أشرايكم في علاقة المخطوبة بخطيبها بعد كتب الكتاب 2024.

السلام عليكم ياحلوين حبيت آقول لكم رأيي في موضوع آنة آشوفة جدا مهم و هو علاقة المخطوبة بخطيبها بعد كتب الكتاب , لاحظت أن كثير من البنات يتعمقون وايد مع ازواجهم هو صحيح أن حلال بس مش حلوة أن البنت داخلة و طالعة مع الزوج لاحسيب و لارقيب حتى صارت السالفة مملة كل يوم مشكلة على ولاشي لأنهم يعتقدون أن هذة الفترة لدراسة علاقتهم مع بعض و هو العكس طبعا لأنهم طول الوقت مجاملات , أنا مع رؤية الخطيب لخطيبتة في حدود معقولة و أن تكون العملية مرتبة حتى يسود الأحترام و الود والشوق لليلة الزفاف..و تقبلوا رأيي بسعة صدر و أتمنى الرد حتى تعم الفائدة(f)

شكراااااااااا

وانا معاك بعد لازم يكون في نوع من الخجل عند البنت يعني حتى لو اغرقك بالكلام الحلو لازم تخليكي ثقيله معه شوي وتسوي روحك مستحيه وما تطلعيين معاه كل يوم يعني يوم كل اسبوعين اتوقع كافي عشان يكون في حب وشوق ولا لين العرس عز الله الرجال بيمل من ويهك

مشكورة حبيتي على طرح هالموضوع الحلو… انا من رايي هاي موضوع يعتمد على البيئة حتى اذا من دولة وحدة يعني احنا في البحرين هالموضوع يعتمد اكثر شي على مدى تحرر العائلة الي منها الصبي والبنية وهل البنية كانت تعرف الصبي ولا خطبة اهل بس الغالب الي الاحظه ان البنية تعامل الصبي مثل زوجها وطبعا هاي من حقه بما ان كل شي بالحلال ماعدا في شي واحد الي اهو نومة البنت في بيت خطيبها يعني تقريبا 50% من العوائل في البحرين مايخلون بناتهم ينامون بره البيت وهم مخطوبات

يا ربي .. فعلا كلامك عين العقل .. وكان خاطري حد يأيدني .. احنا صحيح عندنا ممنوع نطلع .. بس صديقاتي من مناطق ثانية يضحكون علي .. يقولون يحليلك ما تقدرين تطلعين معاه .. وانا بالعكس أحسه شي مميز وما ابي أطلع ولا أبي ازودها .. وأستغرب من اللي يطلعون .. يوديها السوق .. ينامون .. طول الوقت طلعات وتنفتح باب المشاكل أوقات .. حلاة البنت يوم العرس مستحية ومو متعودة عليه وتخجل معاه .. مو ماخذه راحتها وشايفته وشايفها وايد .. لأن التفاهم والاحترام أهم من الحب اللي يفرض عليهم هالشي .. وبعد المبالغة بالشي مو حلوة .. لأن التقيد زيادة عن اللزوم تولد نتيجة عكسية .. فالتوازن مطلوب …
أشكرك أختي على الطرح الرائع !

اوافق معاكي خصوصا لو الفترة الملكة طويلة…….ادعولي اتخطب قريب….عاجلا وليس اجلا ..امين…وشكرا لك

اقتباس

المشاركة الأساسية كتبها فهدونه

	السلام عليكم ياحلوين حبيت آقول لكم رأيي في موضوع آنة آشوفة جدا مهم و هو علاقة المخطوبة بخطيبها بعد كتب الكتاب , لاحظت أن كثير من البنات يتعمقون وايد مع ازواجهم هو صحيح أن حلال بس مش حلوة أن البنت داخلة و طالعة مع الزوج لاحسيب و لارقيب حتى صارت السالفة مملة كل يوم مشكلة على ولاشي لأنهم يعتقدون أن هذة الفترة لدراسة علاقتهم مع بعض و هو العكس طبعا لأنهم طول الوقت مجاملات , أنا مع رؤية الخطيب لخطيبتة في حدود معقولة و أن تكون العملية مرتبة حتى يسود الأحترام و الود والشوق لليلة الزفاف..و تقبلوا رأيي بسعة صدر و أتمنى الرد حتى تعم الفائدة(f)

مثل ماتفضلتي وقلتي ..

حلال .. لان زوجها

وضع الحدود والعراقيل وتصنع الحياء هذا كله له اضراره عليها اكثر من ايجابياته لكني أأيد هالنقطه اذا كان الزواج تقليدي اي خطبه اهل ..

