي العجينه بأي شكل تحبين مستطيل أو مثلث اللي تحبين بس ادهيني يدينج بزيت خفيف عشان ماتلتصق العجينه باليد
راعي وانتي تحشينها تخلين الورق اللي عليها عشان تحافظ على شكلها وبعد ماتحشين شيلي الورق
سكري أطرافها بالشوكه مثل الصوره وادهني الفطاير بالبيض والحليب
واخر شي صفيهم في صينية الفرن المدهونه أو على ورق زبده
وأخبزيهم على حراره 200 لمدة عشرين دقيقه أو لحد ماتنضج ويصير لونها ذهبي (y)
زينيها بالسكر البودره وقدميها وممكن تصبين فوقها كراميل أو تشوكليت 😉
وبالهنا والشفا واتركم مع الصور
روووووووووعه
:::
تسلم يمينج حبيبتي
اممممم روعة و سهلة
شكرا لك
:::
تسلم يمينج حبيبتي
تــســـلـــم أيــــــــــدج عــلـــى هـــالــــمـــوضـــــوع الــــرائـــــــــع……….
والله يـــعـــطـــيــج الـــصـــحـــة والــــعـــافـــيـــة ………
في انـــتـــظـــار أبــــــــــداعــــاتـــــك الـــــقــــــدمـــة……..
دمـــتـــــي بـــــــــود …….