أزمة الكعب العالي!! 2024.

مرحبا خواتي
عندي استفسار بسيط ياليت تجاوبوني عليه
الوحده لو كان ريلها بنفس طولها أو اقصر عنها بشوي
وتكون هيه مغرمة بالكعوب العاليه ومتعوده عليها
يعني حتى لو لبست كعب واحد سانتي ما ينفع ويبين الفرق في الطول .. في هالحالة :think: شتسوي!!

هل ترضخ للأمر الواقع وتلبس كله سطاحي<<<<حل صعب 🙁
أو إنها تلبس كعب وهي مغمضه وتتجاهل كل شي!!
خصوصاً إنه في مناسبات ما ينفع فيها إنه الوحده تلبس سطاحي

جاوبوني دخيلكن .. شو الحل؟؟؟
والإخت إلي مرت بهالموقف تفيدنا

مشكورين

هلااااا اختي انا وحده اموت بالكعب وما اعرف امشي بدونه حته يوم اروح السوق البسه مع انه ريولي تعورني بس ماااا يوز عنه

بس يوم عرست كنت البسه عادي وريلي اطول عني بشوي بس هو مااا يحب اني البس كعب يوم اروح السوق لانه يسوي صوت

ويقولي كل الناس اطالعج يوم تمشين >>>> شو اسوي يغار عليه :shy:

الحين بس في المناسبات البسة

السموحة طولت عليكم

اقتباس

المشاركة الأساسية كتبها نوسه

	في السوق بلبس مسطح لانه احسن للسوق واريح اما اذ ا مناسبة فاكيد الكعب ((بس انا ماحب الكعب ابد))

تسلمين على الرد
مشكلتي إني تعودت عالكعب من فتره طويله واكثر شي يغريني في الشراء "الكعوب"
من زمااان ودرت المسطح .. حتى لو بلبس الحين ما ينفع
العبي إلي عندي كلهن طوال ولو لبست مسطح بيسحبن عالأرض
يبالي اغيرهن كلهن
ومشكورة فديتج (f)

———————————–

اقتباس

المشاركة الأساسية كتبها ღاحلاهمღ

	حبيبتي اذا بتطلعين مع بوالشباب البسي واطي واذا عندك مناسبه البسي الي يعجبج لانج ماراح تمشين معاه وبعدين عادي ليش مكبره الموضوع يعني شفيها لوكنتي اطول اشوي محد راح ايلاحظ

مشكورة الغاليه على النصيحه
وأفا عليج مب مكبره الموضوع ولا شي
أنا مبوني طويله شوي بدون كعب
هيه مسألة تعوّد وأبغي اغيرها إن شاء الله
وحبيت آخذ نصايحكم
ما احب اطلع باجر بكعب .. واستوي عملاقه حذال بوالشباب
ومشكورة فديتج (f)

———————————–

اقتباس

المشاركة الأساسية كتبها فز الخفوق !

	اصلا ياقمر الكعب العالي واايد مب زييين لانه يضر بالظهر ويطلع الكرش .. انا قريت هالكلام بكتااب .. خليييه بس للمناسباات

المشكله إني أعرف كل هالأضرار لكني ما اتوب 🙁
عندي ادمان في شراء الكعوب .. ما اقدر اقاوم يوم اشوف شي عايبني منهم
ومشكورة فديتج على النصيحه (f)

———————————–

اقتباس

المشاركة الأساسية كتبها بنت قمر راكبه همر

	أنا ريلي أطول مني ب تقريبا 9 سم.. ومن إنخطبت عليه على طول طلقت الكعب.. لأني ما يمديني ألبس كعب إلا هوب وأنا طايره بطوله.. بس في المناسبات أضطر ألبس لأنه ما بيمشي معاي.. واجد أخسر على المناسبات والمشكله النعال ألبسه مره وحده أو مرتين وخلاص أسلم عليه.. في عرسي لبست كعب بس لما جاني الكوشه فسخته.. بس ماكان باين طبعا إني فاصخته.. لأن الفستان طويل.. وأغلب صوري بدون لبس نعال.. لأني ما أتخيل إني ألبس كعب وأصير بطوله في كل الصور.. أصلا الصور ما بتطلع حلوه..

لوووووووول ضحكتيني والله على سالفة التصوير بدون نعال
لكن طلعتي ذكيه ماشاء الله
تسلمين الغاليه على الرد (f)

———————————–

خنفورة
مشكورة الغاليه على الرد والتواصل

———————————–

اقتباس

المشاركة الأساسية كتبها عروس الدوحه

	والله موضوع حلووو وخصوصا اني من اللي يمووتون بالكعب العالي واااعشقه وعمري مالبست سطااحي حتي لما اخذ جوتي رياضه الله يعزكم اخذه رفيع شوي ولما ملجت الحمدالله زوجي طويل واطول مني بوااايد يعني لازم البس كعب عالي عشان طول يكون متناسب وبس حمللللللللللللللللللللت جاته طامه كبري شاسوي ظهري يعورني مااقدر امشي وخصوصا مع المتن قمت اتعب واروح اشتري سطااحي كلش بالارض مافيه ولارفعه وبس تعلمت عليه مع انه لمااطلع معاه الطول شاسع بس شااسوي كله عشان خاطر نونو واللحين دووم افكر لين ولدت بعرف امشي على كعب مرة ثاانيه وظهري بيعورني والا خلاص تعودت على سطااحي والصراحه سطاااحي مرررريح وااايد

الله يقومج بالسلامه إن شاء الله
ونفرح بج وبالنونو الصغير وعسى الله يبارك لج فيه
بس لا تحاتين .. اتوقع عقب الولاده كل شي يتغير
الله يسعدكم إن شاء الله
مشكورة فديتج (f)

———————————–

اقتباس

المشاركة الأساسية كتبها العـــ الحرف ــنيد

	هلااااا اختي انا وحده اموت بالكعب وما اعرف امشي بدونه حته يوم اروح السوق البسه مع انه ريولي تعورني بس ماااا يوز عنه بس يوم عرست كنت البسه عادي وريلي اطول عني بشوي بس هو مااا يحب اني البس كعب يوم اروح السوق لانه يسوي صوت ويقولي كل الناس اطالعج يوم تمشين >>>> شو اسوي يغار عليه الحين بس في المناسبات البسة السموحة طولت عليكم

مسموحه الغاليه
صدقج الوحده إلي اتعود عالكعب ما اتروم تمشي بدونه
والمشيه تكون مرتبه واحلى من السطاحي
والله يسعدج من ريلج طول العمر إن شاء الله
مشكورة (f)