لكنن اذا كان في معرفه مثللا ان يكون ولد عمها او يصير لهم او في معرفه بينهم .. ما أايد كلامج
طبعا هذا ما يعني ان اهما يتعمقون وايد 😉

الطلعات والروحات والييات .. هذا كله لصالحها عشان تاخذ عليه وياخذ عليها .. باجر بتطلع من بيت اهلها بتحس نفسها غريبه معاه
لاتقولين لي الوقت

بعد كتب الكتاب هذا زوجها وحلالها
اما سالفه لاتسوون ولا تفعلون هذي عادات وتقاليد ابتدعناها احنا لكن في الاسلام اول ماينكتب الكتاب فهو محلل لها واهي محلله له .. اهو مو حرام لكن عيب << يمكن هذا قصدج .

انا ما راح اتكلم بصفه عامه سواء للي كتبته واالا اللي راح اكتبه

بس انا احب ان العلاقه يسودها نوع من الشفافيه والوضوح
الدلع حلو .. لكن بدون تصنع
الحياء حلو .. لكن بدون تصنع .. لان راح يكون مكشوووووووووووووووف والرجل مو غبي لدرجه ان يفرق بين الحياء المصطنع والحياء الطبيعي
لا تستعجلون على الحياء ياما بتصيدكم مواقف راح تنحرجين منها طبيعياً بدون تصنع

طبعا انا اذا قلت روحات وييات .. انا اقصد زياره بيت الاهل المتبادل .. العزايم .. الطلعات الشبه يوميه

اما كلامج فهذا ينطبق على فتره الخطوبه ماقبل كتب الكتاب واللي لازم يكون معاكم محرم

هذا رايي والاختلاف في الرأي لا يفسد في الود قضيه

اقتباس

المشاركة الأساسية كتبها KeFi n7esa

	مثل ماتفضلتي وقلتي .. حلال .. لان زوجها وضع الحدود والعراقيل وتصنع الحياء هذا كله له اضراره عليها اكثر من ايجابياته لكني أأيد هالنقطه اذا كان الزواج تقليدي اي خطبه اهل .. لكنن اذا كان في معرفه مثللا ان يكون ولد عمها او يصير لهم او في معرفه بينهم .. ما أايد كلامج طبعا هذا ما يعني ان اهما يتعمقون وايد 😉 الطلعات والروحات والييات .. هذا كله لصالحها عشان تاخذ عليه وياخذ عليها .. باجر بتطلع من بيت اهلها بتحس نفسها غريبه معاه لاتقولين لي الوقت بعد كتب الكتاب هذا زوجها وحلالها اما سالفه لاتسوون ولا تفعلون هذي عادات وتقاليد ابتدعناها احنا لكن في الاسلام اول ماينكتب الكتاب فهو محلل لها واهي محلله له .. اهو مو حرام لكن عيب << يمكن هذا قصدج . انا ما راح اتكلم بصفه عامه سواء للي كتبته واالا اللي راح اكتبه بس انا احب ان العلاقه يسودها نوع من الشفافيه والوضوح الدلع حلو .. لكن بدون تصنع الحياء حلو .. لكن بدون تصنع .. لان راح يكون مكشوووووووووووووووف والرجل مو غبي لدرجه ان يفرق بين الحياء المصطنع والحياء الطبيعي لا تستعجلون على الحياء ياما بتصيدكم مواقف راح تنحرجين منها طبيعياً بدون تصنع طبعا انا اذا قلت روحات وييات .. انا اقصد زياره بيت الاهل المتبادل .. العزايم .. الطلعات الشبه يوميه اما كلامج فهذا ينطبق على فتره الخطوبه ماقبل كتب الكتاب واللي لازم يكون معاكم محرم هذا رايي والاختلاف في الرأي لا يفسد في الود قضيه

اايد كلامج 100%(y)(y)(y)(y)(y)

شكراً لكل اللي ردوا علي وطبعاً اختلاف الرأي لايفسد للود قضية ..

آنا معاكم في مسألة أن حلال بس اللي حبيت أوضحه أن البنت في هذة الفترة تكون جدا حساسة .. انا عن تجربة في العيله , كانت وحده من البنات من كثر ماهي تمضي وقت مع خطيبها , صارت تجينا يا معصبه او متضايقه والاسباب مو معقولة ابداً !! يا غيران , يا طالعه بدون ماتقولين لي و الى آخره من هالسوالف , و وحده ثانيه حاطه خطيبها و عايلته تحت المجهر كأنه هي كاملة مافيها عيوب , وتجيها فترات تقول ان صرت احس كأنه "زميل عمل او زميل دراسه" يعني الإحساس إتجاهه صار عادي.
وطبعاً في هذه المواقف يكون في مجال لفك الملجه ف يستسهلون الموضوع, على قولتهم "دام الموضوع مو serious للحين"

والله يوفق الجمييع
ومشكوريييين حبايبي على كل الكومنتس :15: